أفا يالماركيز

اخوي خل التراكشن شغال وانت واقف صفر ادعس البنزين كامل وشف كم يصير معك حتى لو المكيف لو مو مطفي ماهي مشكلة

يعني انت مطفي الاوفر درايف؟؟

اقول السيارة بها شي امس درجة الحرارة 26 الساعة 2 ونص الليل يعني الهوا بارد يعني السيارة يتحسن تسارعها
جابت المية في 11,25 بدون تراكشن وبدون مكيف :a120(55):

ظنكم يمكن عشانها تفحط مع إنها ماتفحط واجد يعني زي هلي إذا جا يغير النمرة من الأول للثاني

السلام عليكم والله ياخوي فعلا غريييبة وغرييبة جدا ......

لا لا مو معقوول تصدق ماقدرت انام<<<<خخخخ

اخوي انا مني مصدق لاني بالنكولن التاون كار 2002 ....
من 0 الى 100.....

بدون تراكشن.بدون .مكيف.....طبعا بالاوفر درايف.....جبتها في 7 ثواني ونص:eh_s1: .....

ان شاء الله تصدقوني <<<<واثق فيكم...

ومثل ماقالولك الاخوان السيارة في الدحدرة تعجبك....

ما شاء الله ما شاء الله ، أنا بجرب ها اليومين مع الجو الزين يمكن يمكن يتحسن التسارع

انا عندي تجيب 8 ثواني

السيارة مدعمة بصفائح حديدية التى تجعل السيارة ثقيلة بنسبة 50% تقريبا.
عكس الكابريس والكامري والجيب هونداي الي نسبة الحديد فيها تقريبا 30%.
والله اعلم

إذا أنت 100 وتقول شايب أنا عادتي 85 واذا مستعجل 95 (تخبر العداد الكتروني)

انا والله ماادري لاني ماقد دعست لها امشي بشويش حدي 100 شايب هههههه ونصيحه يا خوي خل عنك السرعه والله ماتصلح لو يجي موترك شي محد راح ينفعك انا نصحتك وانت بكيفك

ههههههههههههه اختلف العلماء ياشباب اتوقع كل سيارة ونظافتها وقوتها وحسن استخدامها

ولا الفورد: الفكتوريا ولا الماركيز ماشاء الله ماتنعاب

والله غريبه اخبر الماركيز تسارعه افضل من كذااا يعني تقريبا قريب من الفيكتوريا

وانا سياارتي موديلها 94 P71 وتسارعها 8 ثواااني والحراره فووق النص بكثير

اخوي حاول انك تشووف يمكن فيه قطع استهلاكيه مثل البواجي ماثره على السيااره او انك في منطقه

يكون فيها الاوكسجين قليل

أخوكـ

يعطيك العافيه يالغالي

انت تسمع كلامي خلك من السرعه ولاتدوخ راسك

لأن الماركيز حق روووقان

ماهو حق مطارحات وسرعه

تقبل مروري

ميركوري 2007

ههههههههههههههههههههههههه
لا ياحبيبي معنى التمرين إنك من النوع اللي كل يوم ماسك خط زي حالتي طبعا انا من الناس اللي ادبل على الدعسة كثير وخليه لين يعشق مو مثل بعض الناس اللي يدبل واذا جا يعشق يشيل رجله من الدعسة فتروح عليه الكلتشات

وأحلى فزة للفوردات لمن تمشي من 120 لين 143 طبعا بلاكتروني تشوف الموتر يرد نمر ويصفق ويروح معك طبعا هذي الحركات أسويها اذا كانت زيوتي كاملة يعني مامن خوف فا تشوف مع الوقت البساتم تتوسع من التمرين وتصفق الطبلون بسرعة

صحيح في فرق وواضح وبصراحه معقدني

لاني كذا مره اقوم مع ماركيز موديلات 2006 و 2007 وانا موتري ls 2003 مع العلم ان الي اقوم معاهم مواترهم مواصفات الخليج يعني مو امريكي الموتر والمتعارف فيه ان الموتر يفصل عند ال179 كم او 180 .. مع هذا لما اقوم معاهم طبعا مساير مو من الصفر الحمدلله موتري نشيط وافز عليهم لكن شوي شوي يجيبني ويطلع علي مع انه موتري يفصل 180 وهو نفس الشي !!

