الله يعينك على ما اصابك ... تتسهل الامور ان شاء الله
الله يعينك ولا تترك حقك وانا اخوك
الله يعين الجميع ان شاء الله...
بإذن الله ماراح اترك حقي ابداً...
شكراً على تفاعلكم وردودكم...
تحياتي لكم,
أخوكم لؤي
الله يعينك
والله انها مصيبه سيارة قيمتها 200 الف ريال ولسا ماكملت الالف كيلو وتطلع فيها مشاكل او عيوب تصنيع
المفروض ان اي سيارة يكون فيها عيب تصنيع ان ترجع للشركه المصنعه فورا وهم ادرى بتصليحها او تشليح السياره كامله
المفروض غير والواقع غير...!!
ماعندنا حماية مستهلك أساساً...!!
تحياتي لك وشكرا على مرورك,
أخوك لؤي
حاول تسترد المبلغ فلوس على الاقل ترتاح وماتحس بالغبنه
واذا صار هذا الشئ عندي لك بديل احلى من الدينالي الي هو انفنتي qx ووقتها رح وقفه قدام التوكيلات وقلهم شوفو موتري الجديد لو انكم اوادم وتتعاملون مع مشاكل العميل بجده ماكان اتجهت لشركة منافسه
والله ودي يرجعون لي الفلوس...
ساعتها راح أفكر في الفورد اكسبدشن بنفس مواصفات وحجم الدينالي 2009 وبسعر أقل...
الإنفينيتي والأرمادا حجمهم أصغر من الدينالي اكس ال وخاصة في الصف الخلفي ومساحة التخزين...
شكراً على مرورك وتفاعلك...
تحياتي لك,
أخوك لؤي
.
يعني اقصد تويوتا لاندكروزر الفل كامل على 255 الف وكنت اشوفها غالية عليه بصراحة لاكن لا والله
الحين بعد ماشفت معاناتك اشتري شي كان بنظري غالي بس يستاهل كل ريال يندفع فيه .
صراحة اللاندكروزر سيارة ماعليها كلام...
ولكن أحس انها مختلفة نهائياً عن الدينالي وحجمها أصغر أيضاً...
هو أفضل من الدينالي في البر...ولكن الدينالي أفضل في الخطوط وداخل المدينه...
بس هم لو يشوفولهم حل لهذي المشاكل اللي مشوهه سمعة سياراتهم...
شكراً على مرورك...
تحياتي لك,
أخوك لؤي
اولاً الله يعينك اخوي لؤي ...
مسألة انهم يبدلون السياره انس هالشئ
ما راح يبدلون لك القير وهو الجزء الخربان فشلون يغيرون السياره بالكامل !!
انس هالفكره ماااااااااااااااااااااااااااااااااا حولك احد يحميك ...
انت قلت سياره كوريه بحجم الدينالي ... والله صعبه
بس فيه سياره حلوه وهي الموهافي وانت اكييييييييييييد تعرفها
بس المشكله الوحيده شلون راح تغير من دينالي الى كيا :smilie6:
احسها نقلها قويه ومااااااااااااا اظن انك راح تسويها ..
تحياتي
أنا بدأت معاهم بموضوع استرجاع الفلوس أو تبديل السيارة...
واذا مافي امل بحاول على تغيير القير...
بالنسبة للموهافي فهو صغير جداً مقارنة بالدينالي , وشكله مو داخل مزاجي 100%...!!
ولكن أتمنى من كيا انهم ينزلو سيارة كبيرة بحجم عائلي وبكون أول المشترين ولو بـ 200 ألف...
وعلى فكرة انا من أشد المعجبين بالسيارات الكورية ومرت على يدي ويد الوالد من سياراتهم كثير بدون أي مشاكل تذكر:
- هونداي سوناتا 98
- كيا كلارس 99
- هونداي جالوبر 99
- كيا كارنيفال 2001
- كيا أوبيروس 2004
- كيا أوبيروس 2005
- كيا كارنيفال 2007
- كيا أوبيروس 2008
.بصراحة ياخوي يالؤي
ان قلبي محترق من اللي صار لك والله ثم والله اني حسيت بحرقة على اللي صار بس قضاء وقدر
تخيلو بس سيارة بقراطيسها وماشية 500 كيلو فقط لسى المكيف مااشتغل وتحت التمرين توقف بك
عند الاشارة ويطلع العطل الجيربوكس قمة القهر والظلم , ان شاء الله معوض خير يالؤي .
