شوارع مدينة الرياض :: قمم ومرتفعات وحفر :: تقرير مصور ::

هاذا غير المطبات العشوائيه والارصفه المتنثره (متكسره)
...
حل بسيط مره ورخيص
يستعينون بطريقه سفلته الطرق البريطانيه او الالمانيه
ويطبقونها عندنا :c015:

يابن الحلال لاتقول كلمة مسؤلين ....... لاتقول لي ليش !!
المسؤل ياطويل العمر تلقى كل الأماكن اللي عنده على أعلى المقاييس في الغالب
زفلته " تشجير " شوارع وسيعه " ...... " الخ .....
وكيف تقول لي المسؤليين ....... !!
الله يصلحهم ....

المشكلة الشوارع عندنا ما الها فترة بسيطة على العموم انا شفت الشغل لما يزفلتون
ما فيه اي مراقبة من احد العمال يجوا يخلصوا ويمشوا بس يعني المقاول تلقاه شبعان من الفلوس
اللي اخذها غش في المواد
بس انا استغرب من المسؤلين عندنا او اهل الاختصاص يعني ما يشوفون الحالة اللي عليها الشارع

اي والله انك صادق ..

واللي يرفع الضغط اذا قعدوا يزفتون في الشارع اسبوعين ثمن تقول معليش يبي يطلع شارع كويس نتحمل ..

ما تتهنى فيه اسبوع الا وهم مسكرينه وقارينه من جديد يا كهرباء يا ماء واذا خلصوا ( بعد أشهر ) تشوف الشارع والله حفر لازم تشبك الدبل وانت تمشي فيه :(


حسبنا الله على ذا الشركات اللي ما عندها ذمه ..

وبسبب أحد الحفريات .. وقعت سيارتي في حفرية (صرف صحي) اجلكم الله .. بس اشوا الكفر اللي قدام يسار هو اللي طاح فقط ولله الحمد .. وكسرت عندي الرفرف والجنط تحكك :@

وما طلعها الا رحمة الله .. وعمال المحطه اللي بجنب الحفره رفعواها علشان ارجع فيها :@


بس ما اقول الا .. حسبي الله ونعم الوكيل عليهم

والله ردود ما أدري اضحك من المعلومات او يضيق صدري من اللي صاير لكن ....
نصيحه : دايم خلك مهدي وخاصتاً إذا كنت في شارع ماتعرفه ..... :)
مشكورين على المرور والتعليق الجميل :)

انت تدري ان شارع بيتنا لابغيت تدخله تشبك الدبل وغير كذا مغيرين مساعدات سياراتنا الى مساعدات استرالية:a120(14):

هههههههههههههههه
ترى الحفر الي مصورها يامشعل والله مو شي عند الشرقييييييه
والله العظيم ان الشرقيه ياشيخ مافي شارع الا وذيك الحفره ياشيخ وش اقولك
ولا تلقى الشارع واحد ناقز والثاني نازل صارت ارصفه الشوارع مثل اذا جيت عند لفه قبل ماتلف لازم تمشي وانت فاك البنزين واهم شي تكون ظاغط فرامل اقوى شي لان الشارع الي فيه اللفه مو شارع رصيف والله كانك نازل من رصيف ماكانك ماشي على شارع

مااقول حسبي الله عليهم

مشكووور على التقرير

تحياتي

والله انك صدقت اما بسآلفه اذا شفت شارع لك عليه يارجال رح الروضه بالتحديد الاحيا المحيطه بجمع الامير سلمان انواع الشوارع الي تعدم موتر صدق شارع راقي نازل حفرت عفطه سيارتك مستحيل تجلس اسبوعين ماتقرقع من تحت وتمر الصناعيه :a120(68): قصم اني اكره الروضه بسبت الشوارع ودي انقل العليا
ياخي تحس فيه اتيكيت بشوارع الهاي هاي اشجار وعلوم سنعه :emot26:<يلمح من بعيد
حتى في شارع كانوا مصلحينها جديد الحين رح شف تقول واحد ابو 25 سنه شغله الشاغل مطاقات كل وجهه شلوخ ومشوخ وطعنه سكاكين محفر ومرقع كل رقعه بزفلت غير وانواع المطبآت الجوفيه
:a120(126):بس يارجال ماعندك احد الي يموت يموت والي يعيش يعيش

يالله يمر احد المسؤولين بسيارته ويخرب عليه شيء عشان يصلحونه

لو اننا بامريكا كان شكينا المسؤول وسحبوه ع وجهه :a120(68):
بس عندنا تهرج تصير علوم مهيب كويسه

والله ضحكت يوم شفت الصور ..

