السلام عليكم ورحمة الله وبركاته
انتشرت في الاواني الاخيره ظاهرة رش الديكورات الداخليه في السيارات
بس كثر الكلام والاقوال
ناس يقول مكلفه وناس يقول السعر غالي وناس خايفه لاتتقشر وناس وناس وناس
المهم انا اريحكم واجبلكم الحل النهائي
هي الشغله بسيطه مررررررررررررره
بس وين اللي يسمع
المهم نبد بمحتويات الرشه او المواد الخاصه بالرش
* النقطه الاولى/
1- علبة اساس 60- 1
2- علبة لكر 105-1
3- منشف 65-47
4- تنر
* النقطة الثانيه وهي الاهم/
س1 / مانوع البويه المستخدمه في الرش؟
ج1 - هنا سر الرشه لازم تكون البويه[ بيس مطفي] انتبهو للكلمه هذا لانه كثير منهم يغلط
خلصنا من المواد صح
دحين نبغا نعرف نوع المواد والبويه
نوع البويه ياشباب اسمها :
DEBEER اصلها هولنديه
دحين عرفتو محتويات البويه وموادها ونوع البويه
س2 كم سعر هذا المواد؟
ج2 - رايح تكلف تقريبا 320 ريال
سعر حلو ومناسب لكل الناس صح ولا لا
س3 نبغا نعرف كيف ارش الديكورات؟
ج1 - الشغله بسيطه بس ركز معايه
اول شي بعد ماتنوي رشد الديكورات وتوكلت على الله تروح تشتري البويه و مواد الرش
ثاني شي تروح اقرب منجد موشرط يكون معروف اي واحد وتخليه يفكفك جميع الديكورات وتتفق معاه
انه بعد الرش تطبق الديكورات زي ماكانت
س4 تقول كم رايح يكون سعر الفك والتركيب؟
ج4- السعر مابين 200 الى 250 هذا اذا كثرت مرررررررره
نرجع الى الموضوع
دحين انتا فكيت جميع الديكورات تروح الى اي واحد يرش بويه في ماشاء الله ورشه كثيره
موشرط يكون معروف ليه مو معروف لان الشغله مهي سمكره او توليف او رش بودي
الشغله رش بلاستيك
س5 كيف يرش الديكورات؟
ج5 - هنا السر عشان ما تتقشر وهذا مشكله يعاني منها كثير من الناس
نتبع الخطوات التاليه/
عشان تتجنب التقشير وتكون الرشه شد بلد:
1- عند احضار الديكورات يلزم تنظيفها بالبانزين
2- بعد تنظيفها بالبانزين تنشفها
3- بعد تنظيفها وتنشيفها ترش اول شي الاساس 60 -1 دحين دخلنا بالمواد خلاص
4- تخلط المواد: * البويه
* المنشف
* التنر
5- بعد خلط المواد تقوم برش الديكورات كامله
6- ترش اللكر 105-1
س6 كم رايح تكلف رش الديكورات عند البويجي؟
ج6 مابين 200 الى300 ريال طبعا انتا اللي تجيب المواد يعني هو بس رش
بعد ما رشيت الديكورات تروح عند المنجد وتركبها
وصلى الله وبارك
كيف ان شاء الله استفدنا
والله ياشباب الغرض من الموضوع ان نعلم الناس ونسهل عليه
لانه في ناس على قد حالها يعني تلقاه يبغا يزين سيارته بس لمن يروح يسئل
يفكوله برنامج وشغله طويله عريضه ليه ياشباب احنا نقدر
عليها بس وين اللي يسمع ويطاوع
وان شاء الله بالتوفيق |3|
