120,000 ريال ,,, عليمي ويبي النصيحة

أتفقك مع هذا الرأي .. وكذلك السيارة ماكينة جبارة هيمي 5.7 335 حصان.. بصراحة نعم الرأي ونعم الخيار

والله الشباب ما قصرو لكن لو اني بمكانك أشتريلي باث فايندر مستعمل 2004 أو 2003 بحوالي 50 ألف (2005 يوصل 70 ) و أركب عليه كفرات برادو يطلع ملك و شي مجرب و مضمون و بعد النقل السنة الجاية أو قبل ان شاء الله تبيعه بنفس السعر أو أقل بخمس آلاف

لكن أذا كنت ما تحب المستعمل لذلك أقول لك أقوى السيارات الجديدة هي الاكستيرا و الفورشنر و أسعارها متقاربة
ثم الافجي و الكماندر (المذكور أعلاه :a120(37): في رد الأخ فراس)


ملاحظة : الافجي الى الآن ما دخل مزاجي :smilie532: أحس انه غمارة و نص

لا تنس تدعيلي اني أعرس:emot154:

اخوي نصائح سريعة ..

1. تبي سيارة مريحة في الخط مسافة 400 كيلو .. ما في إلا أمريكي
2.تبي قوة ومتانة .. برضه امريكي
3.تبي دفع رباعي وما تفشلك ولا تورطك ولا تغرز .. (في كثير)

بعطيك نصيحة وأنا اخوك ... ما لك إلا جيب كوماندر Jeep Commander هو اللي مريح وقوي ودفع رباعي ويبيض الوجه في الخط والطرق الوعرة .. والنصيحة هي سبب هذا الإختيار

وترى السيارة تستاهل تستاهل الفلوس اللي بتحطها فيها .. صدقا تستحق حتى لو كان وكيلها تعبان !! أصلا الحين ما عاد في وكيل زين كلهم صاروا نفس الطينة والعجينة .. يعني ما عاد في فرق بينهم !!

والله يوفقك..

اولا مبروك التعيين والله يوفقك ... بالنسبة للسيارة انصحك يا باثفايندر او باكستيرا اوعندك تويوتا فورتشنر ولا fj ... وقبل كل شيء استخر ربك وجرب السيارات عند وكلائها .. موفق ان شاء الله

اذا كنت راعي خطوط انصحك بالسيارات الامريكية لانه مريحة في الخط
عندك الاكسبلورر والتاهو درانجو والخ..
واذا انت من عشاق الياباني خذلك(باجيرو برادو باث [COLOR=darkslategray]اكستيرا اف جي ولو اني احسة مامريح في الخط (طبعا هذا احساس)[/COLOR] والخ..)والفورشنر اشوف الناس تمدحة

عندك الله يسلمك الفورتشنر حلو ماشاء الله

خاصه الجديد يجي فييه مكيف خلفي 2009

وسعره والله العالم الجديد 120000
حوله طبعا توقع ومنيب متاكد لان 2008 الفل 107000

وفيه الاكستيرا اذا كنت تبي موتر قوي ونشاط ماشاء الله اقل نوع منه تماتيك 2008.. 87000

والفل كامل ب 100000

والله يكتب لك الي فيه خير ولا تنسى الاستخاره اهم شي

الأخوان ماقصروا والـ FJ نعم الخيار وسياره لايعلى عليها ...

تحياتي لك وبالتوفيق أخوي ...

شوف اخوي

أولا الله يوفقك وين ماتروح
وثانيا بالنسبه للـ FJ
بحكم تجربتي أقولك:
<= أنا موظف خارج الرياض وأقطع يوميا 170كم رايح و170كم جاي
بالنسبه لسؤالك عن الصوت مع السرعات العاليه هذا يعتمد
على وش أنت متعود عليه .. اذا انت متعود ماتركب إلا لكازس وبي إمّات :)
فما يصلح لك إلا جيب البورش أو البي أم
أما ان كنت متعود على التنسيم البسيط والصوت المعقول فهو مناسب جدا لك
وفالبر مايحتاج أوصف وأقول ماشاء الله تبارك الله

وبالتوفيق لك وللجميع

فورتشنر
اف جي
اكستيرا

هي افضل الخيارات

بسم الله الرحمن الرحيم
اخوي الله يحفظك الرأي الاول والاخير لك طبعا ولكن نصيحة اخ ويشهد علي فاطر السموات والارض في ها الايام المباركة لا تبعد كثيييييييييييييييير عن الأف جي FJ تراه موتر ومجرب من ناس هاويه للبر والمدينه وموتر يمسك سعره ويعتمد عليه بجميييييييييييع المقاييس اللي براسك استخير الله واسال ملاكه ويشهد الله لو انا ظروفي مثل ظروفك وعملي بالبر والله لأحطه نصب عيني انا ما اسويلك دعاية لكن حطة ببالك ولا تبعد عنه نصيحة ولك الخياااااااااااااااااااار.

