طلعت للهافمون وورطني الدبل !! أفزعوا ياشباب !!

يعطيكم العافية إخواني على هذه المعلومات القيمة .




* أخوي فواز ، ممكن ما عليك امرة تقولي الخطوات لأني عندي تاهو z71 2005 و احيانا اعاني من هذه المشكلة ..


اخوكم ..

وليــــــــــــــــــد

أبشركم صلحت حساس الدبل عند ورشة التقوى اللي بالخضرية وشغلهم تمام التمام ولله الحمد وكلفني 650 ريال شامل القطعه .
أشكر جميع من تواصل مع الموضوع وتحت خدمة الجميع في أي وقت .

ابو عبدالآله يعطيك ربي الف عافية على التعقيب الرائع يالغالي
=============
فواز أشكرك هلى المرور وسوف أعلمكم بالتفاصيل عند تصليح الدبل
مشكووووووووووووووووررررررررررررين

اخوي abosami840 المشكلة هذي قديمه وسببها ضعف اللحيم في مفاتيح الدبل وحلها جدا بسيط ... اشتر جهاز لحيم بو 10 ريال واعد تلحيم جميع الأجزاء بشكل جيد بظهر البورد واعد تلحيم وصلات اللمبات الصغار وتنتهي المشكلة ... أنا عندي أفالانش 2004 أول ما شريته مباشرة فكيت الطبلون وجددت تلحيم أزرار الدبل وهذي المشكلة في جميع سيارات جي أم من يوكن وتاهو وأفالانش والوانيتات عموما من موديل 2003 إلى 2006 .... بس انتبه لازم تفصل بطارية السيارة قبل لا تسوي شي .

:)

[/url][/img]

كذالك احببت اضافة صورة الفرار او الحساس الذي اشارله اخي ماجلان في رده وهذا الحساس لا يحتاج الى جهد بل هو سهل التركيب يوجدبه سنة للربط ماعليك سوى تجيب مفتاح مفتوح كبير 37 مثلاً وتخلع سلك الكهرب من خلف البلف وتقوم بفكه (و مكان هذا الحساس بالدفرنش الامامي )
تمنياتي كم بالتوفيق ..

[/url][/img]

السلام عليكم ورحمة الله وبركاته وبعد
احببت ان لا تقف مشاركتي عند طرح المشكله بل يجب وضع الحلول والنتائج التي تم التوصل لها في الموضوع . اقول وبالله التوفيق تم اكتشاف العطل من مفاتيح الدبل الموضحه بالصور المرفقه والسبب في حدوث مثل تلك المشاكل هو وجود لمبات أضاءة مجموعة الدبل فهناك لمبتين تعمل بستمرار مع عمل السيارة والثالثه لمبة وضعية التعشيق للدبل وهذه الامبات تتسبب مع كثرة الاستخدام وبخاصة اثناء السفر والمسافات الطويله تذويب او تليين القطعه البلاستيكية الفاصله بين اللوحة الاكترونية والمفاتيح مما يجعلها مرتخية وموصلة للكهرباء بصفه مستمره وبهذا تحدث مشكلة تعشيق الدبل بصفه تلقائية ( امل ايجاد حل للمشكله ولكم جزيل الشكر ) لان هذه المشكله ستتكرر والحل الوحيد هو خفض انارة الطابلون عند كل مشوار وبخاصه المشاوير الطويله مثل السفر
[/url][/img]

يارجال كلها أبوجلمبو ويفك الفرار أو الحساس:D
وبالأخير 400 ريال..

أنا معي تريل بليزر وديتها للجابري يصلحون فيها مشكله قال لي بـ650 ريال والشغلة معقدة وتحتاج برمجة ...تصدق صلحتها عندي بالمخيم وبـ15 ريال وأنا أتقهوى شاهي بعد:D

اخوي ماجلان بيض الله وجهك كفيت ووفيت وصادق والله اني ترارك الوكاله علشان نصبهم وان جاهم بيغيرون كل شي يتعلق بتعشيق الدبل من مفاتيح التعشيق بالطابلون وحتى الحساسات .
التمنالك التوفيق

اذهب به إلى الوكالة.

