اللحين فضيت باقولكم سالفتي مع اول طلعه لي بالهامر في النفود ... طبعا طلعت الثمامه قبل هالطلعه بس كانت خفافي ولا عطتني الانطباع عن الهامر وطلبت من الشباب نروح لمكان اجرب الموتر فيه .. طلعنا حول 10 اشخاص بثلاث مواتر ... سفاري 2008، تاهو 2008 و الهامر .. طبعا الخبير فينا ولد عمي راعي السفاري .. مركب كفرات بالون قالنا اصبروا لا تدخلون باشوف الطريق وشلون .. راعي التاهو تقدم شوي بس ويوم بغي يرجع غرز هههه .. رجع لنا ولد عمي و قال نسموا كفراتكم لضغط 20 ما كان معي عيار ... نزلنا نسمنا اللين قلت بس يكفي .. و راعي التاهو نسم لـ 20 وطلع على طول ... و انا مادري كم نسمت هههه المهم دخلنا الموتر ماشي زي اللوز بس كان فيه حنه غريبة وضاق صدري .. شوي واشوف الحرارة ارتفعت فوق النص و قمت اللعن بالموتر مع العلم ان الارض اللي مشينا بها كانت جدا سيئة وما كان فيه مطر و انا كنت داعس على البنزين و ما ريحت الموتر .. المهم طول الطلعه و انا اهوجس بالموتر .. يوم جينا نطلع خففت دعستي على البنزين وكانت الحرارة اوكي وكل شئ تمام ... رحنا بنفخ الكفرات .. تدرون كم لقيت الضغط ؟؟؟ 30 يعني نسمت 5 بس ههههه عقب هالطلعه كبر بعيني الموتر وشريت عيار وما واجهت اي مشاكل ...
و ان شاء الله انت اول ما تطلع البرتقالة يبي لنا طلعة نوسع صدرنا فيها ويا ليت تكون يوم خميس .. اول يوم خميس بعد ما يطلع موترك ههه مبروك مقدما ان شاء الله
اخوكم ابو سعد..
