اخذنا القسيمه بالظلم

عندكم مخالفات رخيص جدا ااااا

صدقوني عندنا في الأمارات رادار عليه 600 درهم وأذا كانت مسرع أكثر 60 كلم عن السرعة الشارع

تستوي مخالف فوق 1000 + حجز مركبة

واقف خطأ أو في مكان ممنوع 4 نقات سود +1000درهم


أما طيش وتهور +قطع الأشارة + تمشي عكس طريق =

حجز مركبة شهر +10000درهم+ما أذكر بالظبط يمكن 9 أو 12 نقاط سود +سجن سائق +محاكمة



شفتم كيف عندكم المخالفات الرخيصة

الله لايعطيهم عافيه ياما وياما يعطوني مخالفات ظلم

بس الشكوى على الله

و لسا قبل كم يوم
كنت عند سوق الشمال في طريق اظنه بس رايح و انا ممكن كنت عاكس بس كان وراي
خلق الله يعني ماهوب لحالي جاني دباب قالي رخصه و الاستماره عطيته و قالي روح جنب
جنبت و قالي ليش عاكس و ما ادري وش فتح محاضره قالي
شف الحين انا بعطيك ثلاث مخالفات عكس و حزام و رخصه
قلتلهم يا رجال مالها داعي و منه منه
ماهوب راضي قلتلهم انت تبي تخلص الدفتر و تاخذ اللي تبيه و انا ادفع
قالي عشان كلمتك ذي انا حخليها مخالفة حزام بس و ترا الدفتر سارله معي اكثر من شهرين
و كلام زااايد
بس و الصراحه العسكري كان محترم بس كان يبي يخلص الدفتر و خلاص

و اسف اذا زوتها في الردود بس توني افتكر هذي السالفه ....

مشكوور على الموضوع

و الــصراحة في منهم أشخاص محترمين ما يقصرون و أنا اشهد بهذا الشي ...
و الصراحة في منهم والله لاهم محترمين ولا شي
مره كنت في ممشى البحر في جده و كنت بلف من الدوار و رجعت النمره على الأول
و انا ماشي 30 و فلت كلتش بالغلط و الكفر سحب بصوت عالي شوي
جاني الدورية قاقاقا جنب يا راعي الجولف جنبت
هلا اخوي و ما ادري وش و انا وقتها ما معي رخصه الله يخلي الأحوال
قالي وراك تفحط طالعت فيه قلتلهم نــعم قالي انا شايفك تفحط قلتلهم انت قصدك
على الدوار قلتلهم والله كنت فاك سوالف معا اللي جمبي و فلت كلتش بالغلط
قالي طــيب جا كلم اللي راكب معاي و قاله اثباتك و فجأه قال للراكب
أنت مجنون تركــب معا واحد مفـــحــط
قلت في نفسي لا يفل بزياده خلني ساكت ازينلي و عطاني المخالفة
و سارلها اكثر من سنتين و ما اظن نزلت في الكمبيوتر
و غيرها سارلتي معا العساكر مواقف كثير

و على قال الشباب لو لقيت دوريه ابعد عنه لو معاك اوراقك كامله و زياده و منت مخالف
ذاك اليوم كنت ماشي في وسط حاره و الخط مستقيم
و قابلت واحد من الشباب و وقفت جمبه و اسلم عليه و ....إلخ
شوية الاقي دورية قالي انا جنب جنبت قالي انت واقف في وسط الشارع
و المشلكه في طريق مداه يمر يعني بس يتفلسف و قالي وش تبي مخالفة عرقلت سير
ولا عدم وجود رخصه قلتهم سير و مشيني

و اسف على الإطاله ..

الحمد لله عمري ماأخذت مخالفه
مع إني مسوي حادثين وماكان معاي لا الرخصه ولا استماره ولا شي
ومره قفطوني مقطع إشاره حمرا بجلنط
غير نقط التفتيش يلي كنت أمر عليها يوميا

خذها قاعده إذا جاجمبك المرور حاول تبعد عنه بشكل ماهو ملفت وإذا ماقدرت لا تناظر فيه مرررره

السلام عليكم ورحمة الله وبركانة
ياشباب المخالفات من الدولة يعني من الحكومة والحكومة لاحظة زيادة في الحوادث واسبابه
السرعة الزائدة وقطع الاشارة في اخر تقرير عن الحوادث اعلى نسبة في الشرق الاوسط عندنا
في السعودية في الساعة 3 حالات وفاة و10 اصابات .
الله المستعان .

