أين تقع صيانة كيا موتورز السعودية في الخبر بالضبط؟؟

<==== اخوك من الامارات وما ينفعك :D

بس الاخوان اضني ما قصروووا

سلام

الله يبارك لك فيها

وأحسنت أخوي Opirussional

بوضع الإجابات كاملة .. |1|

* بنتظار تقريرك .. |3|

شكراً جزيلاً لـ بلا حدود و techmate على الرد..

ذهبت اليوم للصيانة بالثقبة ووجدت أجوبة لبعض أسئلتي:

- أين تقع صيانة كيا موتورز السعودية في الخبر بالضبط؟؟
- و متى أول وقت يستلمون فيه السيارة للصيانة الدورية 5000 كم (يعني الساعة كم يفتحون؟)؟
- وهل الوكالة تفتح يوم الخميس في الأحساء أو الخبر؟ ومتى بالضبط (كم الساعة)؟ ومتى يسكرون؟
- وهل من الأفضل الإتصال عليهم قبل الذهاب بالسيارة لحجز موعد؟
- وهل تتأخر السيارة عندهم لو كانت الصيانة الدورية الإعتيادية؟
- وكم التكلفة التقريبية لصيانة 5000 كم للأوبيروس 2008؟
1. مثل ما قال أخي techmate إذا جيت الخبر من الظهران خلك على اليمين و اتجه كأنك رايح للثقبة وكمل سيده (كأنك رايح للبحرين) تصير الثقبة يسارك بتجيك لوحة مرور محلي لليمين تنزل معاها عشان ما تصعدالكبري
من تحت الكبري تاخذ يسار، وبعدين أول نافذ يمين، راح تلقى الجميح GM
و خلف الجميح ستجد كيا موتورز "استقبال الصيانة"

2. يفتحون الساعة 7 صباحاً

3. الصيانة تفتح يوم الخميس نص دوام، من 7 إلى 2 ظهراً
لكن ما يستقبلون سيارات إلا للصيانة الدورية البسيطة.

4. ما جربت أتصل... يمكن تفرق معاك لو تتصل.

5. الصيانة الاعتيادية: توديها 7 صباحاً تاخذها 11 ظهراً
توديها 9:30 صباحاً تاخذها 3 عصرا

6. ما سألت عن تكلفة الصيانة الإعتيادية بس اللي عرفته من واحد من أصحابي انها ما تكلف كثير.. لكني سألت مسئول استقبال الصيانة "السوري" عن قائمة بقطع الغيار وأسعارها.. قالوا لي شوف مستودع قطع الغيار.. رحت هناك قال لي الباكستاني أو الأفغاني "لحيته طويلة" اللي هناك، إذا تبي قائمة بالقطع وأسعارها لازم تدفع خمسين ريال قيمة الـ print-out >> السستم عندنا كذا...

بصراحة استغربت كثير و حسيتها تصريفة ونصبة.. واستخسرت أدفع 50 في البرينت أوت..

____________________

أخوي techmate
إن شاء الله قريباً

ماوصفة أخونا بلا حدود هو موقع المعرض.
إللي أعرفة إذا جيت الخبر من الظهران, خلك على اليمين (كأنك رايح للبحرين) تصير الثقبة يسارك, أول جسر تطلعه وتأخذ يسار وتدخل الثقبة وتلقى الورشة خلف الجميح.
باقي الإستفسارات لاعلم لي عنها.
طلب خاص: نبغى منك تكتب عن تجربتك عن السيارة وصور, في الإنتظار.