سلام عليكم اخواني
عندي مشكلة مع وكالة تايوتا في الرياض الا وهي انه عندي سيارة من نوع كامري بنظام التاجير والسيارة مؤمنه وانا ادفع قيمة التامين حيث ان نسبتة تقريبا خمسة في المائة تقريبا من قيمة السيارة
المهم صار علي حادث ويوم رحت اصلح السيارة قالو ما ما تقدر تصلح السيارة الا عندنا وفي فرع محدد الي هو فرع الفيصلية بجنوب الرياض قلت ما فيه مشكلة
المهم يوم وديتها قالولي راح تاخذ اصلاح 35 يوم والعيد اجازه يعني راح تاخذ 45 يوم تقريبا.......... قلت ليه ؟؟
قالو هذا نظامنا
قلت لهم ان المشكلة الي في السيارة يبيلها اسبوع بالكثير
قالولي ان الورشه مضغوطه
قمت وقلت انا مالي ذنب كون الصيانة عندكم مضغوطه هذا راجع لتقصير عندكم والتاخير راجع لمشاكل عندكم في الشركة انا ما اقدر اصبر 45 يوم بدون سياره اوضاعي الماديه تعبانه وما اقدر استاجر سيارات
وبعدين التامين ان ادفع فلوس مقابله وهذي التصليحات مو تفضل منكم او صدقه
اما انكم توفرون سياره بديله
او تعطوني فلوس اصلحها في اي ورشه
او انكم تصلحونها في اي فرع من فروع الصيانه
قالولي نعرف ان كلامك منطقي لاكن ما لك شي تبي او اسحب سياراتك وصلحها بفلوسك
هذا هو الحل الوحيد في نظرهم
فياليت اخواني تعطوني رئيكم في المشكلة في اسرع وقت ممكن ولكم بالغ الشكر والتقدير.