البانوراما محدده السرعه عند 250 هذا اولا
ثانيا احد الشباب كان عنده كورولا ونعساااان وداعس 180 في خط جدة -مكة واخر شي يتذكره انه بيرد على الجوال او نام ومثل ماهوا بسرعته دخل في عامود نور ووصل الكفر الامامي الى جهة السواق
وكان مغمى عليه من رمضان الى بعد العيد بس ربنا كتب له عمر جديد بس رجوله كلها اسياخ

وقبل اسبوع اقاربي راجعين من الشعيبه اللي بيسوق الله يهديه نعس وهوا ماشي 170 وخرج عن الخط فتح عينه انفجع ولف الطارة وحاصت السياره وانقلب كم مرة وطاروا السواق واللي راكب في الخلف واثنين الباقين الحمد لله ماطاروا
اللي طاروا اتشلوطوا في السكة وجروح خطيرة واللي في السياره ماصار لهم شي خطير

سرعة+نعاس=موت

والله يا شباب في عساكر ذوي اخلاق عالية
مرة كنت ماشي بالبانوراما حقنا 280 الساعة 3 باليل لاني كان فيا النوم
طبعا الكلام وانا راجع من جدة لمكة الهمم
وقفني العسكري في التفتيش وقلي انت مسرع قلت نعم انا مسرع
قال الرخصة والاستمارة وجنب
اعطيته الاشياء وقلي انت لي مسرع مره
قلت والله ابغى اوصل البيت بسرعه علشان مره تعبان وابغى انام
والله جزاه الله خير قدرني واعطاني الاشياء وقلي ياولدي السرعة خطر
لاعاد تسرع
قلت ابشر وجزاك الله خير
يعني لوغيره كان بت في التوقيف
واسف للاطالة

انا مسكوني وودوني للمباحث الساعة 3 بليل كنت برمضان ارجع عمتي لبيتهم وانا راجع للبيت وقفتني الدوريات وكنت لابس قميص النوم ومامعي الا جوالي والمفتاح قال الرخصه والاستماره
قلت الرخصه ما معي والاتماره طلعتها من الدرج قل اصبر شوي ويجي جيب باترول يقول امش وراي ووراك الدورية تلف يمين ولا يسار تصدمك ومن المباحث لمكافحة المخدرات وانا عمري لسا 16 سته ويم رجعت للبيت لقيت ابوي وعيال عمي يضحكون علي
وطلعت من كل هذا بدون مخالفه بدون اي شي

الحمد لله انا للحين ما احذت ولا قسيمة ولا وقفني اي شرطي الحمد لله اوقات امشي بسرعة ولما اطلع على الدائري امشي على الطريق السريع واوقات اتعدى 120 واوقات اكون ماشي ويصير عندي طفش من الهنود والفلبين واطير في السيارة يمين وشمال وحركات واقطع الاشارة لمن تصير احمر بسرعة وسويت حادث ظربت ثلاث سيارت ومرة ظربت سيارة على دوار الاحساء والحمد لله كلهم ناس طيبين بس الحادث الاول الي ظربت فيه ثلاث سيارت موب الحق علي وانحاش المسبب ومشينا بس انا الي تظررت اكثر شي 6000 الاف ريال تصليح وولحين الحمد لله ما شفت وجه شرطي ولا ابغا اشوف
بس انا عندي قاعدة لمن اشوف الشرطة ابعد عنهم و لا اقرب صوبهم واذا قربت ما اطلع فيهم
يقلك المثل ابعد عن الشر وطق بوري عليهم:emot76:
تحياتي للجميع وان شاء الله الله يبعدكم عنهم

شارع 14 في الثقبه في الخبر جه المرور و عمل الشارع ما بين ينبع و جده ممنوع الدخول ..... ازاي
يعني انت جاي تيجي عند الوصله ما تقدر تكمل و بعدها اتجاة الشارع يعود كما كان و تيجي يقوله ماشي مخالف


الله يهديهم

قطع الاشاره الصفراء - قطع غير متعمد
قطع الاشاره الحمراء قطع متعمد

والله يا اخوي انا سامع انها 900 ريال بس ماني متأكد

والله يعينك

بس كن مظلوم احسن من أنك تكون ظالم

وحسبي الله على الظالمين

يا اخواني انا صارت لي مواقف مع المرور كثيره بس مره وحده عطوني قسيمه وهي بحق مو تبلي والمشكله الاكبر اني قبل ما اسافر جيت اسددها واسدد قسايم اخوي لقيت علي مخلفتين بقيمة 200 ريال

والمخالفه الي انا ماخذها عدم حمل رخصه بـ 100 ريال بس وش اسوي لازم اسدد ولا يمديني اكلم الواسطه لانه مجاز