على حسب الطرق

إذا كان الطريق مسفلت او شبه مسفت أو حتى طرابي

فاليوكن أو التاهو

يبيضون الوجه وأحلى وأجمل وأرسى

حتى لو تأخذ دفع خلفي ومعروف إنها سيارات سفر ومكدة

أما إذا كان هنالك طرق وعرة جدا وتلال

الإف جي كروز أكيد

لكن أحسب إذا كنت عزابي وللوحد ومايركب معك أحد

فهي نقطة للإف جي

أما العكس

فهي للتاهو واليوكن

وانا من الأخير ترشيحي

هو اليوكن او التاهو

سلام

إذا انت شباب وماعندك عائلة كبيرة فأنصحك بـFJ

إذا عندك عائلة الفورتشنر خيار جيد

خذ لك فــتك هو الـ KING وبس

أخوي ليه 120 ألف وأنت راح تجلد الموتر بر وخطوط
أسمع النصيحة خذ لك موتر في حدود 80 ألف يعني لو كديته مو حسوفه إذا جيت تبيعه ولا راح يطيح فيه كثير
لأنك ماراح تعمر في المنطقة اللي أنت منقول فيها كلها فترة وربي يفرج لك
عشان كذا لا تتحذ قرار شراء سيارة على وضع ماراح يستمر
أخوي أنا أبيك تجرب الدرانجو سعره بعد العرض 89 ألف راحة مكينة جبارة ودفع رباعي ومواصفات عالية وفخمة
ولو كديتة راس ماله 89 ألف مو 120 ألف

إذا أنت شباب وما عندك مشكله في تنسيم الهوا على السرعات العاليه ..

صراحه الكل يمدح الـFJ ..
وسعره حالياً هاليومين بـ112 الف ريال .. الفئه 2 ( يقولون أنها هي الفل منه ) !! طبعاً عندنا في السعوديه :)

ولا برا تلقاه فيه فل :(
لكن عندك برضو التاهو LS إذا الطريق مو تكسير وبطانيج
السيارات الباقيه مثل الفورتشنر والأكس تريل صراحه ما عندي علم عن قوتها ..

لكن البرادو الـ4 سلندر عزمه ميت مرررره ..

وأنصحك أنك تستأجر الموتر يومين قبل لا تشتريه وتجربه .. وأحكم بنفسك ..

ولا تنسى الأستخاره ..

والله يوفقك يا رب ويعينك على مشاويرك .

أنت تبي سيارة دفع رباعي
وتكون عملية وتتحمل ويعتمد عليها
وتكون مريحة جدا بالخط وبالسواقة ورساوة
وتكون قوتها معقوله في المناطق الوعرة إلا أقول أنها ممتازة جدا وقوية جدا بالطرق الوعرة
وتكون سيارة ممتازة

وما تتعدى 120 ألف ريال

بصراحة بنسبة لي مالك إلا



TOYOTA FJ Cruiser

سيارة يعتمد عليها فهي تويوتا وصناعة يابانية 100%و بصراحة أعتبرها أهم ميزة التصنيع قبل لا نجي بالتفاصيل

وأيضا فيها
محرك 6 سلندر سعة 4 لتر بقوة 240 حصان وعزم 278 رطل/قدم.
مكابح منع الأنغلاق ABS مع التوزيع الأكتروني للكبح EBD
فيها 6 أيرباقات 2 أمامية و4 جانبية
فيها مثبت سرعة
فيها تحكم بالاستريو عن طريق الدركسون
فيها بوصلة وشاشة معلومات وشاشة توضيح لميلان السيارة من جميع الجهات
فيها سيدي ونظام AUX لمدخل جهاز Ipod
فيها نظام VSC الخاص بالثبات
فيها دبل يدوي
قير تماتيك 5 سرعات
فيها نظام الدفلوك لقفل الدفرنس ونظام التراكشن كنترول وهذه الأنظمة خاصة بتجاوز القفل الوعرة
وغيرها من المواصفات الي ما أتذكرها الأن كلها شوف السيارة عن قرب

وشوف هذا الرابط
http://www.toyota.com.sa/cars/new_cars/fj_cruiser/index.asp

توفر كل متطلباتك خط سفر بر مدينة وأنصحك بها

لكن ما عدى مسألة واحدة مش متأكد منها لأن بعضهم يقول عادي وبعضهم يقول لا مزعجة وهي مسألة


ناس كثير تقول أنها عادية وناس يقولون أنها مزعجة لكن قليل لتتأكد أسئل ملاكها أو أستأجرها وجربها

الف مبروك التعيين والله يعينك تهون ان شاء الله
حسب ما ذكرت أرى أن الأفضل لك الفورتشنر
سعر 2008 فل كامل تقريبا 111 الف
2009 فيه كم تغيير اذا قررت الفورتشنر انتظرهـ
وراح تستفيد منها أيضا بالمستقبل
7 ركاب وتكييف خلفي ودف لوك وقدراتها بالبر ممتازة
والله يكتب لك اللي فيه الخير

أذا لايهمك الشكل والمميزات والفخامه , أعتقد البرادو حل مناسب لحالتك ..

موفق أن شاء الله ..

شوف يالغالي ..
اكستيرا ( نيسان )

انصحك فيه ..
اخبر قاري موضوع بموقع مكشات لواحد شاريه ويمدحه لابعد درجه ..
لكني مستعجل .. ولي رجعه مع الرابط بمشيئة الله ..

انت شوفه وجربه والحكم لك بعدين ..

عندك باثفندر اذا ما عجبك الاكستيرا ..

صراحه هالسيارتين يمدحونهم الناس وبهالقيمه اللي معك واقل ..

تحياتي .