موضوع شامل عن // جميع حلول مشاكل الفورد... بالداخل!

والله يالغالي مالي علم بصراحة لأن اسعار القطع مره فوق ومره تحت ولا أدري وش السبب عندهم

ولكن حسب علمي عند تغييره لسيارة أحد الأخوة كانت اثنين حساسات بـ 120 ريال

يركبوا بجنب فلتر القير والتركيب مايكلف شئ ,, بسبب انه كأنك تغير زيت فقط لا غير

أخوكـ

الاخ اهات
السلام عليكم اللون الاحمر لايدل علا ان البطاريه تالفه عليك ان تفحص
تعبية الدينمو يكون من ثلاث عشرونص الااربع عشرونصف فولت اكثرمن هاذا بيخرب البطاريه اقل اي بحدود ثلاث عشر تكون الدينمو ما تعبي كفايه وبتضعف البطاريه
وخاصه مع استعمال المكيف افحص البطاريه قبل ان تبدلها يوجد جهازلفحص البطاريات
عب البطاريه وفحصها اذاكان الفولت من 12 الا 10 فولت تحت الجهد تكون تمام ماداعي
تقيرها

لا شكر على واجب وحياك الله

بالنسبة للمكيف الحار انا مادري مالسبب لألغائه اذا لم يكن فيه تهريب :confused1:

ولكن من المفترض تغيير موية الراديتر وبلف الحرارة كل 100 الف كيلو

وايضاً غسيل واجهة السيارة بالمويه و نفخها بمويه لأن مع الخطوط وتقلبات الجو تمسك عوالق

او أتربة وتسدد مسمامات وفتحات الراديتر وهذا يعيق عمل المروحة في سحب الهواء

" طبعا تنظيف الواجهة لابد ان تكون السيارة باردة "

بالنسبة للتفتفه فأعتقد امرها بسيط وان السيارة تحتاج الى صيانة دورية لا أقل ولا أكثر

وهي على التالي :

تغيير بواجي - صفاية البانزين - تنظيف حساسات الهواء كل 60 الف كيلو

تغيير فلتر الهواء كل 20 الف كيلو

ايضاً لا يمنع من فحص الكويلات لربما احدها متعطل او مايعطي كهرب بشكل كامل للبوجي

بالنسبة في الرياض والله للأسف لا أعلم ولكن أعتقد فيه ورشة أغلبها فلبيني والفحص عندهم مجان

وهي ورشة القرعاوي ,, تقدر تفحص عندهم ويطلع لك المشكلة أو الخلل عن طريق لمبة الماكينة

لأنها تعطي كود العطل للكمبيوتر وبذلك يطلع لك رقم المشكلة ويعطيك حلها

وجزاء كل من رد ودعاء لي وله بالمثل يارب

أخوكـ

عزيزي الغالي
الف شكر على هذه المعلومات

انا عندي جيب ماونتنير 2004 ماشي فوق 150 الف باسمي من الوكاله

قبل سنة تقريبا صار ترتفع الحرارة مع المشي واذا هديت السرعه نزلت الحرارة وديته للوكالة وقالوا لازم نلغي المكيف الحار وقعلا تم الغاءه

وبعد فترة ولعت لمبة الصفراء انجن سون وصارت السيارة بعض الاحيان تفت عند الاشارة او لما امشي بزحمه
ذهبت لوكالة قالوا فيها ظفيره محروقه ولازم تغيرها ولكي تغيرها لازم نفك المكينه والطبلون وتكلف عليك حوالي 10 الف ريال فك وتركيب

هل هذا معقول ام ان الوكيل من جنبها ولا يدري وش السالفه
وهل هناك كهربائيا بالرياض ممكن يفيدني اكثر غير الوكيل

يعطيك العافيه

يعطيكم العافية ياشباب

وعليكم السلام ورحمة الله

اذا عمر البطارية انتهى ,, وهي طبعا حسب نوع البطارية ولكل بطارية علامة دلالة على الانتهاء

فأذا بالفعل البطارية فيها مشكلة واصبح لا تخزن كهرب فلابد من تغييرها بأخرى من نفس المقاس والحجم

اما بالنسبة للمادة الخضراء او مثل البياض على اصابع البطارية فهو متعارف عليه انه كربون

ويجب ازالته بالصنفره ويوجد نوع خاص من الشحم للمواد الكهربائية مقاومه وعازله للكربنه

أخوكـ

الاخ امير ..... السلام عليكم .... اليوم البطاريه عيت تشتغل السياره وسويت اشتراك

وشفت انه اللون احمر فى عمق البطاريه! هل يدل انها انتهت ! ولقيت على الاصبع

شى لونه اخضر وشلته بماء حار .... تحياتى ,,,,

معلومات جيده اشكرك عليها وخصوصا حقت القير

وعليكم السلام ورحمة الله

حياك الله أخوي في المنتدى لتفيد وتستفيد ,, اما بالنسبة لتوافق القطع الكهربائية او بالاخص الكترونية

