طلب نصحية و مشورة

[student]

السلام عليكم

عيدكم مبارك و عاده الله عليكم بالخير يا رب


انا باين من اسمي طالب
قررت اشتري سيارة جديدة وكالة
و شفت ان افضل طريقة اني بخلي اختي تاخد قرض من البنك 70 الف و انا اقسطها

يعني النهاية سعر السيارة 70 الف كاش

قابلة للزيادة و النقصان

المهم يا شباب هالفلوس شنو تجيب؟

يا ريت تقولون لي شنو اقدر اخد بهالفلوس من كل نوع
يعني شنو تجيب من هوندا و هونداي و فورد مازدا...........

و شنو الافضل برايكم

مع السلامة

[student]

افا و الله
ما ظنيت تردوني

[اهل الشرقية]

السلام عليكم ورحمة الله وبركاته
الافضل والله اعلم ان تطلع لك سيارة لك ولزمن افضل من تطلع سيارة وكل فترة من الزمن تصلح فانا انصحك بكامري ( تجد بعض الاحيان سيارات مخزنه بسعر ممتاز ) او سونتا اكثر من شخص مجرب يقول ممتازة مع العلم انا لم اجربها

[L Y O]

اولاً القرض بفوائد ؟؟ يعني بتأخذه 70 وترجعه 70 ؟؟؟
وثانياً زي ماقال اخوي اهل الشرقيه خذ سياره جديده وعاميه يعني مع اغلب الشعب ..هايلكس كامري ددسن ..وانت جاي... مالها داعي تأخذ موتر اقساط ومستعمل ..اخر الشهر قسط للسياره وقسط للورشه....

تقبل تحياتي وكل عام وانت بخير

[student]

تسلمون و الله

ما احب الكامري
احس شكل التيوتا ما يعجبني

افكر في سوناتا 2009 بجدية

تحياتي

[عاشق العباره]

ماحبيت ادخل ومارد عليك دامك طالب النصيحه ..


شوف اخوي دامك بتخذ شي اقساط انصحك لا تبعد عن الياباني


مايعجبك التويوتا فيه نيسان فيه ميتسوبيشي هوندا سوبارو لا تطلع برا الياباني


لأنك بتلقى مشاكل بالصيانه والخرابات وغيره من هالكلام ..والله يوفقك بأختيارك ويستر دربك


مع التحيه اخوك عاشق العباره

[kingofcars]

يا شيخ تبي الصراحه 70000 ريال لوتزودها شوي تاخذ هايلكس او اكورد او كامري حاول تاخذ وجه منها لانها ارغب شي متى لاقدرالله تبي فلوس جابت قيمه واذا حبيت مشورتي خذ هايلكس ولا اكورد الكامري طلبها اقل من الاكورد ولاتاخذ كوري مادام فلوسك ماشاء الله حول الميه مع احترامي للكوري

[ابوخضر]

السوناتا ممتازه كمان عندك المازدا شبابيه للاخر00