المشاركة الأصلية كتبت بواسطة يوسف الفهد
السلام عليكم ........
عرفت شركه فورد منذ القدم بانها تعانى من ازمه فى تجديد وتطوير مركباتها ولديها سوء تنظيم عمليه التجديد والتطوير والاختراع وهو ما يسمى Innovation Truble .
وتعالوا زملائى الكرام نلخص هذه المشكله :
لو لاحظنا فورد كراون فكتوريا او ميركورى جراند ماركيز او لنكولن تاون كار وهم اكبر 3 خطوط انتاج تابعه لشركه فورد الام من موديل 1989 لهم نفس عجله القياده التى ظهرت عليهم موديل 1992 رغم ان موديل 92 مختلف كليا وهذا يحسب عليهم. طيب وش المشكله وليش يحسب عليهم
موديلات 1992 مختلفه تماما فى الشكل الخارجى عن موديل 1991 ولكن الشبه الداخلى كبير وهذا يحسب عليهم ايضا. وبرضوه ليش يحسب عليهم ووش المشكله اذا كان الداخلي يشبه الموديل السابق
موديل 1992 الى 1997 لا يختلف كثيرا عن موديل 1998 الى 2009 الهيكل الطويل الكبير والجسم الخالى من اى اضافات باستثناء الاضاءه الاماميه والخلفيه وارتفاعها عن الارض عن موديل 97 . لا يشعر المستخدم بفرق كبير بين موديل 1992 وموديل 2009 من حيث الشكل الخارجى .
ان جابو لكم سياره قصيره قلتو قصيره وان جابو طويله قلتو طويله وتقول خالي من اي اضافات يعني وش تبي يحطون لك تبي اسطبات على الباب ولا تبي يعفطون الباب شوي ويرفعون سعر السياره
اما مسالة ان المستخدم مايشعر بفرق بين موديل 92 و 2009 فهذي كثر لي منها الله يهديك
انا شخصيا امتلك فورد كراون فكتوريا 1994 وموديل 2008 وعندما ايقافهم جنبا لجنب لا تشعر بفرق يذكر فى الشكل الخارجى. اما موديل 98 الى 2009 فحدث ولا حرج 11 سنه دون تغيير او تحديث يذكر. معليش اسمح لي كلامك مبالغ فيه وش جاب موديل 94 لموديل 2008 والتغيير من 98 الى 2009 احسن شي انهم مايغيرون تبي كل سنتين تغيير ويالله بع واشتر بع واشتر موديل جديد مثل الكامري وطقتها
الاضاءه الخضراء للعدادات موجوده منذ ما يزيد على الـــ20 عاما فاين مصممى شركه فورد عنها ؟؟
ياكثر السيارات اللي طبلونها اخضر ولاتغير واذا تبي تغير رح للغرابي ويركبون لك لمبه حمرا بالطبلون بدل ماتخسر شركه فورد
اخيرا والذى اثار استغرابي حقيقه هو الاضاءه الداخليه الموجوده فى سقف موديل 2009 هو نفسه تماما الموجود فى سقف موديل 1992 وكأن صانعى السياره لم يتطرقوا لامر كهذا. اولا الاضاءه تختلف ثانيا لو كانت نفسها هل هي مشكله او عيب جميع اضاءات السيارات مثل بعض والمقصد هو انك تولع اللمبه وتشوف ولا الشكل منيب جالس اقعد اطالع شكل اللمبه فوق راسي اهم شي تولع والسلام
اتمنى ان نرا ارائكم فى الموضوع ويشرفنى ردكم على مشاركتى المتواضعه.
اخوكم يوسف الفهد