أخوي أول شيء روح شوف الفيديو بعدين تعال احكم
عاد على سرعة 40 تنسيم هواء ماصارت!!
بعدين هالمشكلة موجود في أغلب سيارات الكرنفال تظهر بعد كل شهرين وتستوجب تغيير الجلد
طيب سؤال
هل الجلد متقطعه عندك
هل غيرتها
أنا ايش استفيد يوم ما أتصيد أخطائها
المشكلة إنكم انتوا اللي تكابرون على الخراباتها
عسول خربت عليه العكوس
المحتار ضرب عليه القير
فيكتور خرب عليه الكرسي الكهربائي
الليدات دايما تحترق وتشوه منظر الخلفية
موضوعك عن سوء ديكورات الأزيرا
وتقولي الأزيرا تكرف
كيا عندنا في ينبع كان ماشي سوقها بحكم انه عندنا فرع للحاج حسين وايام ماكان ماسك كيا الشعب هنا طاحوا فيها لرخص سعرها لكن كل اللي اعرفهم سياراتهم تشكي
والفان والريو اللي كانت مع أبوي تأكد على فشل الكيا
طبعا ماعندنا هيونداي ولا يعترفوا فيها اصلا حتى مايفرقوا بينها وبين هوندا
والكيا لو فيها خير ماكان اتقاذفتها الوكالات
ياعزيزي يا الزين انت لو تلاحظ وتراجع ردودك جالس ترقع لمشاكل الاوريون والمشاكل اللي تحصلها على هيونداي تحطها مشكله ولو انها صغيره
حنا ما نكابر عن المشاكل
انا راجعت لك كل مشكله ذكرتها وعللت لك عليها
وجبت لك مشاكل على الاوريون
يعني ابيك تفهم ان مثل ما انت تقدر تتصيد على الهونداي
انا اقدر اتصيد على تويوتا
هذا توضيح ان مافي سياره ما تواجه مشاكل
هل تدعي ان الاوريون ماتواجه مشاكل
الكلام كله على نوع المشكله , طريقة حلها , وقت ظهورها هل هو معقول او لا , هل سوء الاستخدام له تأثير ولا لا
ياخي يمديني وبكل سهوله اني استأجر كامري و اصدم رصيف على سرعة 100 واكسر لك اذرعتها وعكوسها ومقصاتها وكل ما يخطر على بالك حتى لو هي ماشيه الف كيلو بس
عسول ارجع واذكر لك للمره الثالثه ان مشكلته ما طلعت الا من بعد الوكاله والله اعلم وش سوو فيها وللحين مافي شي يؤكد انها العكوس خله يغيرها ويشوف اذا راح الصوت ولا لا
محتار اعيد واكرر نصاب واكبر نصاب
الازيرا اللي ذكر رقم لوحتها ويدعي انها له طلعت لولد جيرانهم والرجال ماباعها ولا يفكر يبيعها
ياخي انسان يحسب بوري الازيرا نفس الكامري ( طيط ) بالله هذا واحد عنده ازيرا
غير شغالات ثانيه توضح انه مايعرف عن الازيرا شي
انا اشك وبقوه انه من احد الاعضاء بالمنتدى ولكن سجل بعضوية جديده وسوى التمثيليه هذي عشان يحجنا بعدين
سيارة فيكتور وخراب الكرسي هذا شي ماله داعي بنظري وبدري عليه
اما الليدات سيارة فيكتور موديلها 2006 وحنا الحين بنص 2008 عادي تخرب لمبه وش المشكله
يعني تبي تمشي 5 سنوات بدون ما تطفي عندك لمبه
والمشكله ماهي شائعه مثل ماتقول هذي طلعت مع فيكتور بس
