ياجماعة الخير كل سنه وانتم بخير قبل الزحمة هذا اول شي وثاني شي عندي ماركيز مديل 2001 ابيض يلق من البياض ماشالله وماشي معي زي الحلاوه بدون اي مشاكل وما اقدر اقول فيه اي شي غير انه زعلني شويه بعدما سافرت فيه مكه المكرمة ومن يوم وانا جاي في الخط بدا يسوي حركات مالها داعي ( يتفتف يعني) وانا ماشي بسرعة 80 او 100 يهز على خفيف تفتفه لكن القومه ماشالله صاروخ( زي الطلاب يوم يدق جرس الحصة الاخيرة) المهم مافيه اي مشاكل او تفتفه غير يوم اكون ماشي بسرعه ثابته يبدا يهز اذكر اني وديته المغسلة ورشو المكينه بالمويا اول ماطلعت من المغسلة مسكت الخط وزادت التفتفه اكثر وماخفت الا لما نشف المويا تماما ورجعت زي اول خفيفة واشم ريحه بنزين خفيفه اذا وقفته والى الان مارحت اي ورشة نهائيا لان الورش اغلبهم ماعندهم سالفه يقلك جيب هذا وجيب هاذاك ويركب وياخذ الحساب وتروح تجرب تلقاها نفس الشي ترجع تقله ما تغير شي يقولك امممممممممم عرفت المشكلة انت الحين روح في شغلك وارجع بكرة وتلقاها جاهزة ترجع اليوم الثاني تلقاها ماتدق حتى سلف واسلاكها واصله للشارع يقلك لاحوووووووووووووووووووووول والله العضيم ماخليت شي في السيارة الا شيكت عليه لكن مافيه فايده احسن حل انك تفتك من بلا هذي السيارة لان مشكلتها ماراح تنحل بسهولة بيعها يارجال وشفلك غيرها تقوم انت[COLOR=blue] لاشعوريا تنزل ايدك وتسحب النعال [/COLOR]وتضلم عليك الدنيا وماتشوف النور الا في توقيف الملز.
هذي كل السالفة باختصار.....