المهم بعطيكم اول موقف حصل لي مع الشرطه

في رمضان 1427 انا كنت على شارع الابراج عند اشارة كلية المعلمين المهم اني كنت بروح يمين والي يعرف هذاك المكان
يعرف الرصيف الي ما فيه احد الا وطمره المهم فيه اثنين رقو الرصيف لانه في واحد صاك علا المسار الايمن الي المفروض يكون مفتوح وانا رحت معاهم وفيه واحد ثاني راح معي ويم نزلت على الازفلت الدوريه وراي ويقولي وقف المهم وقف وشف البجاحه ما نزل لي قعدت احتريه لمدة 3 دقايق الين ما جاني وقالي ليش ما نزلت قلت له ان كم من شرطي قايل لي انك انت تجي عندي واذا نزلت لك تكون مخالفه علي او يسويلي مشاكل وقعد يهوش ويقولي انزل المهم نزلت وهو راح وركب في السياره ويقولي ليش تنقز الرصيف
وقالي عطني الرخصه والاستماره قلت له ما معي رخصه وقالي الاثبات وقلت له ما معي ويعصب ويقولي ليش تسوق بدونهن وقلت له والله المشكله مو مشكلتي المشكله مشكلة الكمبيوتر الي ما قبل اطلعا قبل كم من يوم من الولاده لاني مولود في اخر رمضان والاحوال ما يفتحون ويوم حجرت له بهالموضوع وقعد يهايط وقالي تبي اوديك القسم وقلت له انا ما عندي مانع اشان اخذ حقي منك وقال وشلون قلت له شف الحين وقت صلاة تراوح والوالد يصلي وصديق الوالد يصلي بعد ولا كان كلمت صديق الوالد واعلمك وشلون تهايط علي ويعصب ويقولي اكيد انك سارق السياره من ابوك وينزل ويقولي بوديك القسم وقلت له اول شي انا ما عمري سرقت سياره من احد وانا اذا بغيت اخذ السياراه قلت لابوي وهو موافق ولو تبي اسال اخوي وكان معي بالسياره

ويركبني بيودين للقسم وقعد هو والي معه يفتشون السياره

وجاني وقالي خلاص رح ولا عاد تعودها الكلمه المعهوده وقلت لا انا ابيك توديني القسم وقال لا مانب موديك قلت وراك يعني خفت وعصب وقالي انت شكلك ما تبيها على بر قلت له شف اسمك واسم المعاون عرفتهن ورقم السياراه وعرفته وعصب وركبني ووداني للقسم والمعاون ساق سيارتي الى القسم المهم وكان على وقت انه يوديني للقسم خلصو التراوح واكلم على ابو وانا بالدوريه والي يسوق يسمعني وانا اكلم ابوي واسب العسكري ويعصب ويقولي هات الجوال ويوقف وياخذ الجوال وقلت له اصبر يبي يكلمك وكلم ابوي وقاله شف الجوال اذا ما رجع لولدي بتنفصل واي شي بينوخذ منه بيرجع له واكثر ويقطع الخط بوجهه ويدق ابوي مره ثانيه ويرد على جوالي ويوم شفته رد على جوالي عيوني طارت وش دخله يرد على جوالي وقال ابو اي قسم بتوديه وقاله على القسم وقبل ما اوصل ابوي كان هناك وخويه ويوم عرف خوي ابوي السالفه كلها سفل بالعسكري ومدري وش سوا فيه المهم اني ما تعديت باب القسم وجا اعتذر مني وقلت له انت الي جبتها على نفسك

وطبعا الشرطي فصل من عمله لمدة اسبوع لانه رد على جوالي وانا ما سمحت له


وانتهت السالفه


وبدون واسطه ما تمشي

اقول

احمد ربك على قسيمه

ماصارت حجز ثم انواع التصديم في موترك مثل ماصار لي


عليك بالدعاء اوما انك بتشكتي على الحكومه>>ماتجي

يارجاااااااال ياكثر المخالفات الظلم حسبي الله ونعم الوكيل فيهم اجل واحد معطيني مخالفه تغير ملامح سياره لانها ماعليها علامه في الوجه:a120(55): اقوله علامه وطاحت يقولي ركب غيرها بالذمه هذا اسلوب حضاري او على الاقل مقنع حسبي الله عليه دنيا واخره...........
تحياتي

حبيبي أنا ما أتشمت على أحد بس قلت إن الوالد بيسدد القسيمة وحاله طيب
عشان لو فكر في يوم إني بتهور وأسدد القسايم يبقى غلطان:a120(37):


ومن ناحيت العطالة الله يستر

وشكرا:emot154: