تويوتا راف فور RAV4

H.Alhindi @user_111914 · 09-10-2008

السلام عليكم

نبي مشورتكم يا الطيبين

لقيت عند معرض حسن جميل ( موزع معتمد لتويوتا ) جيب راف فور موديل 2009

فل كاااااااااامل
4 سلندر 168 حصان ، جنوط ، تندة، جلد CD، حساسات ، دفع رباعي
مثبت سرعة ، كشافات ضباب ، أوتوماتيك 4 سرعات ، نظام ABS ونظام توزيع الفرملة ونظام VSC

بـ 91 ألف ريال كاش !

والله عاجبني السعر ، لكن لا أعلم عن الراحة وصرفية البنزين ،

اللي مجربه أو يمتلكه لا يبخل علينا بالنصيحة

وجزاكم الله خيرًأ

الفتى سندباد @user_34170 · 01-11-2008

نصيحة أخوية يالغالي
بنفس السعر تشتري فورد اكسبلورر أفضل واقوى واريح
والأنسب بسيارات الدفع الرباعي بالطرق والخطوط

خاصة الأيام هذه الجزيرة عندهم عروض حلوة على 2008

H.Alhindi @user_111914 صاحب الموضوع · 01-11-2008

يعطيكم العافية جميعًا ،،، ما قصرتوا

الحقيقة لما دريت ان الراف فور بيتغير شكله قريبًا ، صرفت النظر عنه

RAV-4 @user_123953 · 17-10-2008

السبارات اليابانيه عموما... و كل سياره تصنع في بلد عملته مرتفعه مقابل الدولار\الريال انت في الحقيقه تدفع فرق العمله - مقابل الدولار وليس للموصوفات او الجوده مقارنه بالامريكي.

يعني سعر الراف لازم ما يتعدي. ال 60 الف... و تخب عليه.و قس على ذلك.
هذا مع كل إحترام و تقدير للصناعه اليابانيه.

ZAID ZAID @user_51168 · 15-10-2008

المشكلة ان الراف4 شكله وداخليته حلوووة

لكن 4 سلندر ضعيف

وراك ما تنتظر شوى الشكل الجديد اعتمد من قبل مصنع تويوتا

والحين يبون يصرفون القديم

الموقع 1 @user_63415 · 14-10-2008

خذ سوزوكي جراند فيتارا 2009 6 سلندر 3.2 فل كامل 229 حصان جلد وفتحة ووووووو وكل المواصفات التي ذكرتها وزيادة بعد بسعر 84.000 ريال في المعارض و89.900 سعر وكالة 0
91 ألف ريال في 4 سلندر حرام والله ودام راعي خطوط راح ترجك المكينة بصوتها على 140

بالتوفيق يالغالي 0

أبوداحم @user_111247 · 12-10-2008

R

RAV-4

السلام عليكم.
أستخدم RAV-4 موديل 1996 و ماشي عليها 160 الف. 3 ابواب.
كيف أستخدامك. اذا انت راعي طلعات بر انصحك ب 6 سلندر على الاقل.
اذا استخدام داخل المدينه او على الطرق المعبده... فهي قطة المدينه
السعر 91 الف !!!!!! يجيبلك درانجوا دوج 8 سلندر 330 حصان 7 ركاب.
او دف السعر شوي و خذلك برادو

صدقت

اجل الراف فور مثل سعر الهيمي
مـــــــــــهزلـــه

Wanderer @user_110566 · 11-10-2008

انا ودّي بالستة سلندر، لكن مع الأسف ما يجيبونها، ماني عارف ليش؟؟؟

H.Alhindi @user_111914 صاحب الموضوع · 11-10-2008

^
^

بيض الله وجهك أخي الكريم

RAV-4 @user_123953 · 11-10-2008

[SIZE=4][COLOR=#8b0000]هل الراف فور مريح في الخط

من تجربتي للراف 4 سلندر الماكينه تحتاج الي ما يقارب 4000 دوره في الدقيقه لتصل لسرعه 140 كلم ساعه.

من وجهة نظري. هذا يسبب الكثير من الازعاج و الضوضاء دأخل الكبينه. خط الغربيه -الشرقيه ييي له 8 سلندر. و الله العالم. [/COLOR][/SIZE]

H.Alhindi @user_111914 صاحب الموضوع · 11-10-2008

بيض الله وجيهكم

أنا ماني راعي بر أبدًا أبدًأ ، لكن عشان طرقنا الغير معبدة آكل حفر ليل نهار

الشي الآخر عزابي ( الزواج أغلى من سعر السيارة ! )

لكن في أمر مهم بالنسبة للسيارة - بحكم عملي في الشرقية ووجود أهلي في الغربية - راح أمسك خط طويل أوقات الإجازات

هل الراف فور مريح في الخط ؟

ابويوسف1 @user_120012 · 11-10-2008

اخوي لاتستعجل
4 سلندر ضعيف جدا , ومابالك لو حملت السياره , وفي الصيف مع المكيف , ودخلت البر’
يعني ضعيف جداً
انصحك
بهذا السعر شوف لك برادو 6سلندر مستعمل استعمال تظيف
او باترول او اي سياره تكون قويه ,

RAV-4 @user_123953 · 10-10-2008

السلام عليكم.
أستخدم RAV-4 موديل 1996 و ماشي عليها 160 الف. 3 ابواب.
كيف أستخدامك. اذا انت راعي طلعات بر انصحك ب 6 سلندر على الاقل.
اذا استخدام داخل المدينه او على الطرق المعبده... فهي قطة المدينه
السعر 91 الف !!!!!! يجيبلك درانجوا دوج 8 سلندر 330 حصان 7 ركاب.
او دف السعر شوي و خذلك برادو

M S H 3 L @user_50244 · 10-10-2008

ياهلا فيك اخوي ... بخصوص السعر تقريبا غالي حبتين على 4 سلندر .... يمكن بهذا السعر
تشتري لك مواتر ثانية قوية و6 سلندر مثل : الاكستيرا من نيسان و البرادو وغيرها ........
تقبل تحياتي :)

Y A S S E R @user_31184 · 10-10-2008

ان شاء الله شباب الدفع الرباعي يفيدوك

الذهب الخالص @user_99433 · 10-10-2008

والله يا خوي مالي في الراف4 ...

لكن اللي شفته ثلاث ابواب ولا خمس ابواب ؟؟؟