مالسبب في إختلاف الاسعار بين فروع الوكالة !!

أنا لاحظت نفس الشيء يوم كنت أسأل عن سعر الفورتشنر .. فرع خريص يقولي 107 آلاف وكسور وفرع السويدي يقول 110 وليتها على إختلاف الأسعار وبس ..المشكلة أن هالموظفين اللي جالسين قدام السيارات في الصالة ماعندهم معلومات كافية عن مواصفات هالسيارات كل موظف ويعطيك من راسه .

هـلا أخــوي . .

فـرق السعر يختلف بين الموظفين يعني هذا يعطيك خصم مثلا: 10 % والثاني 12%

يعني فرق الموظف ولاتنسى الموظف يأخـذ عمولـة من كل سيارة يبيعها نسبه تتراوح من

1 الى 3 % على حسب .. يعني الوكالـة تقولـه أقصى سعر كـذا ولك خصم الى 10 %

وتختلف الفروع بين المدن فرق 1000 الى 1500 يدعون انها حقت النقل :a120(55): وطبعا كلها

علشان يأخذون الفلوس ولا النقل مايكلف 500 ريال بالكثير . .

وانشاء الله انـك فهمت ..

تحياتـيـ

مرور الكرام ابو عزام بارك الله فيكما

انا رحت تويوتا العليا ورحت تويوتا خريص اللي قبل مخرج 13 وانا جاي من كبري الخليج

احيانا يختلف السعر من موظف الى آخر يعني لو ارجع لنفس الفرع بعد اسبوع القى السعر اختلف .

في هالبلد المستحيل يصبح لامستحيل ...اخر زمن

خذ من الموزعين المعتمدين

لوحات محلاتهم مثل الوكالة مكتوب عليها تويوتا وشكلك خالط بين المحلات والوكالة الأصلية

أسعارهم حسب معرفتك معهم يعني لو زبون لهم أو تجيب لهم زباين أكيد بيطيح عن المحلات الثانية 1000 ريال وعن الوكالة 3000 أو أكثر

وأن كانك بغيت معلومات أكثر* راسلني أجيب لك السعر

سلام