الطريقة البنشرية ... في الخروج من الأزمات التغريزية

يا اخوان ارجو عدم مجامله بعضنا لبعض بهذه الطريقه كلكم على العين والراس وكلكم لكم تجاربكم وخبرتكم لكن النقد مطلوب حتى يكون العمل على اتم حاله و اتمنى تجريب هذه الطريقه للتاكد من نجاحها 100% في ارض اصعب من هذه واتمنى انه ما يوقف حتى يوقف الموتر من نفسه لكن الذي شاهدته في المقطع ان المرشد والظاهر هو الاخ داكار يطلب منه التوقف رغم ان السياره تمشي يعني ما غرزت والارض التي تمت فيها التجربه سهله يعني لو تنسم تمشي فيها بدون دبل

الفكره الصراحه غريبه وعكس المعروف وهو انه المفروض مانوقف بالتغاريز


نظريتكم عكس ...يمكن الطريقه تنفع معكم لحكم الخبره وحكم مواتركم ...


بس معه غيركم يمكن ماتضبط ..وافضل طريقه معروفه هي الرجوع والتقدم


اما التوقف هذي غررريبه فعلاً لان بالتربه الناعمه لا وقفت الموتر يطيح اكثثثر


على العموم يعطيكم العافيه على التجربه البنشريه ويستاهل الموضوع التقيم


مع التحيه اخوكم عاشق العباره

يا شينها ابو الذكريات شوي كانو يتصيدونها بشمعه وخصوصا في الاوريا ( ماكنا نعرفها) هههههههههههههههههههههه ( ترى ما جتني ولا مره ولله الحمد )

والله يا ابو الخل بصراحه مبدع قليله في حقك فعلا انسان وقته ولفائدة الجميع الله يوفقك ويصبرك علينا خخخخخ . مشكووووووووووووووووووووووووووووووووووووووووووووووووووووووووووور

و الشكر ايضا لاخونا دكار ( البنشري سابقا ) و الفكره حلوه بس يبيلها صبر فعلا وللاسف احيان كثير اشوف جيوب تكون شبه مغرزه لكن مع الاستعجال تلقاها تغرز تغريزه محترمه

احيي الجميع يا اخوي عزيز قوم الرجال يقول لك
تجربه نبغى نتاكد من فعاليتها والشباب اهل بران
وعارفين اصول السواقه بالبر ولكن يبغى يتاكد
من فعالية التجربه 000000000000000000

االخل الوفي طبق التجربه بحرفنه كبيره
ولكن كان واضح ان الارض مستويه
ولو كانت الارض فيها طلعات كثيرة
كان صعب يمشي فيها بلا تنسيم
هذا رايي حسب ملاحظة المقطع
وارجو التصحيح ان كنت مخطي
وشكرا للجميع

السلام عليكم
الطريقة وضعت لم يرغب في الاستفادة منها وانا الاالومك لانك لم تكن معنا وقت التجربة

التجربة كان لها هدف واسباب لو انك قراءت الرابط الذي وضعته لك لفهمت المقصود
ولست ملزم على تجربتها

على فكرة الفورنتشر مزود بقفلين دفرنش (هزاز ) امامي وخلفي ولم يستخدم خلال التجربة
تحياتي لك

ماشاء الله عليك يا أبو خليل .. صراحة سواق .. ونفذت كلام الخبير أبو سندس داكار مضبوط ..

وصراحة كبير والله فورنتشر .. وصراحة ماكنت أتوقع أنه بـ يمشي في الرباضة .. وبدون تنسيم ..

يعني والله أتضحت الطريقة البنشرية مضبوط .. وصراحة يبيلها روقان ..

شكر لكم جميعاً على أتحافنا بهذه الطريقة السحرية .. يا خبراء الدفع الرباعي ..

ولكم أطيب تحية

يااخي الاعصاب اخر روقان
ياخوي عارف انه ما نسم لكنه داعس انت ما شفت الرمل اللي يطير من الكفرات ارجع ودقق زين في المقاطع هذه نقطه النقطه الثانيه الارض سهله ما يبغى لها تنسيم ما هي رباضه لكن الموتر مع احترامي لراعيه ما يزبن او يمكن العيب في السواق:eh_s1: شف الشروكي اللي مر وهو يتمشى واضح ان الارض سهله ما هي رابضه لو كانت رابضه ما نفع فيها لا تنسيم ولا الطريقه البنشريه ولا غيرها ما ينفع فيها الا الطريقه السحبيه يعني تدور على واحد يسحبك
وسواء نسم او مانسم اذا الموتر يمشي خله يمشي حتى يطلع او خله يوقف على راحته وبعدين ارجع وهكذا حتى تسوي لك طريق وبعدين تاخذ عزم وتشعط الموتر اتمنى ان يكون كلامي واضح

وعليكم السلام ورحمه الله وبركاته
اخوي السياره تمشي وصحيح ثقيل مشيها لكنها تمشي خلها تمشي لا توقفها ثم تمشي خلها تمشي اذا وقفت ارجع على الريوس حتى توقف طبعا على خفيف من غير ما تدوس وبعدين امش قدام حتى توقف ثم ارجع ريوس حتى توقف وهكذا حتى تفتح سكه ويكون عندك مسافه تعطي الموتر عزم او يااخي نسم اريح لك واريح للموتر وبعدين ما ندري وش نهايه المقطع شكله استمر على الحاله يوقف ويمشي يمشي ويوقف وشكرا

تشكر على التجربه الجميله و ماشاء الله ما يعوق معك انت والفش فش اي تجربة دفع رباعي


و شكلك مريت على DN في الكلية :smilie6:

تحياتي

هد أعصابك يابو الشباب الرجال قاللك انه ما نسم ولا دعس

لكني معك بأن الفكرة غير منطقية يعني مسألة انك توقف يمكن تفيد ان الرمل يتماسك لكن ليش تطول بالوقفة ، و ليش الوقفات متباعدة ، و بعدين وش الفايدة ان التماتيك تحطه على الـ N ، أنا يرأيي المتواضع ان القير العادي يكفيه انك تكبّس (تدبّل ) الكلتش بشويش بدون بنزين ، و التماتيك فقط كبّس ( دبّل ) بنزين بشويش ، كلها على الواطي low

و أيضاً كثر التعشيق يضر القير التماتيك.

السلام عليكم

مشكور ابو الخل على الشرح الوافي للتجربة والطلعة كانت رائعة بحمد لله والجو كان ممتاز
الاخ عزيز قزم
التجربة تعتمد على اخراج السيارة من التغريز بدون تنسيم الكفرات وبدون الخروج من السيارة وتغريز السيارات في التجربة كان متعمداً

راجع هذا الموضوع لمزيد من الايضاح

ايش ممكن تسوي اذا ماقدرت تنسم الكفرات في البر ؟ ‏

الاخ ss4
بالنسبة لسيارتي الباث كان الضغط 30 اما بالنسبة للفورنتشر ماني متأكد لكن غالباً 35 الي 40 بكفرات برجستون وهي معروفه بخشونتها وهذا صعب المهمة

اشكركم على تجريب الطريقة و أنا اصدق البنشري (داكار ) خبيرينا
بدون ماتجربون
مشكور على الموضوع
مبروك النقل الخبر والله أونس من الرياض عساه دايم
كم الهواء الكفرات ؟؟