اخي العزيز
انا عندي ازيرا 2007 ماشيه حالياً 42 الف
بأختصار الاصوات اللي عندي كانت من التكايه وغيرتها على الضمان والحين بدى يرجع الصوت على خفيف لكن ما يطلع الا اذا تكيت عليها بقوه
وصوت ثاني من غطا حامل الاكواب يطلع نادراً اذا كان الشارع خشن
ملاحظ ان اشتهر بالمنتدى عن الازيرا انها قربعه من الداخل وهذا غلط في غلط
صدقني نتكلم عن الاصوات من باب الحساسيه الزائده انا اعرف اصوات ديكور الازيرا وصدقني مايلاحظها الا دقيق الملاحظه او الحساس جداً والحساس جداً صدقني بيلاحظ اصوات ديكور بكل السيارات مثل ماهو حاصل معي شخصياً
اصحاب الهيونداي هنا صدقني ما يتوانى احد فيهم عن كتابة اي مشكله بسيارته حتى لو كانت بسيطه جداً وتشوف الاعضاء يفكرونها كبيره وهي ولا شي اعتقد لأنهم من النوع اللي يكتمون مشاكل سياراتهم
تبي اقارن لك مع السيارات اليابانيه اللي اصحابها يقولون جودة ديكورات عاليه جداً " لأنهم مايدققون ابداً "
ناخذ الاكورد واللي معروفه من عند عشاق الياباني انها الاكثر متانه من الداخل على مستوى الياباني وافضل من تويوتا اللي مؤخراً اشتهرت بالاصوات الداخليه
هذا عضو يشتكي من اصوات داخليه بالاكورد حقته 2008 وكل اللي ردو عليه يعانون من نفس الشي
اقتباس المشاركه من احد المنتديات المختصه بهوندا
[CENTER]السلام عليكم اعضاء منتدانا
عساكم عالقوة جميعا
اولا اسأل الله تعالى ان يتقبل جميع طاعاتنا في هذا الشهر الفضيل
الحقيقة يا اخوان انا بديت اتندم اني اخذت اكورد بسبب واحد وهو
(فرقة الطقاقات) الي جت مع السيارة
اي والله يا اخوان اقولها وانا صادق
فعلا طقاقات
اصوات غريبة في السيارة وطقطقة وايقاعات على ككيف كيفك
طرب والله ما يحتاج تشغل المسجل
وهذي الاصوات تصدر عندي من كل مكان في السيارة
وتلهي الواحد عن السواقة وهو يحاول يدور على مصدر الصوت
من الطبلون من الشنطة و كمبروسر المكيف الي كانه مكنسة على العمووم صوته مو مهم
[/CENTER]
الموووهم ودي لو ان احد من الاعضاء قدر يعرف لي حل لهذي الاصوات خاصة صوت الطقة الي ورا جهت الشنطة تقريبا الصراحة ما قدرت احدد مصدرة بالضبط اكون متشكر
ملاحظة:
ما ابي فيلسوف ينقزلي ويقول دور في البحث تلقى الحل لاني دورت ولقيت كثيرين يتكلمون عن هذي المشكلة بس ما لقيت حل
ياليت الي يعرف الحل يتفضل مشكورا غير مأمور
اذا بغيت الرابط عشان تشوف الردود والتأييد مالك الا تطلب
الحين وبعد قراءة الاقتباس اتحدى اذا احد من اللي يعادون الهيونداي قال في يوم من الايام ان الاكورد فيها اصوات بالديكور " ليش وهي فيها اصوات اصلاً اكثر من موضوع يثبت ذلك والتويوتا كلكم عارفين مايحتاج اجيب لكم مواضيع " والازيرا يحاولون ينشرون عنها ان فيها اصوات بالديكور
السبب ياعزيزي ان بعض ضعاف النفوس ماخذين العداء على محمل شخصي ويتصيدون على الهيونداي فقط ويتعمدون تشويه السمعه " لماذا , الله اعلم "
صدقني الاصوات اللي بالتويوتا هي الملاحظه اما اللي بالازيرا غير ملحوظه او غير مزعجه ابداً والاكورد ايضا فيها اصوات لكن ليست مزعجه وشي عادي اي سياره ممكن تصادف هذا الشي لكن البعض حطوه بالازيرا شي كبير
بالنسبه للمسجل نعم الفل 6 سيديات