ولا طلعت مع اي واحد بالمنتدى
ولا عمري شفت ازيرا لمباتها محترقه
تقدر تقول مشكله فرديه
بالنسبه لموضوعي انا عن الديكور
كان الدرج هو المزعجني وغيروه الوكاله على الضمان والحين كل شي تمام
واللي يشوفك الحين يقول الاوريون ما شاءالله مافيها اي صوت بالديكور
ياخي مافي احد ما اشتكى من صوت ديكور الاوريون
طفشت وانا اقرا مواضيع اصوات ديكور بتويوتا العرب
على عكسي انا في المنتدى الوحيد اللي اشتكى من صوت ديكور بالازيرا
موضوع عاشق السوسو
المشكلة انت عندك كل شيء بسيط
السيارة احتاجت برمجة وتقولي بسيط
هيا فين تلقى اللي يصلحها صح
لا تقولي الهندي اللي في الوكالة
انا ياعزيزي اتفهم المشكله اولاً ويكفي بساطة حلها ولا احتاجت اي شي ميكانيكي ولا انفك فيها شي
اما انت العكس
تغض النظر عن الياباني
اما الكوري تفتح عيونك 2 سم
موضوع التيركان الماكينة تحتاج توضيب لا يكون كمان شيء بسيط عندك
ماقلت شي بسيط
ذكرت لك نقطتين بس
1- ان مكينته يابانية الصنع
2- سياره مستخدمه لها خمس سنوات
هل انت تشوفها مشكله وخلت الكوري يطيح من عينك
بتقنعني ان الياباني ما يتوضب
بتقنعني لو افر الصناعيه الحين ما راح احصل تويوتا موديل 2003 وفوق قاعده تتوضب مكينتها
ماني قايل لك تفتح عيونك على هيونداي بس
موضوع وصق هو اللي أنا تكلمت عليه وتصلحت سيارة على الضمان وتحديتك تجيب موضوع غيره هو الوحيد اللي صارت معاه هالمشكلة
ههههه
طيب انا اتحداك تجيب لي موضوع عن قير الازيرا غير محتار لو افترضنا انه صادق ولا تنسى ان
المشكله حساس قير
اما الاوريون توضب القير وهي من تويوتا وموديل 2007
بالله عليك لو تحصل على الازيرا زي كذا وش بتسوي فينا
والله ان تذلنا عليها سنه
بس لعيون الاوريون تهون
ياراجل فر القسم كله صفحة صفحة وأتحداك تطلع مشكلة وحدة ميكانيكية هي كلها مشكلتين في الديكور وبس
بعدين الأوريون لها منتدى خاص أكيد بيذكر فيه كل كبيرة وصغيرة عكس الأزيرا إللي في منتدى يلم الكوري كله وتلاقي مواضيع خرابات لها
مايحتاج افر ولا غيره انت ادرى مني بالاوريون وفي كل صفحه بحصل اقل شي مشكلتين , بس اذا كنت ملزم بفر لك قسم الاوريون كله وبذكر لك اللي بحصله في رد منفصل
بالنسبه للقسم الكوري فهو يجمع كل سيارات هيونداي فـ هذي غنيمه كبيره للي يبي البحث السلبي
فكل اللي معهم ازيرا يعتبر القسم الكوري مختص بسيارته والقياس نفسه على السيارات الثانيه
بعدين قارن بين أصحاب الأوريون وأصحاب الأزيرا
شوف ايش كانت سياراتهم قبل الأوريون
http://www.toyota4arab.com/forum/t28075.html
عالم ماترحم
والسيارة ماشية زي الورد
والله انك ضحكتني يالزين ولا اقصد الاساءه