فلكل نظام شركة من السيارات انظمة مختلفه ولا أعلم على أي سيارة تم التجربة عليها

ولكن لكل سيارة نظام مختلف ولكن الأغلبيه طبيعي جداً يتم تبديلها بقطعه أخرى جديده وتعمل

ولا تحتاج الى أي برمجة او ما الى ذلك

أخوكـ

السلام عليكم اخواني انا جديد علا الموقع الثمين
وعملي في كهرباء وتكييف السيارات وكنت في الخليج تحديد قطر
الان انا في امريكه الذي اعرفه هنا من موديل 2000 ومافوق اكثر الاجهزه عند التبديل
جديد تريد برمجه حتئ تتوافق مع كنبيوترالسياره وتعمل بشكل صحيح ولا اعرف هل
هونفس النظام الموجود داخل وخارج البلاد علا سبل الذكر غيرت كنبيوتر كرسي الساق
ما شتقل الابعد ارسال السياره الوكاله للبرمجه والسلام

لا شكر على واجب واهم شئ انت الكفرات انك تفحصها اذا كان فيها مسح او مهترأه وتحتاج تغيير

ولكن ماشاء الله عليك مادامها مشكت كل هذه المسافه ولها سنتين فالأفضل تغييرها احتياطاً

اما بالنسبة للتقوى ما اَضمن لك ولا قطع غيار حتى تتأكد من رقم القطعه وان الكرتون او العلبة

الي موجوده فيها القطعه مختوومه من المصنع

أخوكـ

شكرا ......... طيب الكفرات انا مركب تيو .. لها سنتان ونصف ورحت عليها سوريا

والامارات والبحرين وجده ... والشرقيه والقصيم ..دائما .. وشكلها كويس!

هل التقوى قطع غيارهم اصلى ! او امريكى ! ومنه احسن منهم ..........

الصوت اذا كان مع التشغيل قد يكون بالفعل من السلف يحتاج تنظيف فقط او تغيير القطع الي تستهلك مثل الفحمات

طبعا يفترض انك تغير اقطع الاستهلاكيه والتي بشكل دوري تتغير :

كل 100 الف كيلو يتم تغيير موية الراديتر و بلف او ثريموستات الحرارة

كل 60 الف كيلو بواجي - صفاية بانزين - تنظيف حساسات الهواء - فحص الكويلات او اسلاك البواجي

كل 40 الف كيلو يتم تغيير زيت القير وفلتر القير - وفحص نظام الفرامل (( أقمشة وهوبات ))

كل 20 - 25 الف تغيير فلتر الهواء

كل 5 - 7 الالف كيلو يتم تغير زيت الماكينة وفلتر او سيفون الماكينة

اما المساعدات وغيرها من نظام تعليق السيارة فيتم فحصها اذا كانت تحتاج تغيير او لا !!

أخوكـ

الاخ الكريم ..... انا سافرت بلسياره فى طريق كله نراب... بعدين صرت اذا شغلت

السياره اسمع قرررر... فرحت لميكانيكى فلبينى وقال السويتش جاه تراب ويبغى

فك وتنظيف .. هل فيه مشكله فى تنظيف السوبتس! او بسيط! والسياره امريكى..

رحت فيها سوريا والامارات .. وداخل السعوديه . وماغيرت البواجى وفلتر القير

والمساعدات ... والبطاريه ... هل استمر او اغيرهن افضل ! شاكرا لكم ,,,,

مشكور يالذيب وماقصرت :smile:

والله ماقدر فيدك فيها ولكن تقريبا في حدود 400 ريال ولازم تكون عند الوكالة حتى يقدر يعيد برمجته

طبعا الرسيت او تصفير او اعادة برمجة من جديد للمبة لأنها بعض الاحيان حتى لو صلحت العطل

لازم تعلمها وتقولها انا حليت المشكلة شيكي على السيارة مره ثانيه وتروح ولكن مثل ماقلك روح افحص كمبيوتر

حتى تشوف وش المشكلة والسبب انها شغالة لانها دائما او غالباً ماتكون من حساسات الشكمان

أخوكـ

ياساتر :blue:

المشكلة الارضية مركبها قبل سنه حتى المحل ماادري وينه خخخخخخخ

وش هالكمبيوتر اللي طلع علينا بنقص

طيب اخوي تقدر تفيدني بسعر اعادة البرمجة ؟

ومافهمت كلمة (رسيت للمبة الماكينة)

ومشكور ع ردك اللي اسرع من الصاروخ

ياعل تجيك مايباخ وفله بسرعة الصاروخ < رايق خخخخخخخخخخ