أبو سامي عليك بحوش عبدالرحمن الجميح اللي على شارع الإمام الشافعي (اللي فيه مستشفى اليمامة) صح إن شكل الحوش من الخارج ما يأهل.. لكن تراهم فنانين
وأنا أقصد بالحوش (يعني داير مادار بلك وباب حديد وداخليه أرض فيها سيارات وفحص كمبيوتر)

والله يكثر خيرك ،وماتقصّر ..وموترك حلالك
لكن كان معي واحد ويشوف ردي عليك وقعد يضحك يقول بس ناولني مفاتيح موتره وأوريك وش أسوي به
الرجال خويي ذا يراقي مراقاة بالريوس على اليوكن حقه لين يفجر مكينته طبعا هو متخصص يوكنات كان معه 2007 ثم 2000 والحين 2003 ومايعرف يرحم الموتر ، الله يهديه
كم مرة طلعت معه للثمامة ويبهذلني على الرغم إنه أبو عيال وكبير لكن ما له إلا راسه ويراقي مع الهايلوكسات والجيوب الربع

ماجلان أشهد بالله إنك ماقصرت ويعطيك ربي العافية
واليوكن وصاحب اليوكن تحت أمرك
==========
بس ماجلان حوش الجميح اللي حول خريص هذا هو ورشة أو لا ؟
ووش رأيك بورشة التقوى اللي بالصناعية القديمة ؟

المشكلة أخوي من هذا الفرار أو على مايقولون حساس الدبل مصنوع من مواد بلاستيكية رديئةوهو اللي يقوم بتعشيق التروس داخل الكارونة بالدفرنس الأمامي لنسب التعشيق الخفيف والثقيل ..
طبعا وش يصير إنه يلّت أو يلّك أو يجيّم ولاعاد يعشق ...
طبعا سمعت إن وكالة الجميح يصلحه بـ600 ريال بقطعة مرهمة ومضمونه
وفيه عندك بالرياض الصناعية القديمة (صناعية الخرج) مخرج 17 ورشة تشالنجر تصلحه..
وفي عندك ورشة لايُعلى عليها وهي مركز عبدالرحمن الجميح (قريبه من تشالنجر عنها شرق)
وفي عندك مركز الجابري (شمال مركز عبدالرحمن الجميح بـ200 متر)
وفي عندك بعد حوش عبدالرحمن الجميح و100% يصلحه في شرق الرياض ،وأنت جاي مع طريق خريص متجه شرق يجيك مفرق الإمام الشافعي رح معه جنوب ، 2 شارع يمين أدخل لين يجيك حرف T وبعدها يمين ، الحوش اللي على اليمين هو حوشه
وفيه بعد ورشة مشعل على طريق الإمام سعود بن عبدالعزيز (مخرج 9) هذا مختص بالأمريكي فقط ..
وفيه ورشة البيان بحي الملك فهد مقابل مطعم النماص متخصص بالأمريكي...

ما أدري وش أخلي وش أبقي ، لكن كلهن يتفقن على مصط $$$

وإذا تبي ترتاح مرة مرة حوله إلى دبل عادي وخل التعشيق يكون من داخل الغمارة على شكل عصا ، لكن ما أدري هنا بالسعودية يسوونها وإلا لا ، لأنها مهيب مُكلفة
بس يمكن العليان أو السليماني يضبطونها

|1|
موافق أتقهوى بس بشرط
إن يكون عند الهافمون وموبس كذا أبطاعس باليوكن حقك
بس أهم شيء ماتقول لي لا ..
خلني أطلع قلبك شوي وأوريك الفنيات ،أخليه يطلع طعس الموت
ما أدري على خبري الطعس فيه قبل 5 سنين وإلا تم القضاء عليه :(

اشكركم على الردود وانا فصلت اسلاك بلف التعشيق الموجود على الدفرنش الامامي لكوني بعيد عن الورش واقرب مدينة لي مدينة الرياض وتارك الوضع حتى نهاية الاسبوع. من يعرف ورش ممتازة بالرياض يعطيني خبر الوكاله بتطول الشغله وبتعطلني

ماجلان
المشكلة تخصني وانا صاحب الموضوعين بنفس النك نيم وأبحث عن حل وإذا زودت أو نقصت فالعتب على الكيبورد وأخوك ضعيف بالرياضيات
بس تراني مانقلت حرفيا ياماجلان والورشة ماتغيرت , وإنت ملاحقني من منتدى لمنتدى ياخوي تقهو معي بعد المغرب اليوم الله يحييك
تراني مستنانس بقفشاتك الحلوة ومتابعتك الرائعة
أشكر لك مرورك ولعل الشباب يفيدوننا حول هذا الموضوع

أخوي انقل صح:D


يعني المجموع 600 ريال بس|10|

اخوي العزيز أبو عبدالإله يمدحون الشباب ورشة شالنجر التقوى بالخضرية وواحد من الشباب صارت له نفس المشكلة وصلحها عندهم ب 800 ريال مع القطع لعل الشباب أعضاء المنتدى الكرام هنا يفيدونا بتجاربهم وهانحن ننتظر ....................