أفضل شي عجبك في الأزيرا وأكثر شي ضايقك

[game4ever]

السلام عليكم ورحمة الله وبركاته

طبعا ما يخفى علينا انو الأزيرا ما شاء الله من السيارات اللي ظهرت مؤخرا وهي تعتبر من ابداعات شركة هيونداي .... وطبعا هي سيارة متعددة الاستخدامات .. وكل شخص يستخدم الأزيرا حسب المتطلب اللي يحتاجو ...... مثلا في ناس يستخدموها عشان خطوط .. وفي ناس يستخدموها عشان مشاوير وروحات .. ناس عشان الجامعة .. ناس يشتروها ويعطوها للسواق .. الخ

وأنا عن نفسي .. أشتريتها عشان فيها طابع فخامة ودلع .. وانا اروح بيها الجامعة .. ..وانا اشوف انو مواصفاتها في الفخامة الداخلية تفوق كافة مواصفات السيارات الثانية اللي في سعرها تقريبا .. يعني يمكن اقرب شي في المواصفات لها هي الأوريون لأنو الأوريون فيها حاجات ماهي في الأزيرا زي منظف اللمبات والحساسات الأمامية والعكس .. الأزيرا فيها شاشة معلومات باللغة العربية وكاميرا خلفية .. يعني شي يغطي على شي ... طبعا انا اتكلم عن السعر وليس الفئة ...

وانا طرحت الموضوع دا عشان أعرف رأي كل واحد من الأعضاء ..
كالتالي ..

اولا : نوع الأزيرا اللي عندك .. فل .. نص فل .. ولا ايش ..
ثانيا : اغلب استخدامك للسيارة .. خطوط .. ولا جامعة أو عمل .. ولامشاوير شخصية .. ولا للسواق .. الخ
ثالثا : أكثر ميزة عجبتك في الأزيرا .. سواء كنت راكب او سائق ..
رابعا : أكثر عيب ضايقك في استخدامها كمواصفات .. يعني لحد يقلي عيوب مصنعية زي الأصوات قصدي النواقص اللي تفتقدها لما تسوق السيارة او لما تركبها ..


أبدأ بنفسي أولا

نوع الأزيرا .. فل 3.8 موديل 2008

أغلب الاستخدام .. تقريبا غالب استخدامي في الجامعة والخرجات مع الأصحاب .. مالي في الخطوط ولا المشاوير الخاصة بالأهل

أكثر ميزة عجبتني .. هي الشاشة بكل ما فيها .. خصوصا التلفزيون .. لأني فاصل حساس الحركة في الشاشة .. ولما يركب معايا أي أحد يقدر يتفرج على التلفزيون ويقدر يتفرج أفلام يعني كم مرة يركب معايا الوالد وأشغلو القناة الأولى ويتفرج.. وسهل لما أحد من خوياني يركب معايا يغير الفولدرات في ملفات الام بي ثري .. ويختار الأغنية المرغوبة .... خصوصا انو المعلومات كلها بالعربي

أكثر حاجة ضايقتني وافتقدتها .. الشاشة صغيرة وكمان ما تشيل غير سي دي واحد بس .. لا ويا ريت لو كان بسهولة يتغير .. إلا مشوار لما تضغط الزرفي الشاشة عشان تنزل وانت تسوق ولسة تقعد تدور على السي دي الثاني وتشيل وتحط .. وبصراحة مرة يضايق اثناء السواقة .. يعني لو 3 سيديهات على الأقل الواحد يرتاح .. وكمان ما شاء الله عندي 3 لمبات في السقف .. ومافي عندي لمبة ناعس مسلطة (اضاءة مركزة تعطي جو رائع في الظلام) .. (عجبتني لمبة الفيرا كروز الناعس اللي لونها أزرق )


واتمنى من الجميع يشاركنا برأيو .......

[Genius_m]

انا ما معي ازيرا بس بجاوب على الاسئله من خلال رايي الشخصي <--- خاش عرض

اكثر شي عجبني في الازيرا ........ سعرها

اكثر شي ضايقني في الازيرا ........ انها كوري <--- ياويله

مشكور اخوي على الموضوع اتوقع انه بيسوي انفجار في النادي الكوري خصوصا بعد ردي <---عارف ان الشعب بيقلب عليه

[M.W4EVER]

هلا والله بأخوي موضوع رائع من عضو رائع تسلم يمينك يالغالي

أولا : السيارة أزيرا فل أول دفعة يعني بدون شاشة وطبلون أخضر مسجل سيدي بس بدون كاسيت
ثانيا : أغلب الاستخدام خطوط والسيارة ماشية 123000 كم أتوقع نصها خطوط والباقي مشاورير جامعة ومشاوير خاصو والسيارة يسوقها 2 أنا وواحد
ثالثا : أكثر ميزة عزمها المعقول مقارنة بحجمها والشكل والرساوة والعزل
رابعا : اللي ماعجبني فيها التعليق قاسي أي مطب وانت ماشي 80 وإلا 90 تحس فيهل وفي نفس الوقت لون العدادات أخضر

[M.W4EVER]

