في نصر تاريخي: تويوتا تزيح اول منافس امريكي عن طريقها .. وتنادي اللي بعده وينه ؟؟!!

صدقت يابو هذال لكن الموضوع بالاساس ماله دخل بالتعديل بس طريت انا ls1 عشان اثبت انه محرك جبار ويتحمل ولا مكاين اليباني بشكل عام تكد .

^^^
يا رجال بصراحة انه في هذاك الموضوع اخلتط الحابل بالنابل

لكن افضل محركات التعديل هي 3
1- محرك تويوتا Jz-2
2- محرك نيسان Rb 26
3- محرك الشفر LS1

بصراحه اللي بيشغل مشروع ما له الا الـ 3 هذولا

الموضوع هذا موجود عندي بالمفضله وكنت مراقب هالموضوع من بداياته

الكباتن بالبدايه كانوا معاندين الرجال وكان ماغير يجيب مقاطع وأدله ولا احد قدر يجاريه

بآخر الموضوع اقتنعوا كلهم انه محرك التويوتا افضل اللهم انه تعديله ماهو بسهولة الـ LS1
محرك الـ LS1 انا من أشد المعجبين فيه خصوصا في التعديل مثله مثل محرك الفتك لكن يعيبهن الاثنين الحراره ومشاكل الاستخدام

و الله ما قصروا الكباتنه واهل التجربة

اثبتو انه كان ولا يزال محرك LS1 افضل محرك للتعديل

تحياتي

مشكور على الرابط، فعلاً معلومات قيمة زادت من ثقتنا في محركات تويوتا.

السلام عليكم

ياشباب مادام إنكم جبتم طاري المكاين ..

وش رايكم تتابعون موضوع تكلم عن هذي النقطه بالذات اللي هي القوه بين LS1 و 3UZ


(( وأرجوا التركيز في كلام الكباتنه اللي لهم خبره وباع في هذا الجانب . ))


(( الموضوع قديم لكنه مليئ بالحقائق و المعلومات القيمه ))

الى الموضوع ...
http://www.t63ys.com/vb/t71161.html

^^^

بالنسبة للكمبيوتر يابو خليل

فهو موجود لكن اسعاره غاليه

واحد من الشباب معه التيما 2007 حصل كمبيوتر و مستعمل بـ 5000 !
و كما تفضلت فالـ 5000 هذي في المحركات الامريكية تسوي لك اشياء كثيييرة و توصلك الى 450 حصان بالراحه

تحياتي

بالنسبة للمحركات الأمريكية سبب إقبال الناس عليها في التعديلات أن أحجامها ضخمة ورخص سعرها، والحجم الضخم ممكن بالتعديل تطلع قوة كبيرة، ليس لاعتماديتها. كذلك برمجة الكمبيوتر للمحركات الأمريكية الكثير جداً من الناس يعرفون لها. لكن أين تجد أحد يبرمج كمبيوتر ياباني ...

هذا لا يعني أن المحركات اليابانية غير قابلة للتعديل، ولا يعني أنها أقل اعتمادية.

فاصل إعلاني

بخصوص الهايكلس فحسب إلي تعاملنا معه

هو يكد لكنه ما يخلا من الحاجة للتوظيب


* أحلى ما في الموضوع هو التفاهم والمعلومات الرائعة *

|1|

مع كامل تحياتي

بالنسبه للتعديل يابو منصور انا اشوف ان اغلب اللي يعدلون يستعملون المحرك ls1 وبعدين قليل تلقى
واحد معه اس اس ومدلعها لازم خفايف هذي وجهة نظري يابو منصور وبعدين على فكره الls1 حقت الكابرس غير حقت الكمارو وحقت الكورفيت غير حقت الكمارو اعتقد اللي ذكرته يابو منصور حقت الاس الاس اللي موجود بالشوارع والدليل بس ماني متاكد منها عمرك شفت لومينا اس اس ستوك يطلع على كابرس.
وبالنسبه للتحمل جاركم معه كريسدا موديل 91 وهذيك الموديلات عليها محرك اسمه 22R كلبريتر
اللي هي نفسها حقت الهايلكس القديم هذي من اسوا المحركات اللي شفتها بحياتي حراره وانوع التخبيط واحد من العيال موظب موتره ثلاث مرات ونفس المحرك على سيارة بيتهم هايلكس موظبه مرتين وكذلك الكثير .انا ماني ضد فكرة التخبيط لان المواتر هذي لها عمر افتراضي وبعدين موتر الرجال كان 95 وكفى ووفى بس انت جبت لي مثال ولكل قاعده شواذ يابو منصور .
اذا كنت تبي تتكلم عن الكوابريس شف الكابريس القديم (التسعاوي ) واحد من الشباب عندهم واحد فاكينه وكاله موديل 87 مشكلته الوحيده انه دايم يخر رديتره وماشاء الله تبارك الله ماتشوف بالشارع ولا نقطه زيت للمعلوميه ان زيت الموتر مايغيرونه كل فتره يزوده راعيه .
ابو منصور ممكن يكون كلامي خطا لكن هذا اللي عندي والحوار لايفسد للود قضيه انا اعزك واقدرك
واقترح تتاكد من جاركم يمكن التهريب مهب من السياره يمكن من مكان ثاني .:a120(96):
واسف لصاحب الموضوع للخروج عن صلب الموضوع.