وش دخل السيارات السابقه في اللي يكرف واللي مايكرف
يعني اللي عنده تويوتا يكرف واللي عنده هيونداي مايكرف :D
في الاوريون تحصل اللي مايرحم وتحصل اللي محافظ والازيرا تحصل اللي مايرحم وتحصل اللي محافظ
من ناحية قديم الهيونداي إذا انكرت إنه زبالة (وانتم بكرامة) فقولي من بدري عشان أنهي النقاش (طبعا أقصد موديلات تحت 2000
وكيا حكمت عليها عن تجربة
ما افتي لك بهيونداي سابقاً
تجربتي بدت من عام 2002
اما عن كيا فـ ناقشنا تجربتك سابقاً والمهتم راح يحكم
بالنسبة للموضوع الأول الكل يعرف إن الفرامل قطع استهلاكية وماتقدر تحكم على جودة سيارة من قطع استهلاكية
قطع استهلاكيه انا معك
بس ماتلاحظ ان بدري عليها
20 الف بس وسياره من شركه مشهود لها وهذي اخرتها
انا سيارتي ماشيه 34 الف والفحص الاخير يقولون الفرامل باقيه بأحسن حال والبريكات عندي ماضعفت
تصدق حتى اللكزس الوكاله يغيرون بريكاتها كل عشرين الف
بصراحه هذي نقطه تحسب في صالح الازيرا والهيونداي عموماً
الموضوع الثاني الأخ من العراق وياليت تشوف توقيعه عشان تعرف سبب عزوفه من أصوات الديكور
اذا تقصد ان عندهم برد قارس ترى عندنا حر لاهب مايرحم
والبرد بصراحه اهون على السياره من الحر
الموضوع الثالث طقة السلف هذا لما تكون السيارة باردة وماتشغلت من زمان وأحيانا مو دايما تسمع صوت (طق!) وخفيف مرة أول ماتشغل السيارة وهذا ما يعتبر خراب
طقة القير لما توقف السيارة على مرتفع وتحط على P قبل لا تدوس على البريك وتطفي السيارة
لما تجي تشغل السيارة القير يأخذ مكانه ويطلع صوت زي الطقة حتى من دون ماتلمسه
لكن لو توقف السيارة على البريك ما يطلع الصوت أبدا
هذا انا اعتبره عيب مو مشكله
انا عندي لا السلف يطق ولا القير يطق حتى لو الحراره الخارجيه صفر
الموضوع الرابع يحتاج تنظيف فلتر الهواء وأنا ملاحظ إن فلتر الكامري والأوريون يتسخ بسرعة
وأظن لك موضوع بهذا الشأن
انت عندك أثر على العزم والمكيف
فكرت انه يهمك لأنك من الناس اللي يدققون كثير
فرق مين ياعم!
يعني سيارات 6 سلندر زي بعضها
طيب شوف GTR ا 6سلندر بس تعطي 480 حصان
http://www.assayyarat.com/forums/sho...d.php?t=130976
الأبيكا كمان 6 سلندر وتعطي 145حصان بس !!!! شوف الفرق
وأتوقع الكامري وهي 4سلندر بتعطيك أحسن من الأبيكا
ماشفت مقارنة التسارع اللي ذكرتها بين الالتيما والازيرا عشان تعرف الفرق
بعدين الله يهديك ليش جايب سياره رياضيه وعليها توين تيربو :D
وجهة نظرك وانت حر فيها
مافرقت معي المسمى فل أوبشن ولا سياحي
أبيع الجودة والقوة عشان مراية تتصفط وجلد وكلام فاضي!!
