سؤال ....؟

[DaBDoB]

السلام عليكم الرحمه ..

خشوومكم ..... "}{"

صراحة انا من فتره لي فتره احب اكتب موضوع وفي نفس الوقت
غايتي فالموضوع المنفعه العامه والمعرفه وفي نفس الوقت الجمعه وسوالفكم الي ما تنمل
علشان ما تقولون هذا شو عنده كل يوم مخسر المنتدى ورق ويكتب هالمواضيع
هههههه ههههههه

اليوم يا جماعة الخير والسلامة
خطر في بالي سؤال نحن يا جماعه من اول ما عرفنا السواقه ونحن نعرفه ان لازم اذا بتعشق
القير الاوتوماتيك من P الى D لازم ندوس على البريك او اي تغيير ثاني
المهم ما نشيل رجلنا عن البريك الا بعد التعشيق ...

هل هذي الخطوه هي بدل خطوه الكلتش فالقير العادي ؟

او هل انها فقط عباره عن روتين نحن نسويه وبس ولا عاده ما نعرف سببها بس نسويها ؟

واذا ما ضغطنا على البريك هل هذا يضر القير ؟

اتمنى اني سئلت سؤال خطر في بال حد قبل
وننتظر اجوبتكم وتحاوركم الطيب

اخوكم دبدب

[Microsoft]

هلا وغلا بحبيب الشعب دبدوب

بدون مقدمات بنخش الموضوع على طول

السؤال.. هل هذي الخطوه هي بدل خطوه الكلتش فالقير العادي ؟
الجواب.. لا ، ليست بديلة عن الكلتش (السبب سيتم ذكره بعد قليل)

السؤال.. او هل انها فقط عباره عن روتين نحن نسويه وبس ولا عاده ما نعرف سببها بس نسويها ؟
الجواب.. نعم عادة لسبب بسيط وهو أنه في السابق أغلب السيارات لا يتم تغيير وضعية القير
من الـP إلى أي نمرة ( N - D وغيره ) لا يتم إلا بالضغط على الفرامل ليتم فك القفل عن القير
علماً أنه موجود الآن في بعض السيارات ( مثلاً لا حصراً الـ Skoda Octavia ) ..

السؤال.. واذا ما ضغطنا على البريك هل هذا يضر القير ؟
الجواب.. لا أبداً ، هذا إذا كان الإنتقال من الـP إلى غيره من النمر وليس العكس
والسبب هو أن السيارة ستكون في حالة توقف تام على الـP لكن في حالة العكس
نعم سيكون هناك ضرر وخيم في القير ويعد هذا من أكبر أخطاء قيادة السيارة الأوتماتيك
وهي تغيير وضعية القير من أي نمرة إلى الـP (أو D في الرجوع) والسيارة تتحرك ولو ببطء

بخصوص بأن الفرامل في القير الأوتماتيك يقوم مقام الكلتش

الكلام هذا غير صحيح وإلا ما كان تماتيك ..

حيث أن التبديل بين النمر يتم عن طريق ضغط الزيت على الكلتش

بطريقة نظامية يقوم بها كمبيوتر القير الأوتماتيك


* أخيراً خلصت الواجب ..


=============
معلومة إضافية مهمة
=============

الغرض من الفرامل لو كانت السيارة تدحدر لقدام وعشقتها في R فيها ضرر
ولو كانت تدحدر لورى وعشقتها في D فيها ضرر
الأفضل الفرامل في التنقيلات لتثبيت السيارة قبل التعشيق

[Genius_m]

* أخيراً خلصت الواجب ..

احلى واجب....

ماقصر اخوي مايكروسوفت كفى ووفى........

تحياتي....

[azeraty]

ياسلام عليك يامايكرو

دبدوب على فكره لو شفت المانيول حق السياره بتلقى مكتوب انه مافيه ضرر على القير ابد
زي ماقال مايكرو بس هم شارحينها لك بالصور

[بــنــدر]

الغرض من الفرامل لو كانت السيارة تدحدر لقدام وعشقتها في R فيها ضرر
ولو كانت تدحدر لورى وعشقتها في D فيها ضرر
الأفضل الفرامل في التنقيلات لتثبيت السيارة قبل التعشيق

[to the endless]

*/*

الله يديك العافية أخوي دبدوب سؤالك رائع وخليت الموسوعات تشتغل ( ماشاء الله )
ما قصر مايكروسوفت بالرد , وبندر وجهة نظره صحيحة 100% ,
خالص ودي

[أبو خميس]

ماقــصروا الشبــاب بالمعلومــات الحلوووه

[swezar]

طيب شباب اذا انا امشي بالسيارة و قررت اقف, و السيارة تتحرك وديتها للـ N فيه ضرر؟