اريد شراء سيارة

وعليكم السلام ورحمة الله وبركاتة

رتبك حلو مشاءالله وعسى الله يطرح فيه الخير والبركة والسامعين اجميعن

وانا اخوك الراتب اهم شي فيه تعرف كيف تصرف بالوجه المطلوب وفيه ناس راتبهم 3000 واخر

وعايشين تمام وناس 9000 ولا يوصل نص الشهر الا هو محسر نفسة >>> دايم يطلع برا الموضوع

المهم اذا على السيارة وبحكم انك كاتب الموضوع في منتدى السيارات الامريكية اتصور خياراك

فقط والسيارات العائلية كابرس او كروان وشقيتها قراند ماركيز او دوج تشاجر

انا جربت الفورد وكان لي تجارب مع سيارات امريكة قبل الفورد لكن ماحصلت مثلة والحمدلله موديل

99 ولها الان معاي من سنتين واستخدامي يطفش ولو الحديد يتكلم كان دعاء علي والحمدلله غيرت

الثلاجة وهي عيب في الفورد الاستعمال الامريكي والي تحت 2002 وغيرت الكويلات وسبب خربها

ماء التبريد الي طلع من الثلاجة والباقي مشاءالله ولا اروع وغير كذا ولله الحمد المكينة ولا القير قد

انفكت وعلى تربيط الوكالة هذا على كلام الورش وشوف عيني

صرفية رووعه وتقدر تقول صرفة 6والعزم مو قوي بس بالخط تمشي ولا تقول لا و ياثر فيها هواء او

طلعات خفيفة او تشغيل المكيف يعني مشغل المكيف او لا ما تفرق معاك السيارة وبكل وقت تحس انها

خفيف برغم ثقلها في الاساس ومريحة فوق ما تتصور

العيوب الاتارة ضعيفة والدركسون يخف معاك على السراعات العالية يعني تقريبا مثل الكامري او

السيارات اليابانية او اقل منها بشي بيسط وهذا الشي راح تتعود عليه ويعتمد على السيارة الي كانت معاك قبل

قطع غيار ميكانيكة رخيصة جدا ديمنو 700 ريال كمبرسر اصلي 550 رديترات حوالي 500 وقطع

غيار الخارجية مثل الرفرف والكبوت في حدود المعقول ما اتذكر بالظبط

نصيحة لوجة الله لا تاخذ اجار منتهي بالتمليك وخذ لك قرض

اعرف شخص طلع الالنترا من الوكالة بنظام الاجار والنسبة 8 % على السيارة 2.5 على التامين

اجمالي 10.5والبنك ياخذ فوائد 3.5 وهذا فرق كبير

وغير كذا صاحبي صدم على الالنترا صدمة بسيطة من تحت بس صدام ورديتر وتكلف بالورش حوالي

1800 ولما خلها الوكالة على الضمان قالو 10500 ويعتبرون السيارة تالفة وبكذا ترجع لهم

السيارة وتطلع منها خسران خاصة بعد الدفعه الاولى والله يكفينا شر الحوادث بس الحمدلله قدر ياخذ حقه منهم

وفوق هذا كله يكفي ان السيارة بتصير باسمك وتقدر تسافر برا بدون اذن وتقدر تبيع السيارة متى مامليت منها

اعتذر عن الاطاله

تحياتي