انا ما معي ازيرا بس بجاوب على الاسئله من خلال رايي الشخصي <--- خاش عرض

اكثر شي عجبني في الازيرا ........ سعرها

اكثر شي ضايقني في الازيرا ........ انها كوري <--- ياويله

مشكور اخوي على الموضوع اتوقع انه بيسوي انفجار في النادي الكوري خصوصا بعد ردي <---عارف ان الشعب بيقلب عليه

يارجال وجهة نظرك ونحترمها
ترى التشارجر مو حلو أبد
ماكو فكه مني ملاحقك في كل موضوع عاد لايكون تزعل ؟؟ وإذا زعلت تراها وجهة نظرك

[game4ever]

يا هلا والله بالجميع

بالنسبة لك يا عزيزي Genius_m
فعلا ترا أسعار الأزيرا مرة حلوة ما شاء الله مقارنة بمواصفاتها .. يعني الجناح في الأزيرا بـ 520 ريال مع الرش والتركيب من الوكالة مية مية .. في الأكورد فوق 1000 وفي المازدا
قريب 2000 وفي الألتيما بـ 3000 والألماني عاد مرة لا تسأل ...... أكيد طبعا يرجع لاختلاف المواد المستخدمة ويمكن سياسة الشركة ..

وبالنسبة للعيب اللي ذكرته بأنها كوري ..
كثير ناس طبعا ما تحب الكوري .. عشان كدا استخدمو بعض الماركات المعروفة والمحترمة داخل السيارة .. زي النظام السمعي اللي هو من شركة Infinity Systems وهو طبعا من أحد منتجات شركة Harman International Industries
وهي على ما أذكر ماركة أمريكية
مشهورة جدا ومعروفة على مستوى العالم

وكمان عندك الشاشة اللي مركبة في السيارة والكاميرا من شركة LG تلاقي الشعار على الشاشة من فوق لما تفكها .. وLG كورية في الأساس بس انها اسم معروف ..

ولا تخاف ما راح يقلب المنتدى عليك هههههههههههههه

بالنسبة لك يا عزيزي أحب الكوري
فعلا عزمها حلو .. بس ما وصل لمستوى عزم السيارات الثانية زي الأوريون والألتيما .. حتى في 3.8
لكن نقول ان شاء الله يكون أحسن في الجينيسيز 6 سلندر او في الموديلات الجاية

والمطبات كمان صحيح مشكلة .. حاول تنقص ضغط الكفرات لـ 30 أو أقل عشان المطبات وبالنسبة للعداد طبعا
حتى انا متضايق من لون الإضاءة حقت المكيف الخضرا عندي وحول الشاشة لكن ايش نسوي عاد وانا اخوك
هي سياسة في الشركة انهم يخلوها بالاخضر .. عشان يتركو مجال انهم يغيروها في الموديلات الجاية .. عاد مشي حالك ...

واحنا في انتظار مشاركة باقي الأعضاء ...........

[M.W4EVER]

^^^^^^^^^^^^^^^^

بس كم وزن السيارات اللي ذكرتها ؟؟؟
لازم تضحي بشي مقابل شي تضحي بالوزن مقابل العزم يعني مافي سيارة بثقل الأزيرا ونفس عزمها
والألتيما قيرها سي في تي والأوريون 6 سرعات
أنا أشوف الأزيرا لو 6 سرعات كان علوم
شوف الفيراكروز على ثقله تسارعه 7 ثواني والسبب القير

بالنسبة للطبون الأخضر لقيت له حل بس متردد أسويه
محل اسمه فورملا 1 بالرياض قالي اسويلك السيارة كاملة ب 1600 ريال
الساعة ومفاتيح النوافذ ولمبات القير يعني كل شي وعطاني ضمان 6 شهور وأقدر أرفع وأقصر على النور بس خايف الكهرباء ينلعب فيها

[game4ever]

أنا لو مكانك بصراحة .. أغامر وأسويها .. لأنو عندك ضمان 6 شهور .. وانا اعتقد انو شغلتها بسيطة .. لأنها كلها تغيير للأنوار ..
يعني ما اظن انها بتوصل للظفيرة .. بس اهم شي جودة الانوار اللي بيركبها لك ... مو بعد 6 شهور تروح تلاقي زر مش منور .. ترا مرة راح تتعب .. أهم شي الجودة ..
وانا اتمنى لو احصل واحد في الغربية يعملها لية ..

[عــ,,,ــووول]

يعطيك العافية يالغالي على الموضوع الحلووو هذا

انا معاي ازيرا تحت الفل على طول موديل 2007
استخدامي لها للكلية وللمشاوير خخخخخخخ

المميزات اللي عجبتني :
1 - قوة السيارة بالنسبه لحجمها وشكلها مناسب لها تقريبا
2- العزل والهدوء اللي بالمقصورة ورساوة السيارة
3 - الديكور الداخلي وشكلها الجذاب اللي تجبر الناس انك تطالع فيها

الحاجات اللي ضايقتني :

1 - قاسية في المطبات
2- الوان المكيف والمسجل اخضر ولون الشاشه اللي بالعداد برتقالي لو خلوها لون واحد كان احسن
3- مافيها نظام الدخول الذكي وتشغيل السيارة بزر
4- لون الفيابر مادري وش اسمها اللي تحت لونها اسود مو نفس لون السيارة

ووووبس

والف شكر لك يالغالي على الموضوع الحلوووو وعساك عالقوةة
تقبل مرور اخوك

عسولٍٍٍٍ

^_*