مو معقول ،، سيارتي تتعب نفسيتي ،، مايصير !!

الحمدالله مشكلتك انحلت يابو احمد

لو ممكن تنزل صورة واضحه للفيش :bigggrin:

وبسالك بالنسبة للفيش عندي نفس الحركة بس فيش واحد مكسور الكلبس حقو تمام مافرق معاك ابدا ؟؟

وانشاءلله دوم السياره ماتتعبك

والله يا أمير إن فعلا بعض المصااايب حلوولها بسيطه وتااافهه ،، وبالأخير هالسلك طلع ،،

الله يبعد كل تقطيعه ،، وكل تفتفه عن سيارة كل واحد ،، لأن فعلا معاناه ،، والمعاناة هذي تقلب النفسية على طول ،، :e058: ،،

ولكن أبقى وأقول إنك فعلا نفس الكلام اللي بتوقيعك ،، إنك لا حدوود لك :emot86: ،، من خلال مواضيعك ،، ومشاركاتك ،، وطرح الحلول ،، إنت فعلا مميز أمير بكلمتي ،، عسى الله يوفقك ،،

الحمد لله انك وصلت للحل وعساها ااااااخر مشاااااكل واحزااااانك

وبصراحه انا دائما اقول احيانا يكون لمشاااكل كبيره ومصائب اسباب وحلول بسيطه وتااافه

مثل هالسلك بس مادام انها انحلت الحمد لله

والله يكتب لك مافيه الخير

أخوكـ

يسعدلي اوقاتك وايامك يالدمعه ،، وشاكر لك مروورك ،، وكافي وقفتك وإنك أبديت رأيك في المشكله ،، هذا شي كبير بالنسبه لي ،، وإن شاء الله على قولك آخر مشكله ،، بإذن الله ،،

ولو فيه شئ ،، أبد صديقي جون موجود الله يطول بعمره ،، :c005:

:eh_s2:

الحمدلله إنها نحلت مشكلتك ياخوي وبنظري لازم تعزم صديقك جون على غدا او عشاء :biggrin:

وهالتغييرات والخساير وبالنهاية ( فيش يشبك بالبخاخ لونه أبيض كان مرتخي )

يالله الله يعوض عليك ونا خوك والاهم انه نحلت المشكلة

والله يجعلها أخر مشكلة تواجهك

وبالتوفيق ,,,

يسعد اوقاااتكم حباايبي بالصحه والعافيه ،،

وأحب اقوولكم إني قضيت على المشكله ،، بتوفيق من الله ثم الفلبيني ،، إللي أشتغل السيارة ،،

طبعا الفلبيني اعرفه من قبل 10 سنوات ،، ومخه نظيــــــف ،، وفاااهم وعااارف ماشاء الله عليه ،،

ركب معي وساق السيارة وانا مرسم جنبه

المهم سلمكم الله ،، جرب السيارة وطلع التقطيع معه ،،

قااالي ،، التقطيع ميه في الميه سببه يا كويلات يابواجي ،، ياسديق مايصير ،، انا مغير كويلات بواجي جديد ،، :emot113: <<<==== رجعت لي حالة الإنهيار ،،

ثم قاالي ،، خلاص أبفك الكويلات وأشوف البواجي بوجي بوجي ،، وأشوف البوجي ،، إذا فيه خط اسود في البوجي ،، ومتقطع يعتبر الكويل خربان ،، طبعا البوجي يجي فيه تلبيسه بيضاء :eh_s(10): <<=== عليك وصف ،،

المهم فكينا البواجي ،، ولله الحمد كلها طلعت سليمه ،، بس فيه شغله هو شك فيها ،، وهو إنه الكويلات بعد ماتركب على البوجي تشبك فيها فيش والفيش هذا فيه كلبس ،، يعني لما تشبكه تسمع صوت الكلبس إنه مسك ،، المهم واحد من الكويلات كلبسه مكسور ،، قال هذي هي المشكله ،، قلنا على بركة الله ،، وش الحل ياجوون الفلبيني يابعد تسبدي انت ،، قال خلاص جب لزقة ،، والله واروح اشتري الشطرطون <<==== أخبر الكلمه هذي ايام زمان ،،

واجيب اللزقه ويشبك الفيش بالكويل ويلزق على الفيش لين شبك تمااااام ،،

والله ويطبق كل شي مكانه ،، وقلت له لازم نطلع نجرب ياجوون ،، وبعد ماخلص ارجع نفس مكاني وانا مرسم جنبه ،، واحنا طالعين نجرب والله يالربع التقطيع باقي ،، هذا واحنا ماشين خفيف ،، واقوله ياجون حرك احساسك مثلي ،، ترا باقي التقطيع ،، قال ممكن من مكيف ،، والله وأطفي المكيف ،، وانطبخ انا وصديقي جون بالبرد ،، قصدي بالحر :emot125: ،،

