هل يوجد طريقه لتنظيف بقايا التغبير؟

ابو مرجي @user_108455 · 26-09-2008

السلام عليكم
قبل اليوم الوطني تهورت وليتني ماتهورت:emot76: رحت اقرب محل زينة سيارات وغبرت السياره كامل بالاخضر وشرط عليه انها تنزل ورش باب السياره وخلها الين تنشف ورش ماء عليها ونزلت
المهم مااكثر عليكم هرج بعد اليوم الوطني رحت اغسلها وبالعافيه نزلت وبعد جهد ساعتين وبقت البقايا الصعبه اللي بين الصدامات والشمعات والاصطبات وبين الابواب
وصراحه مسحتها بس للحين باقي مااقدر اوصلها والتنده ماهي راضيه تروح منهاالتغبيره:a120(89):
وودي اسئلكم هل غسيل الديزل ينزلها؟
واذا مانزلت محلات التلميع تقدر تلمعها وبكم؟
ومشكورين

ابو مرجي @user_108455 صاحب الموضوع · 29-09-2008

مشكورين وتم الحمدلله تنزيل البقايا ولكن بقيت التنده كما هي وسعرت التنده ولقيتها نار الله الموقده ب500 ريال عند اليمنه الله يشيلهم
ويالوليد اشترلك برقع يكون افضل

alwleed @user_116496 · 28-09-2008

بالنسبة للتغبير .. أنا صارت لي مثل مشكلتك مرتيـن .. مرة كنت مغبر الجمس [ سيارة العائلة] وجلس يمكن اسبوعين ماغسلته .. وبعدهـا عذبنـي ماراح .. آخر شيء سويت له تلميـع خارجـي وضبط ..
المرة الثانيـة جيت بسافر بالماركيز وحطيت فيري .. وكان الجو غبـار .. راحت لمعـة الصدام ..
لذلك صرت أسافر بدون ما احط شيء

أنـــــس @user_34305 · 27-09-2008

أنا سمعت أن سعر الجلد أو الفرش الموجود في أعلى الفورد قيمته تقريبا ب300ريال في الرياض

بالتوفيق

ابو مرجي @user_108455 صاحب الموضوع · 27-09-2008

مشكورين ياشباب على ردودكم واليوم برجع لصاحب المغسله لانه وعدني ينزل الباقي بفرشه وصابون ويغسلها من جديد وبستم بس للحين قاهرتني التنده ماعاد تنزل لانها طبعت بالجلد والله يصبرني على تركيب جلد جديد للتنده وبسئلكم سؤال نص تنده كم ريال يسوولي اياها يعني تغير القماش او الجلد حق التنده؟

M O A Y A D @user_15565 · 26-09-2008

.
.
.
مشكلتك عرفتها فقد عانيت منها لكن كنت " احط " تلميع ع السيارة واخليه زي " التغبيره "

كان التلميع يقعد في الاماكن الضيقة زي مقابض الابواب ,,, بما انها تطلع بـ الماء

مالها غير " بستم " في مغسلة ,,, تعطيها مويا بـ رشاش الهواء ,, لين تطيّرها

روح لـ مغسله وقله غسلها بـ استخدام الرشاش وقله من بدري ,, شوف هذه المنطقة وهذه وهذه ابيها زي ماكانت

ودام عزك يا وطن ,,,, :e058:

أنـــــس @user_34305 · 26-09-2008

بالنسبة للتغبيره مادام انه اشترط عليك ..فارجع له ودعه يتحمل شغله...!!

والا اذهب بها لمحلات التلميع وسعر التلميع الخارجي ب250 ريال

ابو مرجي @user_108455 صاحب الموضوع · 26-09-2008

بس يابو سعد بكم التلميع وعلى فكره هي تنزل بس مشكلتها انها جايه باماكن صعبه بس التنده شكلها ماعاد تنزل
ومشكور ونطمع للمزيد من الدود

ابــو ســعــد @user_108772 · 26-09-2008

سو لها تلميع خارجي اتوقع تروح