السلام عليكم
ومساكم الله بالنور والسرور
اليوم حبيت اكتب موضوع تاخرت فيه والي هو التقرير السنوي للحبيبه الفرفوره
الفيرا ...
صراحة مب عارف من وين ابدا فالتقرير او شو الي ممكن اكتبه علشان يستفيد منه
الاعضاء وفي نفس الوقت يكون تقرير جيد وعدم انحيازي وكله صدق ...
اولا : معلومات عن السياره ... C V .... مقدمه على وظيفة السياره :smilie6:
الاســــــــــــــــــــــــم : هيونداي
النــــــــــــــــــــــــوع : فيراكروز
الصـــــــــــــــــــــنف : SUV
المــــــــــــــــــــوديل : 2007
الفــــــــــــــــــــــــئة : فل اوبشن
المسافة المقطوعة : 38000 كم
تاريخ الشـــــــــراء : 16 \ 7 \ 2007
ثانيا : المؤهلات
1_ سيارة شبابية من جميع النواحي الرياضية والمناوره بالرغم من كبر حجمها
2_ سيارة عائلية واسعه وشاسعة ومريحة حتى اخر صف للكراسي وراسية على المنعطفات
3_ سيارة اعتمادية اقتصاديه بشكل مقبول بالنسبة لفئتها مع سهولة الحصول على موقفها لها فالمدينة
ثالثا : الخبرات
انا اعتبرها مثل الشاب الي ماعنده خبره ميدانيه بس توه متخرج و الي اكتسبة من سنوات الجامعه من الناحية العلميه تساعده انه ينافس كبار الموظفين بتجديده للمفاهيم المتوارثه .
رابعا : رائي الشخصي فيها
الصراحة وجهة نظري مجروحة لان هالسياره ما قصرت ولا خذلتني ودائما ولله الحمد عطتني كل ما كنت متوقعه منها من سرعه ومن ثبات ومن نوعيه ومن مميزات ومن سعه ومن تقنيه ومن صدق واقصد في كلمة صدق ان كل ما قالو ان موجود فالسياره وكل ما قريته عن السياره موجود من تقنيات ومميزات وايجابيات وبنفس ما هو معروف .
خامسا : التوصيات
1_ نوع الجلد المستخدم يجمع الوسخ ويبان خاصه اذا بيج مثل الي عندي.
2_ اختيارية عمل الليت الداخلي الامامي لان بمجرد فتح الباب يشتغل اجباري واذا عندك اهلك فالسياره بلليل يكون مزعج.
3_ تقصير المسافه بين الكرسي الامامي والدواسات لصعوبة ركوب السياره.
سادسا: ملاحظات
1_ رجة بسيطة فالبريك على السرعات العاليه يعني 180 فما فوق
2_ الاحساس البسيط بتغيرات القير العكسية عند تخفيف السرعه المفاجئ
3_ خراب الهرن في زفه ........ عامل فيها المعرس الحبيب =====>:a120(24):
سابعا : اسباب عشقي لهذه السياره
1_ اول شئ واهم شئ سياره رزة ومرتبه ولها هيبه بحضورها:eh_s1:
2_ ثانيا تسارع وقوة تخلي كل من امر جنبه الف علامة تعجب تلمع على راسه :emot96:
3_ اهلي وعائلتي وكل من ركب السياره وحتى الاصدقاء دائم الاعجاب فيها ويمدحونها
4_ راعية فزعه :emot171: يعني خاطرك تروح المكان الفلاني لا تحاتي واعقلها وتوكل
5 _ واخيرا ماعمري ندمت علي اي درهم دفعته عليها .
اتمنى اكون وفيت حق التقرير ولو اني اعتقد ان ما يستوفي كل شروط التقرير الجيد
بس انتو كريمين وانا استاهل ومن السموحة تحياااااتي الكبيرة
سلاااام :emot154:
