من وجهة نظري الفورد احلى وعلى الخط اثبت واركد واذا انت راعي خطوط الفكتوريا نعم الاختيار اما اذا انت راعي ديره وقليل سفرات الماركيز هي الاختيار الانسب .. لكن بما انك راعي سفرات مثل ماتفضلت وقلت .. الفكتوريا حلوه حيل بس العيب اللي انت قلته صحيح عيب شرعي بالسياره لكن ممكن انه يتعدل وبدال ماتشتري سياره جديده الف ريال كفيله بجعل النور من اقوى مايكون واذا انت ماتبي شغل الورش والقص والترهيم ركب بالوكاله
والكابرس مانذمه بشي .. لكن بالكويت عندنا معروف اذا خرب الكابرس مالك الا الوكاله لانك لو بتروح الورش بيرفضون يصلحونه لا سألتهم ليش؟بيقولك"الكابرس كله كمبيوتر واي لخبطه بالتصليح خرب عليك الكمبيوتر" انا بصراحه ماجربت الكابرس لكن اقولك اللي سمعته عنها وياخوي المثل يقول "لولا الاذواق .. لبارة السلع" يعني في ناس تفضل الفورد وفي ناس تفضل الكابريس
وبالنسبه للكرايسلر واحد من الشباب عندنا معاه كرايسلرC300 ومقطع عليه خطوط الاردن سوريا دول الخليج وماشاءالله ماعمري شفته اشتكى منه .. لكنه ثقيل الموتر ويعل كبدك فالخط .. وبالاخير اتمنالك التوفيق وحسن الاختيار بإذن الله .. تقبل مروري .. !!
حيا الله السمي اخباركم ياهل الكويت ونعم الرجال والله شهامه وطيبه وفزعه وقبل هذا كله اهلنا
يعلم الله انك كفيت ووفيت ويرحم والدين جابوك
بس بسألك اخوي بندر هل الوكاله يصلحون النور يعني يزيدون من قوته لانه انا سألت الوكاله قالو ماعندنا الا مثل نور سيارتك تبي او رح ركب كتاوت وشغلات انا مابيها
قلته انا اعرف وادل الطريق مايحتاج تقولي رح وشف برا يركبون قال ماعندنا الا اللي قلنا لك
وربي يخليك لعين ترجيك
تراي بسيير عليكم بعد العيد ان شاء الله