والله هو شي يقهر ويعور القلب...
ولكن شنسوي تورطنا وخلاص...
الآن هدفي اننا نطلع بأقل خسائر من هالمشكلة...!!
الله يعطيك العافية على ردك وتفاعلك...
تحياتي لك,
أخوك لؤي
والله الذي لا اله الا هو لو أنا مكانك .. والله ما أرضى الا بفلوسي قدام عيني .. او دينالي مثله جديد ..
انشب لهم حتى يعطونك بداله جديد
ارفع المشكلة لأعلى مسؤول في الوكالة
.. لا تتنازل عن البديل ..
حرام والله يلعبون في السيارة وهي جديدة .. وانت ترى اذا سمحت لهم يصلحون سيارتك اللحين ونفترض انه بعد فترة خربت ثاني مرة أو شغلهم كان مشي حالك ..راح يماطلونك وماهم مبدلين سيارتك لئنك تنازلت عن حقك من الأول ..
والله أنا هذا اللي قاعد أفكر فيه...
والآن قدمت شكوى في دبي أطالب فيها بتغيير السيارة كاملة أو استرجاع المبلغ...
شكراً على مرورك وتحياتي لك,
أخوك لؤي
كثرت تقارير المشاكل في الدينالي ... الله المستعان.
فعلاً والله مشاكلها بدأت تكثر...
ولكن المشكله هذي ماهي الا عيب مصنعي...
ولكن التعامل مع هذا العيب من قبل الوكالة خاطيء...
المفروض انهم يرضو العميل بأي شكل من الأشكال لأن سمعتهم أهم شي...!!
شكراً على تفاعلك ومرورك...
تحياتي لك ,.
أخوك لؤي
الله يعينك
القاعدة الرئيسية فى مبيعات السيارات فى العالم
دايم جميع الشركات بلا استثناء يصدرون لنا السيارات التى فيها مشاكل
حنا دول التجارب
والله ياخي القاعده هذي في التعامل معانا احنا بس...
لو ان المشكله هذي حصلت في أمريكا كان رفعت عليهم قضية واخذت حقي منهم + تعويض مالي + اعتذار رسمي...!!
ولكن احنا ماعندنا حماية مستهلك والمحاكم عندنا لو تروحلهم بمشكله مثل هذي ماينظر فيها لأنها مشكلة تافهه في نظرهم...!!
شكراً على مرورك و تحياتي لك,
أخوك لؤي
السلام عليكم
اول شي معوض خير يا الغالي والله يعينك
وبعدين فية مقولة تقول ان التنازل الأول يتعبه تنازلات
يعني لو قلت لهم عادي صلحوة خلاص حتى لو خرب مرة ثانيه وهو ما تعدا 1000 كيلو مستحيل يرجهون فلوسك او يبدلونه لك ابدا ابدا
لانهم قالو انه تنازل من اول خلاص بيماطلون فيك لين ترضى
انشب لهم على الفلوس مع اني ادري انه صعبه ترجع لك فلوسك بس المقصد انه يوم تنشب لهم نشبة صح بيقولون عطوه جديد وفكونا فهمت
ولا تخليهم ابد يصلحون لك الموتر ابد وربي حرام يعني لو انه متعدي 1000 على الاقل الواحد يقول يمكن بس توه 555 وربي قهر ؟
الله يعينك يا الغالي ومثل ما قلت لك انشب لهم وترا هذولي ما يجون الا بالصوت يعني صايح عليهم ولا عليك من اكبر شنب انت دافع الفلوس كاش
وبعدين انت ماا دفعت 10 الاف انت دافع 200 الف يعني لو تقول وربي لافضح فيكم وجرايد وترا منتديات وكذا وتقول لهم هذا وهو دنيالي بعد اجل اللي اقل من الدنيالي وش بيصير فيه؟!! فهمت
خل عندك اسلوب بالكلام وجهز خطبة ولا تدخل الا على مدير الصاله بكرة
لا تتنازل يا الغلا والله غير يطمعون فيك ودام السيارة توها لانك لو تمشي فيها زيادة بيقولون ما نقدر نغيرها لك وقد قالوها لي قبل والسيارة ما مشت 6000 كيلو جمس 2002
الله يعوضك خير واتمنى لك التوفيق
أنشببببببببببببببببب يا ولد، لا تفكهم، اسمع الكلام قولهم فلوسي ولا موتر جديد، عيوب مصنعية انا ما أتحملها وعليك بجنرال موتر الأمريكان لو توصل لهم، انا صارلي كذا وكذا، لا تخليهم، هذا من الأسباب الرئيسية الي ما خلاني اقرب السيارة هذي بسبب الوكالة هذي...
