شوف اخوي والله انا مجرب كفرات تويو صراحة كفرات ممتازه وسعرها معقول
ولو تلاحظ حتى الدوريات إذا غيروا كفراتهم ما يغيرون إلا تويو وهي صراحه كفرات
قويه وتتحمل ولو انها ماتتحمل ما ركبوها الدوريات حقيت المطاردات والطرد والكرف .
وبعدين وش هو المقاس اللي تبي تركبه وعلى اي سياره ، وبعدين إذا بتأخذ تويو
نصيحة روح اشتره من الوكاله بالنسبه لي انا في الرياض ورحت اغير كفرات
الجمس وشريت كفرات من الغرابي الواحد بـ 390 ريال ومن زود الحرص اتصلت
على الوكاله (بعد ما استخدمتها) قالو لي ان الكفر الواحد مع التركيب والترصيص بـ 325 ريال
وانقهرت ويوم جيت اغير كفرات الهوندا جنوط مقاس 14 رحت الغرابي
اقل واحد قال لي بعد المكاسره بـ 140 ريال للكفر الواحد ورحت ركبته وتاريخ
احدث بـ 125 ريال من الوكاله
اما بالنسبه للكفرات الثانيه مثل هنكوك انصحك لو بتشتري تروح للوكاله ارخص
من السوق بغيت اركب على الهوندا في الغرابي بـ 115 وفي الوكاله بـ95ريال
اما كفرات ميشلان انا اقولك اشتر من برا الوكاله لأنهم ارخص عكس تويو وهانكوك
عندي سياره مرسيدس يوم جيت اغير كفراتها قالو لي الوكاله بعد التخفيض بـ 300 ريال
وبرا الوكاله بـ 230 ريال طبعاًَ بعد المكاسره قبل المكاسره يقولو بـ 250 ريال
ارجو انني قد افدتك
وارجو الرد وش نوع السياره اللي بتركب عليها الكفرات ممكن افيدك اكثر