المهم واحنا نجرب السيارة <<==== والله البلشه انت وسواليفك يبو أحمد اللي ماتخلص ،،

بس مثلكم عارفين أبيكم تعرفون المشكله ،، وتداركونها لو تصير لكم ،،

المهم يالربع واحنا بطريقنا ،، قالي مركزك اللي ركبت فيه البواجي والكويلات قفل حسبي الله عليهم خسرووني ،، قلت له ياصديقي جون وصلني لهم ،، وصلني لهم ،، والقى الباكستاااني اللي يفتح ويسكر الباب مخلينه براا عند البوابه ،، كل من جاله وصف له الورشه وين انتقلت ،،

نجي الزبد والخلاااصة ،، خلاااص حبااايبي بعلمكم وش طلع ،، الحين
المهم ،، اثناء ما انا مع الباكستاني يوصف لي مركزي إللي خسرني ،، إلا وأشوف لك صديقي جون نزل وفاتح الكبوت ،، وأطب عليه وأداهمه ،، صديقي جون وشفيه ،، قالي في نفضه بالمكينه ،، قلت الله يستر ،، وللمعلومية النفضه هذي تجيني من اول فترات وتروح ،، بس سبحان الله ،، جت النفضه ومعي جوون صديقي ،،

وصلنا لمربط الفرس ،، وإكتشاف جوون للمشكله العويصه اللي تعبت نفسيتي ،، شفت جون يشيك على المشاابك وهل كل شي بمكانه وماسك أو لا ،، فجأة إلا والدنيا صفت ،، وتغير كل شي ،، والنفضه رااحت ،،

يالله انا بحلم والا بعلم ،، :emot187: ،،

جوون صديقي وش سويت ،، قاالي بالطااامه اللي عقدتني ،،


تبوون تعرفوون وش هي ،،




تخيلوووووووا طلع فيش يشبك بالبخاخ لونه أبيض كان مرتخي ،، ومووب شاابك زين ،،:emot73: <<== توه مووب مصدق ،،


واطلع واجرب واسوق واكرف السيارة يمين يساار ،، كل شي راااااااح وإنتهي ،، يالله لك الحمد والشكر ،، ومن زود الفرحه حبيت انقلكم الحل بطريقتي الخاصة ،، إللي اتمنى إنكم تستفيدون من مشكلتي وحلها ،، وإذا تحبون ازود الموضوع بصورة الفيش ابشروا ،، وأتمنى إن صدووركم رحبه في طرحي للحل بالطريقه هذي ،، واصفق لصديقي جوون والود ودي اخمخمه بعد حركته ذي طبعا بفضل الله قبل كل شي ،، بس وربي مخه نظيف يالربع ،، والشغله كلها كلفت 80 ريال بس ،،


<<= وربي يالربع بغت تقوم عرضه بس ربك ستر

:a120(42): <<=== مثلكم خابرين الجماهير كلهم فلبين وهنوود ،،



:a120(31): =======>> أبو احمد ترا جانا النوم <<======= اوكيه شباااب نشووفكم على خير ،، وإلى اللقاء في مشكله ثانيه ،، الله لا يجيب المشاكل ،،




باااي احلى نااااس ،، واحلى منتدى ،، واحلى موقع ،، |3|

كثر الله خيركم وما قصرتوا ،، كفيتوا ووفيتوا ،، كل شخص أسعدني مروره ومشاركته في إبداء رأية ،،

وإن شاء الله بتاريخ اليوم الإثنين 26\6 بنزل الصناعية :emot186: << مبسوط هو وخشته نازل الصناعية ،، الله يعينه بس ،، وبأفحص المشكلة في أكثر من مركز متخصص ،،

وإن شاء الله بأوافيكم بالجديد ،، في أقرب وقت ،،

محبـــكم ،، أبو أحمد :ch9:

ماشاء الله ما بقى شئ في رأسي :2smilie36:

كل الاحتمالات قالوها الشباب الله يحفظهم

وهم انا داخل بقولك على البخاخات

لكن ياخوي انت تقول دخان ازرق وكما هو معروف بأنه تبويش :a120(51):

لكن إن شاء الله ما يكون كذلك

وبالتوفيق ,,,

الي اعرفه ان اصحب الفورد دائما الشكوى عندهم من الثلاجة المني فول
وهي المسؤوله عن التقطيع و المشاكل وتتبدل بواحده اخرى
المنيوم لان الاصليه بلاستك

