ايهم افضل الطبلون الالكتروني او العادي ؟

اخي الحبيب القير مايختلف سواء في السياره الي عدادها عادي او عدادها الكتروني وبامكانك التاكد من الوكاله وانا اقول هذا الكلام من واقع تجربه وليس مجرد كلام اما الي قيرها ارضي بصراحه ماعندي فكره هل يختلف عن القير العلاقي او لا لكن ممكن يفيدنا الاخ فيصل بن محمد كونه مخضرم في هذا الامر

اخي العزيز انا مجرب 3 سيارات فورد كلها عداد الكتروني ولا صادفت اي مشكله في اي واحد منها واغلب الناس الي يقولون انه يوجد به مشاكل صدقني مايعرفون من الالكتروني الا اسمه يعني ماواحد منه جرب واغلبهم ماشين على كلام الشريطيه الشريطي اذا عنده فورد عداداته عادي قال خذ العادي احسن لك الالكتروني يخرب بسرعه
اعيد واقولك الالاكتروني افضل 1000.000 مره واسئل مجرب ولاتسال طبيب

القير يختلف من الإلكتروني للعادي
وأسأل اصحاب الورش وشوف

من قال لك ان القير يفرق ، القير هو نفسه في العداد الالكتروني والعداد الابرة.

وكمان الارضي هو نفسه العلاق ، مجرد ان الارضي يعطي شكل رياضي.

كفيت ووفيت.

بس انتبه لنظافه السياره قبل اهم من المواصفات الداخليه
وهالشي لاحظته بالصالات اللي مايخافون الله لاصار عندهم فورد مقربع غيرو مواصفاته عشان يمشي سوقه كاضافه مراتب الجلد + المكيف الالكتروني + العداد الالكتروني عشان ينباع فورا ومايدقق الزبون ع النظافه الخارجيه

انا عن نفسي افضل الالكتروني

القير ؟
غريبه !!
وش دخل القير ولا المكينه اخوي يمكن تفيدنا لو تكرمت :c0214:
اعتقد معلوماتك خاظئه رغم معرفتي المتواضعه اللي اعرفه اللي يختلف الظفيره بس القير ماعتقد والله اعلم
و انت ادرى ياخوي والف شكر لك بس ياليت تفييدنا

القير يختلف الاكتروني عن العادي اي في حالة العطل احتمال ما تحصل قير مثلة ...

انا بعد عداد سيارتي الكتروني ولا مره شكيت منه ابد
فيه مواصفات ومزايا رائعه مو موجوده بالعادي مثل ماذكر اخونا فيصل

ماجربته
جربت فوردين بصراحه وكلهم طبلون عادي سياحي
والالكتروني رزه وحلو شكله وممواصفاته احلى بعد بس ماقدر افتيك عنه
وعني لو حصلي اخذه بدون تردد الصراحه احلى بكثير من الطبلون العادي المغفل هع

الاكتروني راااااااااااااااااااااائع انا كنت متخوف منه بالبدايه لاكن بصراحه لما شريته عجبني ولا لاحظت اي مشاااااكل فيييييييييييه وحتى يعطي فخامه للسياره انصحك بالاكتروني

الله يعطيكم العافيه اخواني على التوضيح
الف شكر لكم

أولا : اسال الله أن ييسر أمورك و يوفقك و يرزقك بسيارة نظيفة
ثانيا : بالنسبة للشراء وجهة نظري تشتري كاش بحيث إنك تاخذ قرض من بنك البلاد او الراجحي أو الجزيرة -يقولون اسلامي والنسبة 3.5%- وتتأكد من أنه قرض موافق للشريعة و يعطونك المبلغ كاش وتدفعه للصالة
ثالثا: بالنسبة لي أشوف الإلكتروني أفضل من العادي بمراحل من ناحية الشكل الجمالي ومن النواحي الأخرى اللي شرحها أخونا فيصل .

وفقك الله

الاكتروني افضل لتجارب وصلت لثمان سنوات مع الفورد ومشاكله قليله

افضل في اعطاء المعلومات وفي الشكل اجمل

بالنسبة للمشاكل فلم اصادف اي مشكله مع الطبلون الاكتروني مع جميع سياراتي الفورد

ماعدا واحد كانت الحرارة ترتفع بسرعه وتنزل لوضعها الطبيعي احيانا وتصدر صوت جرس

ارتفاع الحراره وقالو لي الكهربائيين بانه حساس في المكينه ولكني لم اغيره وتهاونت وبعت

السياره وهي بهذه الحاله علما بانه احيانا يصدر صوت الجرس وليس له تاثير


وانصحك بالاكتروني فهو يوجد به مميزات كثيره / كم يتبقى من البنزين / عداد رحلات عدد 2

/ في حالة فتح الشنطه يصدر صوت وكتابه على الطبلون / ماء المساحات اذا نقص يصدر صوت

انذار مع الكتابه على الطبلون / معدل صرفية البنزين / يصدر صوت انذار اذا تبقي من البنزين

80 كيلو واذا وصل 60 و 40 و 20 ويصفر والبنزين يمشيك كذلك / يصدر صوت انذار في حالة

ارتفاع الحراره عن النصف / يصدر صوت انذار في حالة فتح الابواب او نسيانها مفتوحه

مع الكتابه على الطبلون ويوجد ميزات اخرى ولكني لست اتذكرها حاليا


والله الموفق

شف أخوي اذا انك يتاخذ فل كامل انصحك بالالكتروني عشان تكمل المواصفات اما بالنسبة من الافضل فانا اقول ان كلهم واحد واخوي عند([COLOR=navy] ماركيز 2000اكتروني) وما عمره اشتكى منه... .[/COLOR]

تحــــــــــــــياتي،.....

الشركة الوطنية نصابين نسبتهم 12%

لكن بشتري كاش تتدبر ان شاء الله ارحم من الاقساط .

هاه ياشباب وشرايكم الكتروني او عادي ؟

الف شكر لك على الرد اخوي وي ر فورد 2006