احيانا المشكلة من نفس الازرار مثل ماقالوا الاخوان تكون مصدية او وسخه لكن فية قطعه ثانية من احد الاسباب اللي هي اول ماتفك الكبوت تحصلها يمينك جهه السواق قطعه موصول فيها كيبل وطالع منها واير رايح وشابك مع واير البنزين احيانا تكون المشكلة منها هذا والله اعلم
انا عندي ماركيز 98 واذكر انه شغال اول لاني صار لي زمن ما استخدمته وطريقة تشغيله تضغط على زر ON وخلك ضاغط على زر Coast بس انا اخر مره حاولت اشغله عيا يشتغل لان اتوقع بسبب غبار داخل الازرار اللي بالدركسون انت حاول توديها لكهربائي يفك الازرار وينظفها وان شاء الله تضبط*
نفس المشكله الي عندي معاي مركيز مديله 98
ما يشتغل عندي مثبت السرعه ..!!
طيب اذا اشتغل هل فيه لنبه تولع ولا عشان نعرف انه اشتغل ولا .
اذا فيه لنبه يعلمنا انه يشتغل هاذا كويس
.. هل فيه لنبه اذا اشتغل ولا ..؟
السلام عليكم اخواني انا عندي فورد وزيكم مارايح يطلع الخراب التثبيت بالكمبيوتر لان الخراب من on غير الان اوف الي في الدركسون ورايحة تضبط معك وذا تبي تتأكد من كلامي اضغط بقوة علي زر اونon بتلاحض انة يعمل التثبيت السرعة لان الزر الي في الدركسون مكربن او مصدي من الداخل يعني غيرة تراني مجربها في كذا فورد
اخوكم عبدالعزيز
والله انا اشتريت فورد99 والازرار مش شغالة قال لي كهربائي روح افحص كمبيوتر
وفي شباب يقولون نفس كلام اخوي abdt انه وسخ وغبار بس اجيب بخاخ ويتعدلون
بس والله من ناحيتي احس حتى لو عدلته ماراح استعمله فاراح ابعد عن الخساير
اخوي انا ماضل كهربائي ماسيرت عنده رحت الوكالة وماقصرت قالت يبغا لي قطعة قيمتها 1500 ريال ولا طلبية بعد بعدها قلت بلاها مثبت
بعدها بشهر مافقدت الامل رحت لكهربائي فنااان اول ماشاف السيارة قال اسمع بلا قطع طلبية بلا كلام فاضي قال المثبت اذا ما اشتغل مافيه غير الازرار واهو اول خيار المفروض تعمله انا قلت له اكيد الازرارغالية قال لي ماتعدي المية والله رحت الوكالة واخذت لي ازرار جديدة سعرها 85 ريال وركبهم وقلت شكل هالكهربائي يتفلسف ووالله ابد ركبها لي وقال جرب وجربت والا كلامه عدل جربت المثبت شغال زي الفل وصراحة ندمت اني يوم من الايام ازور الوكالة على هالشغلات ((وكالة الملحم )) طبعا ً صاحبي نفس المشكلة وقلت له وماقتنع الا بعد ماغيرنا الازرار ونفس الشي ظبطت سيارته وقام يدعيلي لوووووووول طبعا ً موتري كراون فكتوريا 2004 وموتر خويي ماركيز 98 ونصيحة للي خربان معهم يبتدي بالمثبت لان هو الحل الاول والاخير
أغلب مشاكل مثبت السرعه من أزرار المثبت الموجوده على الطاره ( الدركسون )
روح للتشليح وشفلك طاره نظيفه وركبها عند المحل نفسه عشان تتأكد من سبب العطل
سعرها مايتعدي 100 ريال
وشكراً
مثل ما قالوا الأخوان، روح الوكالة أفضل لأن نظام تثبيت السرعة إلكتروني، وإذا لعب فيه واحد من هالهنود من غير سابق خبرة أو دراية، إحتمال يخرب لك أشياء لا ومحد يطيح على علتها ويخسرك، بعدين وشلك بتثبيت السرعة يا أخي ما شوفه لهدرجة مهم، خلك على مجنونك لا يجيك الأجن وهذي نصيحتي والسلام.