الله يعينك
والله انا قدمت شكوى في جي ام دبي...
وسجلت فيها اني أرغب في استرجاع المبلغ أو تغيير السيارة أو تبديل القير كاملاً...
ونشوف انشالله ايش النتيجة معاهم...
تحياتي لكم وشكراً على مروركم,
أخوكم لؤي
ياجماعة الخير اذكروا الله ........... وسوستوا بالرجال ...... حبيبي موترك لا قيره مخبط ولاهم يحزنون كل اللي فيه مشكلة متعلقة بالكهــرباء ... اللي هي منظم القير وقيمتها ما تجي 1500 ريال ....تخبيط القير مهب بالشكل ذا ... اكبر من كذا بكثير
يا اخي الكريم انا مقدر شعورك واحساسك وحرقة دمك
لكن اذا الخراب على كلامك هو الفالف بدي (اللي هو مخ القير) فتطمن لان السالفه ما بيكون فيها تنزيل قير ولا شي لانه فقط بمجرد فك الصفيحة السفليه ثم فك الترانزقو(مجموعة يايات صغيره و لايحتاج تبدل) وكذا قطعه بسيطه ثم فك القديم وتركيب الجديد
ولو انها تبقى تنغصك حتى لو ظبطت السياره بس شيء افضل من لا شيء و وكلاء جنرال عندنا لا تعليق بصراحه
مع تمنياتي لك بالتوفيق
أخواني أنا عارف ان المشكلة ممكن تكون بسيطه...
وعارف المنظم أو الفالف بدي وعارف عمله في القير...
ولكن ان القير ينفتح ويتغير المنظم وتو السيارة ماشية 500 كيلو...هذا حرام...!!
أنا ايش ذنبي أتحمل خطأ مصنعي في سيارة قيمتها حول 200 ألف...!!
شكراً على مرورك وتحياتي لك,
أخوك لؤي
السيارة مافيها شي تجي من المصنع بس وكيلكم مليون%انه يلعب في السيارة
لانه احنا في عمان ماحد اشتكى من التاهو او اليوكون او الدينالي والكل يمدح هذول السيارات
أخوي السيارات لاتخلو من العيوب المصنعية...
ولكن تعامل الوكيل هو اللي خطأ...
تحس انه بيدفع شي من جيبه اذا غير على الضمان...!!
شكراً على مرورك وتحياتي لك,
أخوك لؤي
أخوي لؤي ولا عليك أمر .....تقارير الوكالة وجميع إثباتات الموضوع على إسكانر وحملها على أي موقع والفيديو إللي ذكرت نزله على اليوتيوب وحطهم كلهم بالمنتدى
عشان الناس تتأكد وتطمئن قلوبها والمتشكك يرتاح
والله يعوضك والوالد خير
^^^^^^^
الأخ اللي مسوي تقييم لهذا الرد وكاتب فيه تعليق : ( ردودك داائما فاشله إنت شايف حد من الأعضاء اللي رجوا كذبه !!! )
أولا : رأيك في ردودي رأي شخصي ولا يهمني
ثانيا : لو رأيك هذا صادق فيه خلي عندك شجاعة وأكتبه قدام الأعضاء
ثالثا : ماحد كذبه ولا حتى أنا وطلبي هذا بسبب مواضيع سابقة بنفس المشكلة وصارت مشاكل بين الأعضاء ما أبغاها تتكرر ... ولعلمك عندنا تاهو إل تي وتاهو إل تي زد وما عندي أي كراهيه لهذه السيارات
وأخيرا أرجوا أن لا يكون هناك ضغينة في قلب أحد .... وكلنا أخوان
أخوك أبو عبد الله
أخوي كرت الصيانة راح أرفع صورة منه وأضع الرابط هنا ان شاء الله...
هي مبين عليها نوع السيارة وقراءة العداد و المشكلة بالتفصيل...
ومقاطع الفيديو يبغالها وقت شوي...
الحمد لله انه جا على بالي أصور المشكلة وقت حدوثها عشان يكون عندي دليل...
شكراً على مرورك وتحياتي لك,
أخوك لؤي