بصراحه هالشي حبط فيني وكرهت الماركيز منه .. لكن انا مع الاخوان شريتي لها يمكن غلط لانها بالاساس سياره عائليه ورسميه بنفس الوقت يعني ان ركبتها مايدرون انت غني ولا فقير .. بالنسبه للأشخاص اللي يحبون البهرجه هذي نقطه .
النقطه الثانيه ان الماركيز مو سيارة سرعه .. صحيح النظام اللي فيها حلو .. لما يفقع معك كفر يطفي الموتر .. لكن مع ذلك لاتنسى خفة السياره اذا اسرعت .. يمكن البعض يقول ان وزن الفورد ثقيل .. لكن جرب وانت مسرع وشوف خفة الدركسون يعني لافقع معك كفر لاسمح الله وانت تمشي 180 او 200 الله يعلم وش يصير فيك

لكن اكثر شي حببني بالماركيز الهيدروليك مع ان اكثر الناس تذمه ليش ماادري؟!!
بالعكس حلو ومهما حطيت بالسياره غراض تبقى على حجمها الطبيعي
ثاني شي بالسفر لما تدعس 160 تحس انك تمشي 100 يعني ماشاءالله ماتحس بالسرعه نهائيا

اسف على الاطاله لكن هذي من وجهة نظري ..

سلام

يا اخوي في فرق في المكينه
تختلف
واذا كان امريكي ولا سعودي ما يفرق في العزم

اخوي انا كنت اقوول زيك
انه الماركيز تعباان
لاكن روح جرب موديل 2006 وانت طالع شوف كيف خلو عزمه ماشالله صاروخ
وارسه بعد

والله السيارة ماشية 80 الف كيلو والبواجي جديدة والشغلات الباقية بخليها لين تتم المية

والتمرين من شريتها دعست الدعسة الكاملة 12 مرة أظن إنها أكثر من كافية لتمرين السيارة

شوف يالحبيب سيارتك أكيد أمريكية أو انها مو مَرنه صح

انا سيارتي فكتوريا 2008 وتجيب للمية تقريبا 8 ثواني إذا كنت جاي من خطوط واذا كانت توني مشغل السيارة والسيارة باردة تجيب في 8 ثواني ونص وأتوقع إنه في فرق بين كرونات الماركيز والفكتوريا
ويمكن الماركيز أريح من الفكتوريا واعتقد هذا السبب اللي خلاها تحافظ على شكلها لمدة 10 سنين عكس الماركيز اللي كل فترة يغيرون من شكلة ويحافظون على كرونته مع ان في بعضهم يجون نفس الكرونات

بعدين لو تلاحظ انهم صانعين مكينة استهلاكية للبنزين بشكل كبير وطبعا يمديك تفتح الاقتصادية والسرعة بالمرمجة ولاتنسى انه يعشق عند الظغط 5 وشرطة وأحيان عند 4 ونص اذا كنت مدحدر مع ان المفروض يعشق عند 6 عشان الموتر ياخذ نفس أكثر ولا يعشق ثاني بدري ويخق العزم

ولاتنس إن الفورد فيه 4 دبات تلوث يعني الهوا على ما يطلع يتفلتر في اكثر من دبة طبعا هذا اذا كان سعودي فما بالك بالامريكي اللي تكون فيه أكثر

وترى البواجي تتغير كل 25 ألف في الوكالة
وفلتر البنزين كل 35 الف وشغلات مثل زيت وفلتر القير
انت حافظ عليها وما عليك وانشالله يعجبك وعليك بالتمرين صح

سلام:emot154: