مشكور أخوي، لكن اللاندكروزر بالذات ما أحد يقدر يتكلم في جودته، الصراحة فيه جودة في المواد المستخدمة لا تضاهى. لكن فعلاً سعره غالي. سعره عندنا في السعودية معقول جداً ومقارب لسعر التاهو وفيه مواصفات ناقصة عن التاهو، ومواصفات أفضل من التاهو، يعني ما فيه نظام الثبات ومحرك أضعف بقليل واستهلاك بنزين أكثر بقليل، لكن تجد فيه دف لوك وسبير معلق وخزان بنزين ضخم وسعة داخلية أكبر من الجهة الخلفية، كلها أشياء لا تجدها في التاهو. والكلام عن الجي إكس آر ثمان سلندر. أما الفي إكس آر، فشتان شتان بينه وبين التاهو.
ليه ما احد يقدر يتكلم على جودته ، لو تكلمت عن مرسيدس او بي ام او حتى لكزس ممكن لكن لاند كروزر ما يخلى . وللا ليه تويوتا رجعت للمستوى الخامس على مقاييس الجودة اليابانية خلف هوندا ؟
ليه ما يعطون ضمان ل 200 الف او خمس سنوات كفورد مثلاً ؟
بعدين كيف يكون سعره مقارب للتاهو ، الفرق كبير جداً الفل اوبشن في التاهو من 155 ألى 170 لكن اللاند من 230 إلى 255 الف
التاهو ستاندرد من 100 إلى 105 لكن اللاند من 135 إلى 140 الف
، ما كن فيه فرق واضح
اتفق معك بان اللاند يدوم واكثر جودة لكن ، هل الفرق يسوى ؟ حوالي 70 الف ريال ؟ خاصةً مع شيفروليت ؟ او فورد ؟ أو جي ام سي ؟
المشكلة ما هي بتويوتا او نوكيا او سوني او غيرها من الشركات المشلكة منا لاننا نشري على ما قالت الناس ولا نقارن المواصفات والمميزات والتقاييم العالمية ، اقلها اذا لابد من تويوتا قارن وارد عبد اللطيف ب الفطيم مثلاً !
وهنا السؤوال اذا معك 160 الف مثلاً بتشري سيارة فل اوبش ولا سيارة مجهزة بابسط الخيارات بس عشان ان الناس تتكلم عن جودتها ؟
عزيزي انا مستخدم تويوتا من موديلات الثمانينات واعرفها جيداً لكن انا ابحث عن الافضل ولست سفير لتويوتا على حسابي
تمنيت لو كان النقاش عن التاهو نفسه وهذا صلب الموضوع
تحياتي
