رصاصة الرحمه :- (

[fhad2007]

السلام عليكم


اليوم وانا طالع الصبح ..... وطالع مبكر .... الله لا يعيدها من طلعه اول مره اطلع مبكر ..

قال الحين بيصير الشخص النموذجي والمتقيد بالانظمه ......

اطلق شخص رصاصة الرحمه على سيارتي الفورد فيكتوريا 97


ماااااااااااااااا ادري وش اسوي .. كل ما قرب وقت بيع هالسياره جاها بلاها

انا بستخف او بيجيني شئ


المهم نزلت عليه وبغيت اشنقه


سيارته جمس صالون م 92 ومركب شئ يسحبه من ورى ... المهم واقف انا عند الاشاره

بعد ما مشينا ولفينا يسار الا والحبيب يلف علي ويحك صدامه الخلفي في رفرف سيارتي

بس ميهب حكه الا داخل البودي على جواء وانسكرت الاشاره الاماميه

الرجال كبير في السن ومطوع .......... المهم خليته يروح وانا ضايق خلقي وش هالحظ

من وين جانا هذا !!!!!!!!!!!!!!!!!!


الحمد لله على كل حال وقدر الله وما شاء فعل .....


المهم حبيت اعرف منكم وين القى ورشة سمكره في صناعية ام الحمام تكون مجربه وكويسه

وجزاكم الله خير ......

تحياتي

[مـديني]

سلامات الله و ما تشوف شر و بسيطة بتتصلح ان شاء الله بس و الصراحه ام الحمام ما ادري من فين و كان نفسي اخدمك و اساعدك

[صحراء الجليد]

سلامتك اخوي ما تشوف شر


بسيطة ان شاء الله

[مغترب 2012]

الحمد لله على السلامه

[fhad2007]

سلامات الله و ما تشوف شر و بسيطة بتتصلح ان شاء الله بس و الصراحه ام الحمام ما ادري من فين و كان نفسي اخدمك و اساعدك

سلامتك اخوي ما تشوف شر


بسيطة ان شاء الله

الحمد لله على السلامه

الله يسلمكم جميعاً من كل شر وضر .....

والله تكفيني مشاعركم الجياشه تعويض للي صار

بالنسبه لاخوي مديني .... ام الحمام في شمال الرياض ...

للمعلومه هي ام الخمام بس طوروها وشالوا النقطه ... جد والله ما امزح

تحياتي ودمتم سالمين

[A L H A M O O R]

الله يعينك اخوي

عندك ناس في الرياض والله السواقه يمين وهو يسار

المهم ان شاء الله انها بسيطه

اذا انت في الشمال انصحك بورشة الجامعه اللي عند مدخل جامعة الملك سعود من عند طريق الامام محمد بن سعود

[أبـــوبـــدران]

ان شاء الله ان عدم بيع السياره خيره , والحمدلله على سلامتك

الورشآت/ عندك القحطآني في صنآعية ام الحمام حليله .

[fhad2007]

الله يعينك اخوي

عندك ناس في الرياض والله السواقه يمين وهو يسار

المهم ان شاء الله انها بسيطه

اذا انت في الشمال انصحك بورشة الجامعه اللي عند مدخل جامعة الملك سعود من عند طريق الامام محمد بن سعود

الله يسلمك من كل شر

اسمها ورشة الجامعه ؟ ... وين بالضبط اذا ما عليك كلفه ..

وش عمالتها .... إذا كانوا فلسطنيين او اشوام بشكل عام فراح يضربون السعر ..

اعرف واحد في ورشة تاليد الي في مخرج 5 فلسطيني ... يضرب فلوس بس جني

ان شاء الله ان عدم بيع السياره خيره , والحمدلله على سلامتك

الورشآت/ عندك القحطآني في صنآعية ام الحمام حليله .

الله يسلمك ومن تحب من كل شر وضر ...

وجزاك الله خير

راح امر الاثنين ان شاء الله واشوف بكم يصلحونها ..