السلام عليكم يا اخوان
اول شي اسف ع الاطالة بس ان شاء الله بتعذروني وبتكونو قدها وقدود
1-سيارتي BMW 528i 97 من اول ما جبتها طلع الكمبريسر تبع المكيف ما بيفصل ابدا يعني من اول ما بشغلو ابدا ما بيفصل لانو متل الكل ما بيعرف انو بيشتغل فترة و بيريح فترة ,طبعا انا ما كنت انتبه للموضوع و معذور لاني غشيم المهم فجأة بطل المكيف يبرد وأخدتها على الفحص فقالو الكمبريسر للكب يعني بدو تبديل طبعا اكئئبت وقلت يلا بدلوه وبعد ما ركبت الجديد اكتشف الكهربائي انو الجديد كمان ما بيفصل (يعني ما بريح)وهون بلشت المصيبة لانو خبرني انو الجدبد راح يخرب كمان اذا ما حل المشكلة وهو قال انو ممكن الحساس يلي بحدد درجة برودة السيارة ممكن يكون مضروب وهذا الحساس موجود بامنطقة يلي تحت الدركسيون وشكلو متل المخيط(ابرة الخياطة الكبيرة)و في بطرفها واير وبدلتو وكمان ظلت نفس المصيبة وحاول محاولات كثيرة و ما قدر يعرف السبب بعدين قالي راح احطلك شي ع ما اذكر ترمستات والله اعلم وهادا وصلو مع الحساس وظيفتو انو بفصل الكمبريسر تقريبا كل دقيقتين سواء بردت او ما بردت بيفصلو يعني قالي شي مؤقت بس مشان ما ينضرب الجديد وع اساس اشوف كهربائي ثاني و استشيرة وانا طالبكم يا اخوان تساعدوني و شو ممكن يكون العطل؟؟؟ واذا خليت الوضع ع حالو يعني ع العملية المؤقتة يلي عملها في خطر و ضرر؟؟
2-على الدركسيون من جهة اليمين في عندي زر وهو عللى شكل ثلاث اسهم بشكلن دائرة اظن الها علاقة بالمكيف بس مو متاكد..ارجو الافادة من شان شو هذا الزر؟
3-انا عندي ميزت تسخين الكراسي بس السؤال الخطير اني كيف بدي اخلي المكيف يعطي هوا سخن لاني عم ببرد عالصبح يا اخوان
4-العداد تبع الريس او الضغط باسفلو في عداد ثاني مرقم من 3.5 الى 20 هذا شو وظيفتو؟؟؟
5-يوم يجي وقت تبديل الفحمات( السفايف) بيأشر عندي انو بدهن تغيير ومن اول ما شريت السيارة من 9 شهور مبدلهن مرة وحدة والحمد لله البريكات عندي اوكي مع انو بس اعطي بريك بطلع ذللك الصوت المزعج يلي عند كثير من الناس طبعا اذا في حل للصوت يا ريت تساعدوني و مو هذا هو سؤالي الرئيسي وسؤالي انا يوم بدلت الفحمات لاحقا اذا بدهن تبديل بأشر عندي ؟؟يعني في شغلة معينة لازم المكنيكي يعملها حتى اعرف وقت التبديل ولا خلص بدل فحمات و امشي بدون اي سينسور او اي شي؟؟
واله آآآآآآآآآآآآآآآآآآآآآسف ع الاطالة وبعرف انكم الها وقدها وشكرا سلف لكل واحد رح يعطي رأيو واذا في حدا بالرابطة من الشارقة الله يحزيه لخير ويدلني على محل مكانيكي ابن حلال.