والله ذي الحفر امنية سكان حينا بالرياض .

والله هالحفر ولا شي ..

قسم بالله شاااارع عاااااااااااااااااااااام

بنص التقاطع وبنص الاشاره ..


حفرو حفريه وتركوها والله ولا اشارات ولا شي ..

قدام عيني سيارتين طاحو فيها ..


ولا منشاف ولا مندري ..

اكل بهالفلوس ولحد حولك ..

ولو بتشتكي تبي تعويض..


يجيك بعد سنتين .. لا وبنص مبلغ التصليح بعد .. >> هذا ان جاك اصلا .



الله لا وريك اللي نشوفه بحوارينا بشرق الرياض .

والله تقول عايشين بدوله فقيره متخلفه ..


ربي منعم علينا بالتقدم والتطور والميزانيه اللي لو تتوزع على ثلث العالم بدوون مبااالغة تكفيهم ..

هذا غير الفااااااائض ..



لا حول ولا قوة الا بالله ..


والله مواترنا جديده على 207 و2008 كنها 99 ولا 97

مفككه ومهتريه من هالحفر ..


انا امس انفقع علي مساااعد بسب حفريات مترووكه بنص الشارع .. والله بنص الشااارع !!

شارع 3 سوايد .. حافرينه بالنص وتاركينه ..

الله يعني بكره بروح الوكاله وابشوف ..

سيارتي 2007 ومساعد ينفقع !!!!!!!!!!!!1


عجيب والله


لكن الشكوى لله سبحانه .

وهل يخفى القمر
هذي الاشياء تعودنا عليها
واصبحت شي من الواقع للأسف
ما اقول الا الله يصحي البلدية على هذي الطرق :emot70:

الله يعين الناس مو مستفيد إلا الورش وقطع الغيار
السيارة تروح فيها من الجبال اللي عندنا وما فيه رقابة على الشوارع
انا استغرب المسؤلين مايشوفون الشوارع كيف صايره عندنا

هههههههههههههههههههههههه
تعال للشرقيه تشوف العجب العجاب
جميع تضاريس المملكه مجتمعه في مكان واحد اسمه شوارع الشرقيه
طيب اذا كانت الشوارع تعبانه ليش ادفع 200 حقت البلديه اذا شريت سياره :a120(51):
ابصملك بالعشره مافي طريق او شارع بالشرقيه صاحي

^^^^^^^^^

كلها سيم سيم

اشكرك اخوي مشعل وكان تمنيت صور اوسع عن الرياض الحبيبة :wink2:

لكن اشكرك على هل الموضوع

والله تعودنا على طرقنا ..

بالعكس استغرب اذا مشيت بطريق مافيه حفر وطعوس ( قصدي مطبات )

اول كنا نشوف الناس تهدي عند المطبات .. الحين نشوفها تهدي عند الحفر :)

والله يعين

هلابك اخوي الهامور وبصراحه الصور في الطريق
كل ماشفت لك شارع لك عليه راح اصور على طول
وشكرا على التقييم

والله انا اتفق معك في كل شيء

وشوارعنا من برا الله الله ومن جوا يعلم الله

خصوصا سكان جنوب وغرب الرياض

الاحياء اللي تحصل فيها مسؤولين ووزراء او امراء تحصل شوارعها ولا ازين منها :)

لكن رح لاحياء عادية .. الله يعينك على تربيط الموتر

تقل طرق وعرة مهوب معبدة

واكرر شكري لك اخوي مشعل على الموضوع المميز بس ناقصة زيادة صور

ولك أحلى تقييم :eh_s(10):