قناة السيارات
صبحكم الله بالخير يالربع
شلونكم طيبين
يوم الاربعاء ماشي في امان الله ونزلت تعشيت ويوم رجعت واشغل موتري
الا وانوار المكيف نصها انحرقت من عند الماكس\ اي سي والازارير الا جنبها
المهم مالكم بالطويله ماخليت ولا كهربائي الا ويقول ماعندي نفس الانوار طبعا فكيت المكيف وطلعت انواره
ؤحت لنفس الشركه قالوا لي لابد انك تشتري مكيف جديد وطبعا كم سعره 2750
قلت تخيل ادفع هالمبلغ عشان لمبتين
لاهنتم يالربع الا عنده خبره او حصلت له هالمشكله يقول لي الحل
ولكم مني جزيل الشكر
دمتم بخير
هلاااابك اخوي
نفس المشكله عندي فجه طفت انوار ازارير المكيف واللي تجي على D*N*R رحت لكم كهربائي وقلت له عللا السالفه وقال لي الشغله بسيطه وما تكلفك شي حدود90 ريال جيب لي اللمبات واركبها لك المهم قلت خلاص انا رايح اجيب اللمبات وراجعلك وقبل مااروح قعد يناظر بالطبلون الا وشوي قال لي مااقدر اصلحها قلت له ليه قال اللي عندك الكتروني وصعب انه اصلحه لا اللمبه وخاصه حقت القير تجيك شريحه ما تلقاها مشيت من عنده وتعديت من عند محلات كهربائيه وقلت خلني اوقف واشوف وفعلا لقيت واحد يصلحها لي بس قال لي جيب لمبات حقت المكيف اما حقت القير قال انا عندي شرايح حقت الطبلون اركبها واتفقت معاه على الفك والتركيب 120 ريال
يعني ماعليك الشغله بسيطه ان شاء الله بروح له بعد كم يوم واقولك وش صار معاي
لانه اكثرهم ما عنده اي اشكال بلمبات المكيف الصعب لمبه القير لانها شريحه وهالشي للطبلون الالكتروني
تقبل مروري
انا نفس المشكله ومزعجتني لئي انا اكره شي عندي اذا شغله طافيه في السياره بذات لمبات المكيف انا احيانن يشتغلون واحيانن يطفون تقول جني
الي عنده حل يقول لنا جزاه الله خير وكم سعر اللمبات وشغل اليد ووين يحصل اللمبات
بالنسبه للمبات المكيف الله يعينك لازم لها تلفيق لو تحصل لمبات من محل بيع قطع غيار الألكترونيات 12فولت او اذا عندك فيديو قديم قديم قديم تشلح منه اللمبات وتفك اللمبات القديمه المحروقه من القاعده البلاستيك حقتها وتركب بدالها اللمبه الجديده وهذا اللي انا سويته في سيارتي
حاول تظرب المكيف من الاسفل من ناحيةحامل الاكواب راح تشتغل معاك(مؤقت)
المشكله انهن مو محروقات احيانن يشتغلو عاد بليل ما ودك تطالع في المكيف ولمباته طافيه طيب هل هو اللتماس يوم احيانن يشتغلو واحيانن يطفو
عندي نفس المشكلة أنحرقت أخر زرين من اليمن وتركتها مثل ماهي
وبعد كم أسبوع أكلتلي مطب قوي من قوته طرت أنا وسيارتي في السماء زي الأفلام الأمريكيهبعدها أشتغلت تمام ومشت شهر وطفت مرة ثانية
لين طحت في حفرة محترمة وضرب راسي في السقف من عمقهابعدها اشتغلت ولها الحين شهر شغالة تمام الله يستر لاأكل مطب ثاني وتطفي
المشاركة الأصلية كتبت بواسطة ham2002
عندي نفس المشكلة أنحرقت أخر زرين من اليمن وتركتها مثل ماهي
وبعد كم أسبوع أكلتلي مطب قوي من قوته طرت أنا وسيارتي في السماء زي الأفلام الأمريكيه
لين طحت في حفرة محترمة وضرب راسي في السقف من عمقها
معذره ان كان الرد من خلال رد العضو المشارك وهو ماقد يساعد في حل الموضوع الاصلي
وهو ان الموضوع لايخرج عن تزحزح مكان اللمبات يعني متحركه من مكانه او وصلات الاسلاك وان كانت الكترونية في الاخر لها اسلاك موصله وظفيرة لابد انها غير ثابته
وتحتاج تثبيت و تربيط
والله اعلم
رد مع اقتباس