أقول يابش مهندس محرك الـ LS1 5.7 مايقدر يتحمل اكثر من 400 حصان بدون مايكون فيه تغيير في اساس المحرك وأتحدى من يثبت العكس

بينما محرك التويوتا 3UZ 4.3 يقبل الى 800 حصان

لا تحاول يابو سعود انك تقنعنا انه التعديل الامريكي افضل لانه الارقام والشواهد تقول المحركات اليابانيه افضل بمراحل بالتعديل على محركات الجفاسه الامريكيه

جارنا عنده كرسيدا 91 بوابه بيته تقول محل غيار زيت من كثر ماتهرب ومن ذيك الايام ماخبطت ووالظاهر مالها نفس تخبط

لا يمكن مقارنه عمر المحركات اليابانيه بالمحركات الامريكي من ناحية العمر ابدا لانه الشي هذا مفروغ منه

محركات تويوتا فقط تكفيك عن باقي المحركات اليابانيه

ورب الجلال من عمري بزر وانا اسمع بالتوضيب عن السيارات الامريكيه ماعمري شف واحد يقول وضبنا هايلكس والا ددسن والا كرسيدا

كل الكلام عن الكوابرس والجموس وطقتها



أبو هذال محرك الـ LS1 يعطي عزم على دوران منخفض مثله مثل محرك اليوكن ويمكن أفضل فلذلك ماتفرق على رصيف والا على طعس يعني ماهو مبرر كلامك أبدا

تكلم براحتك يا بعدي

اولا المحركات اللي هم يركبونها مكروفة من الاساس مطارحات و برم كفرات

ثانيا شف استعمالهم ما تشتغل الا في حوسه ومن طعس لطعس

ثالثا شف تعديلاتهم اللي هم مركبنها عليها اللي توربو اكبر منها ولا هيئها له(ستروكر كام بساتم كرنك) ثم غاز يفجرها فجر تبيها تعمر من وين الله يصلحك

رابعا المحرك هذا مخصص للحلبات مو للطعوس يعني لو بداله محرك اليوكن حتشوف اكثر واكثر لانه مخصص لمثل هالشغلات

خامسا ليش ما ذكرت منها الا الشين ليش ما ذكرت الاداء !

سادسا الحراره ما يحق لك تتكلم قل ليش
ليش لانها لو على الموتر الاصلي(اللومي او الكابرس) كان يحق لك اما على موتر انت مركبها عليه فراجع نظام التبريد عندك لانه على اللي عندنا ماشاء الله تبارك الله الربع ما تعديه مهما كان

تحياتي

ايه نعم فرق السعه معروف ولايقارن بين المحركين لكن المقصود هو قابلية المحرك للقطع حيث ان محركات الامريكي عموما الثمانيه سلندر خصوصا الشفر تقدر تطلع منها قوه كبيره بدون اي مشاكل في المحرك بالعاميه (يتحمل ).

هههههههههههههههههههههههه
اضحك الله سنك على قولة بعض الشباب

انت تعرف كم فرق السعة بينهن..؟
:c024:

يارجل انا اول واحد يتكلم فيها

بالقصيم عندنا ماكثر الله الا من ال ls1 مامشاها الا رخص سعرها ولا جودتها دمار والحرارة دمار
باختصار هي حقت تمشية وقت لكن لعمر طويل استحالة اركبها

اقروا هذا الخبر واحكموا من هو المنتصـــــر وبكل قــوة :smilie332:

http://www.assayyarat.com/forums/showthread.php?p=1630343#post1630343

صدقت والله يابو هذال شف مكينة ls1 كم يطلعون منها حصان والمكينه وكاله ماغيروا فيها شي وشف مكينة الزد كم طلعوامنها حصان؟ ابوهذال تصدق واحد من الشباب حط فلتر على ددتسن وخبطت المكينه .
بينما واحد من الشباب معه ماركيز 96 تنقص زيت من عرفته واحيانا يمشي فيها بعلبه وحده ومع ذلك
واحيانا يطلع العيار مايلقى فيه شي ولا خبطت الا بعد مده طويله .
المحركات بشكل عام يتفوق فيها الامريكي لكن اعتقد ان اليابانيين ابدعو بالقيوروالدفرنشات وطابقتها على المكينه .(اقرب مثال قير الباترول ).