السلام عليكم
ان شاء الله نساعد بعض في هذا الموضوع وتعم الفائده انا ابدأ بطرح تجربتي :
1-(مرءاه جانبيه) كراون فكتوريا 98-2008 :
وعيوب المرءاه التجاريه هي ان اللون الخارجي لونه غريب وواضح انه تجاري وايضا فيه عيب مزعج جدا وهو ان المرايه تهتز معك وانت تمشي بالخط
2-صواميل العجلات (المسامير):
اذا لاسمح الله انكسر عندك مسمار اوصاموله لكفرات سيارتك لاتفكر ابدا انك تركب مسمار تجاري لانه يخرب السنه حقت المسمار الطويل اللي في الهوب وبعدين يتعلق معاك ماينفك ابدا وتتورط وانت في الخط وبعدين يبغالك تركب مسمار جديد وصاموله جديده ... فاسهل من هذا كله انك تركب صاموله اصليه (لاتزيد عن 20 ريال) وريح باالك
3-علامة الددسن او الهايلوكس التجاريه على الكبوت (التمثال):
العلامه التجاريه هذي تنكسر بسهوله من قاعدتها وممكن تكسر لك الزجاجه الاماميه اذا كنت مسافر واما في البر او الطرق الوعره فتطيح على طول
واخيرا اهم شيء انك لازم تسال عن اسعار قطع الغيار في ثلاث اماكن :
1-الوكاله(اطلب منهم التخفيض ان وجد)
2-محلات قطع الغيار(ويفضل المحلات في الصناعيه القديمه لرخص السعر)
3-التشليح(يفضل الحائر)
وبعد كذا تسوي مقارنه بين اسعار القطع في كل محل وتستخير واحد منها وتشتري
لان فيه كثير من الناس ينغش (وانا صارت معي) كنت ابحث عن صدام خلفي لبيك اب2005 نيسان في محلات التشليح ولقيته ب1000 ريال(مستعمل) ... بعد كذا رحت للوكاله حصلته ب600 ريال :mad: .. بعد كذا لقيته في الصناعيه القديمه (اصلي) ب250 ريال فقط |10|
شكرا