وربما عندك الطلمبة البنزين هي المشكله لانك جربت اشياء كثيره
وسؤالك لمن لديه فورد اكيد بيفيدك اكثر و الله يعنيك
خل تكت المفتاح على الاخر قبل التشغيل واسمع صوت الطلمبة البنزين لو لها صوت عالي يبقة الخراب منها و الله اعلم لو كان التقطيع مع شده الحر او الطريق الطويل يبقى الموضوع منها

هذا و العلم عند الله

اخوي كلام محمد سليم 100%
بس انا اضيف شي واحد انه نظف البخاخات وان شاء الله تضبط هذي الاضافه الوحيده على كلام اخوي محمد,,,,

احبك الله الذي احببتني فيه

اما بالنسبه يالغالي للدخان فله اسباب كثيره بس بالنسبه للدخان الابيض يكون يالغالي انه فيه تهريب

مويه على داخل الماكينه او ضعف في راس الماكينه اما بالنسبه للدخان الاسود

هذا يكون فيه ضعف للشنابر او جلد البلوف لان الزيت اذا احترق يطلع كربون ودخان اسود

اما بالنسبه للفحص الكومبيوتر بصراحه هو مشكلته انه يقولك غير وغير يعني يعطيك ان اسباب

كثيره ونادر مايصيدها او بخبره المهندس الي يشتغل عليها


وحساس الكرنك وحساس الكام فاذا خربوا او اي حساس يخرب عندك او اي تهريب زيت راح تولع

عندك لمبة التشيك انجن وكم مره انا انصح كل الي بالمنتدى انهم يحافظون عليها لان سبحان الله

اول ماشريت السياره كنت مهملها وقلت خلني اصلحها وسبحان الله اليوم الثاني رقيت فوق رصيف

ههههه تعرف حشرة وزحمه <<<متعود على الددسن هع هع ههههههه

فصار فيه تهريب زيت الماكينه كله في الشارع وولعة اللمبة والحمد لله لحقت على الماكينه

حاول انك تشيك عليهم عند كهرباء او مثلا يكون عنده قديمه او مستخدمه ويجربها لك

طبعا نسيت اقولك وش وظيفته انهم هم المسؤولين عن توزيع الكهرب وتنظيم وقت الاشتعال

للبواجي وانا حطيت موضوع سؤال بهالمسألة راجع الرابط تحت

http://www.assayyarat.com/forums/showthread.php?t=131668

أخوكـ

افحصها بالكمبيوتر او ودها الوكالة


اوممكن السيارة يبيلها تنظيف بخاخات

ياحبي لك يا أمير بكلمتي ،، وشاكر لك مرورك ،،

بس سؤالي ،، هل جهاز فحص الكمبيوتر ،، يطلع الحساسات الخربانه ،، أو اللي تكون ببداية خراب ،،

ودي توضح لي حساس الكام وش هو ووش وظيفته ،، وكذلك حساس الكرنك ؟؟

،، وفيه حاجة إنتبهت لها الأسبوع اللي راح يوم غيرت صفاية البنزين ،، كنت بالورشة عند الفلبيني ،، وكنت مطفي سيارتي وموقفها غلط ،، قام الفلبيني شغل السيارة وأقنص لك من الشكمان دخان أزرق ،، أنا أعتقد إن هذي دلااله كبيرة على مشكله في البلووف ،، أو جلد البلوف ،، <<=== واذا عندك رأي بخصوص الدخان اللي يطلع من الشكمان ،،
أتمنى تقولي على الخطوات اللي أقدر افحص فيها المشكله هذي والطريقه اللي اعرف إن البلوف أو جلد البلوف خربانه ،،

أرجوا الإطلاع من جميع المشاهدين لهذا الموضوع ويا حبذا لو يفيدونا بما عندهم من معلومات ،،

دمتم بود ،،

أخووكــم ،، أبو أحمد

اخوي مشكلة التفتفه او التقيطع صدقني لو تكتب ماتكتب بنجلس من اليوم الين بكرا وحنا نقولك

بالاسباب لان ترا فيه اسباب تكون ظااهره وبسيطه وتافه وفيه اسباب كبيره وصعبه

يعني يالغالي مادام انك بحكم غيرت البواجي وصفاية البنزين و الكويلات

حاول تشيك على البخاخات وعلى حساسات الهواااء لانها ظااهره وعندك اهم شئ يالغالي

حساس الكام وحساس الكرنك لان يمكن عندك تفويت في الكهرب الي رايحه للكويلات

وبعدها راح تلاقي نفسك في مواجهه صعبه يالغالي في الاسباب الثاانيه الكبيره

يعني مثلا لا قدر الله تهريب في الثلاجه او ان السيااره فيها ضعف في الشنابر وجلد البلوف يعني

يطلع زيت على البواجي وتصير البواجي ماتحرك صح والله يالغااالي حاول انك تشيك على الظاهر

مثل حساسات بخاخات وطقتها ...

أخوكـ