سرقت .... سيارتي القراند ماكيز

فتى الآهات @user_64400 · 18-10-2008

السلام عليكم ورحمة الله وبركاته

اخواني الاعزاء قدر الله علي وانسرقت سيارتي القراند ماركيز 2003 وانسرق منها بعض الاغراض والمسجل آآآآآآآآه يالمسجل .....

المهم طرحت موضوعي هذا لاكتشافي عيب في الفورد وحبيت اكتبه هنا

الحرامي اللي سرق السياره خبره وعارف عيوب الفورد فتح السياره من باب السائق .... كيف ؟؟؟؟

تعرفون المجرى العلوي والجانبي لزجاج الباب عباره عن جلده عاديه ...

جاب مفك وقطع الجلده من الخارج والزجاج طلع من المجرى بكل سهوله ...آآآآآه

واللي معاهم فورد راح توضح لهم الصوره بشكل كبير

اول مره اشوف سياره مجرى الزجاج للابواب خارجي وجلده المفروض يكون داخل حديد الباب

انتبهوا يأهل الفورد مسجلات الفورد مرغوبه لانه اقل نوع من المسجلات قيمته 3000 من الوكاله

واللي يعرف احد عنده مسجلات فورد مستعمله نظيفه يفيدني انا بالرياض

تقبلوا تحياتي ,,,,,,

galaxy1 @user_89062 · 22-10-2008

يلعن شكلهم اخوي شف الغرابي مقر الحرامية الله يعوضك لكن رح الغرابي ويمكن ما تستغرب انك تشوف المسجل حقك لن اكثر الي يسرقون بيخذوها على الغرابي واكثر المسجلات المستعملة تحصلها هناك مسروقة وانا في رائي انك تركب سستم بايونير او كينود احسن سيدي وصوت ومضخم

مخاوي الشوق @user_42968 · 22-10-2008

الله يلعن هالحراميه من جد بالشينا

على العموم الله يعوضك

ابوريناد19 @user_64359 · 21-10-2008

اللهم شل يد كل سارق

اللهم رد كيدهم في نحورهم

حسبي الله عليهم

ذبحوا المسلمين الله يكشف سترهم !!

فتى الآهات @user_64400 صاحب الموضوع · 21-10-2008

يعطيكم العافيه على مروركم وردودكم
وابشركم
رحت للغرابي ولقيت للفورد لكن بدون ضمان وش الفايده اذا ادفع 800 ريال ويمكن يكون في مشاكل

المهم مالكم بالطويله رحت لابو يمن واخذ جي في سي الاسود 650ريال وتوصيله 50
ريال علشان تركب على الفيش الرئيسي اللي في السياره بدون تقطيع او توليف وبعد

ماجربت المسجل والسيدي والانظمه الموجوده فيه ماراح اغيره ولو يجيني مسجل الوكاله ببلاش

تحياتي

قناص الرياض @user_101084 · 21-10-2008

اللهم شل يد كل سارق

اللهم رد كيدهم في نحورهم

حسبي الله عليهم

ذبحوا المسلمين الله يقلعم

ابــو ســعــد @user_108772 · 20-10-2008

الله يكون في عونك

سماء النسيان @user_127247 · 19-10-2008

الله يعوض عليك يارب

الغرابي مليان مسجلات فروود وبالانواع كلها سواء سي دي او كاسيت

موفق ياغالي

فتى الآهات @user_64400 صاحب الموضوع · 19-10-2008

يعطيكم العافيه اخواني الكرام على مروركم وردودكم والله يبعد عنكم الشر

أبو خميس @user_49190 · 19-10-2008

^^^^^^^^^^
هذول الجــن يفكــونها بدقايــق

Genius_m @user_33175 · 19-10-2008

الله يعوضك بأحسن منه

مره صديقي فتحنا بابه بالطريقه هذي كان مشغل السياره ونزل منها وقفل الباب وفي مكان بعيد عن البيت (السبير :D ) معلاق ملابس وينفتح , لكن يبيلك 45 دقيقه اقل شي :D

تحياتي,,,

أبو خميس @user_49190 · 19-10-2008

الله يعوضـك خيــر

أعــرف ثـلاث أشخاص نفس مشكلـتك

واحد من زملائي معاه كراون فكتوريا 2008 ســرق المسجـل بكسـر قزاز السياره
وجارنا معاه كراون فكتوريا 2008 سـرقوا الأستبنه بكسـر قزاز السياره
وولد عمـي معاه قراند ماركيـز 2006 سـرق من المسجـل بنفـس الطريقه اللي تقـول بجنوب الرياض

وكلهم مواترهم ماعدت الشـهـريـن بالوحات الجديده

وأخبـر ولد عمي يقول مسجلات الماركيز موديل 2004 وتحت في منها كثيـر
لكـن 2006 نادر ويالله لـقى بمستعمل بـ 800 ريال لموديل 2006

المكسيما عزوتي @user_60032 · 19-10-2008

الله يعوضك أن شاء الله

تصحيح معلومة أخوي ياسر
مسجل الجي في سي ب640ريال عندنا بالقصيم

والله يعوض الجميع يارب

* FORD * @user_126351 · 19-10-2008

الله يعوضك ، والله يهدي الله سارقه ، وان شاء الله آخر الأحزان ، وما ازود على كلام الشباب شي ...

راعي النيترو @user_83791 · 18-10-2008

الله يعوضك ان شاء الله
والله يحمينا من السرقات

Y A S S E R @user_31184 · 18-10-2008

الله يعوضك يارب
ومادامك بتركب مسجل ركب جي في سي الاسود
تقريبا سعره 750 ريال
ميزته سي دي MP3
مدخل AUX(يعني لو معك جوال N95تشبكه بالمسجل وتشغل اي شي بالجوال على سماعات السيارة
الصراحة ابرك من مسجل الوكالة بمليون مرة

ابو جــنى @user_112836 · 18-10-2008

الحمد الله على سلامتك والله يكفينا شر اعيال الحرام والله مشكله ان امعاي ماركيز 2008و وانسرقة الستبنه في اول يوم من شراء السيارة وباقي المسجل الله يستر منهم

دايم الشوق @user_18102 · 18-10-2008

الله يعوض عليك اخوي الكريم 00 ان شاء الله اخر الاحزان

مشكلة القراند ميركوري والكراون فكتوريا عدم وجود جهاز انذار للحماية من السرقة يعني اي حرامي يحاول يكسر الزجاج ويفتح الباب لايصدر من السيارة اي انذار او صوت 00 لذا انصح بتركيب جهاز انذار ودمجه مع رموت السيارة 00 كثير يسونها اذا السيارة مرغوبة من الحرامية مثل الكامري

دمت بخير

عاشق الـDODGE @user_124963 · 18-10-2008

الله يعوض عليك
فية محلات تببيع مسجل الفورد في الغرابي
تلاقية على 700 ريال

إمبراطوري @user_18796 · 18-10-2008

لا حول ولا قوة الا بالله

عوضك الله خيراً منه ...
وين المكان ...