حل لمشكلة الارتفاع المفاجئ في درجة حرارة الماركيز >>

يا إخوان انا عندي مشكلة في ماركيز 2000 فل كامل وهي ارتفاع في حرارة السيارة
طبعا السيارة كل شي بها تمام وعال العال وصار ليها ثمان سنين وهي تمام وبدون حرارة وحتى لو توقف السيارة ثلاث ساعات في عز الشمس ما تزيد عن النص " اي اربع حبات " وحتى سافرنا عليها الرياض والكويت ولا اشتكينا منها ولكن اول امس كنت ماشي بالسيارة على خط وفجأة وصل امبير الحرارة لـ H وصارت السيارة تونون مثل البنزين والامبير يطلع ويختفي وقفت على جنب فتحت الكبوت ولا الاقي الغطاء مال الرديتر " نفسه مال القربة " طاير بعيييد وماي الرديتر تقول انه عامل دش :e058: المهم واعبي السيارة ماي وكملت المشوار على بعد ثلاثة كيلو وفي اليوم الثاني نزلت الماي وعبيت ماي اخضر او مقطر وصارت الحرارة ترتفع الى الشخطة الخامسة واحيانا للسادسة سواء في الليل او النهار ورحت لورشة قالي كل شي سليم مراوح ووو بس فك الخرطوش وعبى ماي وركبه وصار الحرارة ترتفع للخامسة وتنزل اذا اشتغلت المراوح سواء ليلا او نهارا واذا فيه زحمة للسادسة .. وما ادري ويش السواة يا إخوان ترى السيارة من ثمان اسنين ما اشتكينا منها وهيه وارد امريكا ..

شوروا علي هل اغير الرديتر او كيف ؟!