قسيمــــة السرعـــــــــه!!

والله أنها حالة أخوي ماجد والله يعينكم هذا وأنتم في الطائف كيف لو أنك في الرياض :o

بالنسبة لخوي أحب الكوري والله يعجبني الأشخاص الفاهمين مثلك :rolleyes:

ولكم أطيب تحية

فيه قانون بعدة ولايات هندية (ركز على كلمة هندية) و ينص على الآتي:

أذا كان عدد المشتركيين في أي جريمة (جريمة القتل داخله معاهم) يتجاوز الـ 50 شخص
فأن الجريمة لا يفتح فيها تحقيق ...

يعني بالعربي لو يطبقون هالنظام عندنا كنا شفنا نصف أهل المقابر من رجال المرور النزهاء .. :mad:

يارجال انا مره ماشي بالدائري الشرقي بالليل بوسط الاسبوع كان فااضي

ماشي حوالي 140 ووراي كريسداا فيه باكستانين ماشي قريب من سرعتي

المهم واعدي لومينا بيضا واشوف صدمات قدام قلت بس رحنا وطي

واعديها وتجي ورا الكريسداا ويدق الفلشر له هههه

طلعت منها بس من جد مايقوون على العالم اللي على قد حالهم

والله شكلي انا اللى ابحط كاميرا ههههه

ما اظن يتطبق هذا النظام لان رجل المرور نزيه جدا |1|

صحيح فيه ناس كثير اذا انمسك يسلم امره لله ما يحب يتجادل مع المرور
ولكن الله فوق كل شئ

نعم نعم هذا اللى نقوله المرور مسوى صياد والضحيه المواطنين الابرياء

والله ماني فاضي للجرايد والحق مايضيع ,,, يعني اهم شئ الواحد يطلع حرته في جلسه ولا في منتدى وتبرد الحديده.

فعلا رايك صحيح
لكن متى يتطبيق عندنا ؟
ياخي حنى شعب وللأسف ناخذ الشي السيئ من الغرب ولكن ما ناخذ
الشيئ الجيد منهم لييييييييييش ؟؟؟؟

( من أمن العقوبة أساء الأدب )

الله يعينك اخوي ويعين كل من ظلموا من هالنظام الفاشل

بس في حركة حلوة شفتها في المرور الأمريكي
انه يحط كاميرة تصوير فيديو تسجل اللي يصير وقت الدوام
وبهالطريقة لا يمكن انه يتمادى او يرفع خشمة عليك او يلفق عليك تهمة
لأن في واحد يراقبة
اعتقد وهذا رأي شخصي انه الحوادث اللي زي كده بتقل بشكل كبير وبيقل عدد اللي يشتكوا من النظام

تحياتي

بإختصار ( من أمن العقوبة أساء الأدب )

التعبير الصحيح أن النظام نظام صحيح ولكن تطبيقه فاشل

أنا كنت أمشي 110 ومي مرسيدس أسود ومضلله أسود كامل
وقفني ويصارخ علي ورديت عليه بإحترام عشان يخفض صوته وراتفع ضغطه شافني بارد وهو موقفني عشان التضليل قالي أنت ماشي 150 يلا حجز وكنا 2بالسيارة
قلت وين دليلك
طلعلي الرادار أشوف الرقم
قالي مالك حق وقلت مالك حق تمسكني
قالي تبي رخصتك ماراح تاخذها قلت مابيها بس بمشي قام ركب سيارتي وسحب المفتاح
قلت ماراح أمشي لو بالقوة لين يجي الضابط المناوب
وجا الضابط كان حبيب وقعد يتفاهم معي ويقنعني إنه نظام ولازم تنحجز
قلت عطني الدليل وأطلع معك
قال فلان وريه الرادار الرجال تغير وجهه
جا فتح الشنطة وطلع شنطة فيها رادار قلت طيب وين مكتوب 150 ؟؟؟:(
رجعت للضابط قالي هاشفت إنك مسرع قلتله الرادار في الشنطة قال فلان وشلون رصدته قال مشيت وراه وقال ليش ماتشغل الرادار قال : له اسبوع خربان

يعني وش ذنب اللي انمسكوا خلال هالأسبوع والمصيبة ضيعوا مفتاحي ودفعتهم قيمته 950 ريال

ننفخ في قربه منشقه

نظام المرور عندنا فاشل فاشل

واكبر دليل الرادارات

ياخي ليش تتوزى تحت كبري ولا ورى صبه ولا ورى شحنه رمل

عشان يصيد الناس !!؟؟

مفروض الرادار يكون ظاهر للناس عشان يهدون السرعه

إذا كان هذا هدفهم

لكن انت متوزي واللي بيسرع يسرع ،، صح انه بياخذ مخالفه

لكن فيه ناس ماتهمه مخالفه ولا عشر مخالفات

يعني انت يالرادار يوم انك توزيت ويجيك واحد مسرع

لكن انك لقطته وسجلت سيارته بس بعد ماتعداك سوا حادث مثلاً

لو أنك ماتوزيت كان اجبرته يهدي ولا صار اللي صار !!

مالك الا الجرايد وانا اخوك |1|

طلع حرتك فيها :D

المارودر
تعرف وش المفروض؟
المفروض يعطون رجال المرور دورات تدريبيه في التعامل مع الناس واهم شئ ان العسكري اذا خرج في حمله يكون هدفه هو ضبط النظام وليس اصطياد المواطنين.

والله النظام يبغاله تعديل ومراقبة لرجال المرور

اخوي فعلا المرور يتصيد اخطأء المواطنين
مثلا التفتيش يسوونه بعد الاشاره ليه؟؟؟
عشان القاطع ينمسك صح حلوه لكن لو ماتبون احد يقطع حطو التفتيش قبل الاشاره
بمسافه عشان محد يقطع ويصير تنظيم مروري
ايضا لو تلاحظون اماكن التفتيش اما بخطوط سريعه مثل الدائري او يدسونه خلف كبري وا على لفه بخط عام وينطون لك فجأه

المهم ياخوي روح قدم شكوى رسميه على العسكري اللي سوا معاك الحركه ولحم فيك واجبرك تسرع وروح للجريده وشهر فيه
ولو انا مكانك كان عطيته فرامل اخليه يصدمني والخطأ عليه 100%

والله ماوصلنا للحاله هذي الا اننا طيبين نبلعها ونسكت ومانعرف شي اسمه شكوى او مطالبه بالحق

حسبي الله ونعم الوكيل


آمين



المهم اني اكلت الحجز 4 ساعات

والله نظام اقل مايقال عنه بايخ
والله الناس تمشي على الهاي وي بالله وين رايحه تكون تتمشى؟؟
الي رايح الى الجامعه والي رايح دوامه من يشوفوا واحد يمشي فوق ال120 صكوه مخالفه والحجز!!!

يعني مخالفه بلعناها بس الحجز؟؟!!والحين مسويين حجز جديد على الطرق السريعه حتى الي رايحين الحج ومسرعين ينحجزو<<الظاهر حق يخفف الزحمه في مكه ههههههه:D

الله يعين بس

ولا تزعل روحك لانك لا اول واحد ولا اخر واحد نظام المرور اشبه مايقال عنه "فاشل" رغم وجود بعض النجاح

ياهلا بالمدير العام

عكاظ تحتاج اثبات ,, كيف اثبت هذا الشئ؟

مدير المرور يمكن اخذ حقي من عنده لكن بعد ايش بعد ما اخسر اللى قدامي وورايه ,,,,, لا والله ما اقول غير حسبي الله ونعم الوكيل.