اي كلام فاضي الله يرضى عليك ولا عشان معك تورينق
فرق مواصفات كبير
لاتعليق بس
حتى التورينج تتفوق على الأزيرا بكم حاجة
أما الجراندي خليها بعيد
نظام البصمة والتشغيل الذكي هذا لوحده مسكت
وش المواصفات اللي بالتورينق ومو بالازيرا ( لا تقول لي مكينه وقير نتكلم عن المواصفات )
واذا القراندي في ميزة الدخول الذكي وهذي ميزه وحده بس
الازيرا تتفوق عليها بعدة مزايا
ولو بغيت رجة أركب أحلى ساوند سستم
هههههههههههههه
يعني نقول للشركات مانحتاج سستم
نركبه حنا بمحلات الزينه
توفر كاسيت بالازيرا والاوريون لا
بطلوه زمان :D
الازيرا مابطلته ولا الالتيما بطلوه
لعلمك الازيرا نص فل تجي سيدي بدون كاسيت اما الفل تجي سيدي وكاسيت وش معناته هذا
عموماً عن نفسي ماحتجت الكاسيت الى الحين ولا اظن اني بحتاجه
الازيرا قزازة الراكب تفتح وتقفل بضطة زر اما الاوريون السائق بس
ياخي السواق مشغول بالسواقة ومحتاج هالخاصية لكن الراكب وش عنده مايعلق على الزر :D
لا تزال تحسب لصالح الازيرا
انا تفديني هالميزه
ولو مالها داعي كان ماشفت السيارات الفخمه كل قزازها اوتو
يمكن بالنسبه لك ماله داعي
الازيرا بها قزاز عازل اما الاوريون لا
ما أقولك موجود في الفان وزي قلته
بالنسبه لي ملاحظ الفرق بالازيرا
ولاتفكر بوجود قزاز عازل انك توقفها بالشمس وتجي تحصلها بارده
وله ميزه هالقزاز بعد انه يعزل الاشعه الفوق البنفسجيه وتحت الحمراء اكثر من القزاز العادي
عموماً لا يختلف اثنان على انها ميزه تحسب لصالح الازيرا
الازيرا ستارتها ترتفع اتوماتيكي اما الاوريون لازم انت كل شوي ترفعها
يعني مافيك تضغط الزر
لا بالعكس فيني اضغط
بس بيكون اريح لي اني ما اضغط كل شوي
هذي ميزة المواصفات تقدر تسويها بس خلوها لك بطريقه اسهل واريح اعطيك امثله
كراسي يدويه اقدر اعدلها بس بالاوتو اريح لي
دركسون كهربائي اقدر اعدله بس بالاوتو اريح
مرايات كهربائيه اقدر اعدلها واصفطه بس بالاوتو اريح
.
.
وقيس على الباقي
الازيرا فيها ايرباقات اكثر حتى من القراندي
كلهم 8إيرباقات
الاوريون التورينق ايرباقين والقراندي 6 ايرباقات
جلد
غيرك مايحبه وبعدين تقدر تفصل جلد على كيف باللون والشكل اللي يعجبك
لاتعليق :D
الازيرا فيها نظام تنقية الهواء ولايوجد بالاوريون
وفلتر الهواء وش يسوي
فلتر الهواء اذا كنت فاتح الهوايه احتمال يدخل لك روائح او هواء ملوث
اما الازيرا لا حتى لو كنت فاتح الهوايه
هذا الفرق
مراية تتعتم اوتو
أظن الستارة تكفي
:D
المرايات تنسفط وتنزل اذا رجعت للخلف << تلقاها باللكزس
وتلقاها في الكورولا:D
كانت عندي في المازدا ولا عمري استخدمتها
اما الكورولا تنزل اذا رجعت ريوس << افلقني
ولازلت انت جالس ترقع لمواصفات الاوريون ( موجوده بالكورولا , يمديك تركب بالزينه , ارفع الستاره )
على كذا ليش تخليني اذكرلك المواصفات
ترى محلات الزينه صارت تسوي كل شي ( زينون ليدات الخ )
الدرج الاوسط داخله اضاءه ليد << ماتحصلها باللكزس
من جد مالها داعي
لها داعي ونص
الدرج منور وكل شي باين فيه
مو اولع نور السقف عشان اشوف اللي فيه
عدادات اوبتترون التورينق مافيها
من قال مافيها؟!
الجراندي تفرق عن التورينق بالعدادات والتورينق عدادت عاديه وتشبه تصميم الكامري
شوف عدادت القراندي عشان تعرف الفرق
توفر نظام ثبات بالازيرا وهذا اشوف انه صار شي مهم هالايام ياخي حتى السوناتا فيها
أي نظام؟
ESP وزره موجود
وأنا لو بكذب ماكان أخذت الأوريون تورينج في وجود الأزيرا
اعطيك راسي تفلقه اذا فكرت بالازيرا اصلاً
انت اللي مستحيل تفكر بالهيونداي
لما تسوي صيانة الأربعين ياليت تبلغنا كم سويتها
بعدين في الأربعين ينفظ لك أبو السيارة كلها
لك مني وعد وارفق لك الفاتوره بعد
