سوعال مهم حول تعلم حرفة هندسة السيارات

انا تعلمت من الميكانيكيين اللي في الصناعيه
اتابعه وقت شغله وبعدين اطبق

يعنى البنقاله اللى عندنا عندهم دورات وتعليم !

هلا اخوووووووووووووووووووي

شووووف حبيبي انا يا واحد ولله الحمد والمنه وهذا فضل من ربي

اعرف اني اركب فحمات الاماميه للسياره واعرف اشد الفحمات الخلفيه

واركب السير السياره واغيرر فحمة الدينمووو واسيخ اللاديتر واغير ليات

لا احد يفهم غلط يا جماعة اني ابي اطلع نفسيييييييييي اني فاهم

القصد من هذا الكلام اني ما درست ولا شي مجرد اني اذا رحت الصناعية مع

اي واحد من الشباب سواء مع اخواني او اخوياي اناظر كيف يفك واروح اطبق في البيت

يعني ابغى اوصل الفكره ان والواحد لازم يفك ويغلط ويخطي عشان يتعلممممممممممم


تقبل مررروي \ دحوووووووووووووووم

الأخ متدرب معدات والأخ فق فق
شكرا للتشريف والإفادة
والمفروض تدرس مباديء الميكانيكا في المدارس

أنا مثل اخي متدرب معدات
كان في السابق في المعهد المهني يوجد دورات في الفترة المسائية ..
لكن لا أعلم هل لازالت هذه الدورات أم تغير الوضع ؟ بإمكانك الاتصال عليهم والاستفسار
آمل لك التوفيق

فيه معاهد مهنيه تعطيك كوورس لمدة شهر بمبلغ معين

لكن ماادري اذا بعدهم يعطون مثل هذي الكورسات والا وقفو

لكن لازم تختار الكورس اللي تبي تتعلمه

لان كل كورس يختلف

مثلاا لمادة المحرك كورس خاص لها وللفرامل كورس خاص وللجيربوكس كذلك كورس خاص

وهكذا ......

ههههههه الله يكون بعونك ، بالنسبة لي أنا ما يهموني لا جيران ولا غيره ، أنا أشتغل والشغل شرف مو عيب - في نظري - بل أرى العيب في اللي ما يعرف يصلح أي شي في حياته لا في سيارات ولا غيره ، وكل ما صار له شي في أي مكان مباشرة يطلب المساعدة ، هذا بالنسبة لي شخص اتكالي لا يعتمد عليه أبداً .. وبإذن الله ما دمت عضو في منتدى السيارات فلن تكون بحاجة لأي ورشة أو فني ليصلح سيارتك في الأمور السهلة والروتينية .. تحياتي لك

ههههههههههههههههههههه
كانك شايفني وأنا أحاول أبدل البواجي ..
المكينة حارة وفي عز الصيف في الرياض وفي الظهرية عشان ما يلاحظني الجيران وانا أتبهذل ..
........
نعم أقصد هذي الأمور وغيرها مما يعتبر من التوافه ..
أما الأمور الدسمة فلابد أن تشمل الدورة المقدرة على اكتشاف الأعطال ومعرفة مصدرها وسببها وما تحتاجه للاصلاح دون الحاجة لممارسة عملية الإصلاح نفسها .. فهذي للمكانيكي ..
يعني تخرب السيارة .. أعرف الخراب وموقعه وما يحتاج له من قطع غيار وأتجه للميكانيكي ليقوم بعملية الإصلاح ..
وأيضاً كيفية التصرف أوقات الطواريء .. بحيث تعمل حل مؤقت لتتجاوز مرحلة الضرورة وتصل للورشة ..
شكرا لمرورك ..

أخي أهلا اهلا
شكرا على مرورك .. وفعلا تطوير الذات مقصد نبيل يزيد من قيمة الإنسان ..
أخي فني السيارات ..
شكرا على مرورك .. وما ذكرته مؤلم جداً .. لأنه يتعلق بعصب الحضارة وهو النقل والمواصلات ..

أنا فاهم سوعال الأخ جبال السروات .. يرغب بتعلم الأشياء البسيطة مثل ما ذكر ،، بالنسبة لتبديل البواجي ، تعال أعلمك في 5 دقايق بس بشرط المكينة باردة ، مو تجي تلتهب حرارة وتبيني أعلمك خخخخ .. تبديل الفحمات والقماشات سهل جداً جداً ، ولا يلزم له سوى فك الكفرات ومفتاح لفك كليبر الفرامل ومن ثم أداة لتوسيع مكان الفحمات الجديدة ثم التركيب .. مثل هالشغلات بسييطة وأفضل دورة تقدر تأخذها هي بمتابعة الفني العامل على سيارتك أثناء عمله نقطة نقطة ، من قبل البداية وحتى بعد ما ياخذ الحساب يعني بعد تجربة السيارة .. أما تغيير الزيت فهو العمل الذي لا ينافس في سهولته ، فلا تحتاج سوى مفتاح لفك صرة صغيرة أسفل المحرك لتخرج الزيوت ، ومفتاح خاص بفلتر الزيت (السيفون) ، وحاوية ينسكب بها الزيت الخارج من المكينة ، وزيت جديد بدلاً منه ،، فقط لا غير ،، وحفرة أيضاً ،،،، وهكذا جميع ما ترغب بتعلمه ....

اعتقد المقصود دورة عامة تخصص في الميكانيك على الاقل للامور العادية

اعتقد لايوجد مثل هذا الشئ الا ان يكون دراسة و تخصص او ربما دورات في نادي علمي او من هذا القبيل