معي 65 الف ريال وابي جيب جديد وما حصلت غير ايزيزو روديو انصحوني تكفون

في أمريكا السيارات الأمريكية فقط هي الرخيصة. أما اليابانية أفضل لك أن تشتريها من هنا.

في امريكا السيارات رخيصة اللي يعرف احد هناك يشتري ويرسلها بس مدري كمكككم الجمرك بعدين كككم يدفع وكيف ينقل السيارة

خذلك موستبيشي الونيت بس خذ الفل


ترى الفل يجي دفرنسين والحوض مغطى <<<<<<<<<, عشان ماتزعل المعزبة


كأنه جيب وسعره مناسب فكر بجدية


ومرلك اي معرض للعيسائي وشفه بعينك


السيارة رائعة ولايعيبها سوى غلاء قطع الغيار

وبالتوفيق ان شاء الله

اذا و الله ودك جيب لازم دور تويوتا مستخدم غير كذا لا تتعب نفسك
و بعيدن من قال ان الكوري بصل بالعكس الكوري السنين الأخيرة أصبح يتفوق على الياباني المجمع في دول ثانية
أما جيب جديد بـ 65000 لا تتعب نفسك و بعدين ياخوي المستخدم فيه أنواع ما تتعبك بالعكس مجربة وجاهزة

بارك الله في الجميع
استخرت وقررت اني اصبر كمان وادخل جمعيه واحوش زيادة فلوس
ثم ابدا ابحث عن سياره
انا لازم اشتري موتر قبل الصيف
سيارتي لاتطاق في فصل الصيف

والله مالك الا النتافيا

خيار جيد بس تزود 6000 ريال
قيمتها 71000 تقريباً والـ 2009 راح يتغير كلياً اذا كان هالشئ يهمك
وشوف هونداي والله حلوه وراح تتغير في 2009
والله يوفقك وانا خوك

انا مثلك بس قاضب موترى ماني مفرط فيه الا اذا لقيت الي يناسبني

بدون ما اضغط على نفسي واسبب مشاكل لي ولغيري ...

ما أنصحك فيه. محركه أربع سلندر قوي لا بأس به، نفس محرك الألتيما، لكن ما يجي فيه دبل ثقيل، وديكوره بدائي جداً وخلوصه الأرضي ضعيف. يمشي معك في البر على خفيف، لكن ليس بالشكل المطلوب. لو تاخذ فورتشنر أربع سلندر أفضل بكثير، محرك أقوى وممتاز في البر وفيه دبل ثقيل.

أو خلك على الناتيفا، خيار رائع.

لعل الناتيفا أفضل الخيارات، لكن عيبه إنه ما يجي إلا قير أوتوماتيك أربع سرعات.

السوزوكي ربع ما أنصحك فيه، لأنه ما فيه دبل ثقيل ومحركه 1.3 لتر فقط. مثله مثل الدايهاتسو تيريوس، إلا أن التيريوس محركه أقوى قليلاً (1.5 لتر).

انا رحت معرض نجد في النسيم ولقيت عندهم نيسان اكس تريل موديل 2006 فل كامل جديد بسعر 65 الف

وش رايكم ياشباب بارك الله فيكم

اخوي لا تقولي ماافكر بالكوري عندك الهونداي التوسان شيء يخليك تغير نظرتك عن الكوري

شوف أخوي لا تاخذ السيارة

نصيحة فيها بلاوي وفضايح ما يعلم فيها إلا مستخدمها

أستخدمتها مدة أسبوعين تقريبا وبصراحة تقريري عنها سيارة فاشلة بمعنى الكلمة من ناحية الأستخدام أحلى شيء فيها بس قدرتها على البر بس لا تاخذ رساوة ولا تاخذ هدوء ولا تاخذ سلاسة ولا تاخذ أقتصاد حتى لا تفكر أنك أن شريتها بتشتريها مثل أي سيارة جديدة! كأنك أن صح التعبير تشتري قرمبع أصوات في المكينة وقرقعة في الديكور والسيارة لسه ما مشت شيء

لا تقربها

ونصيحة من عندي بمبلغك هذا ترى صار لي نفس موقفك أنسى جيب صاحي بهذي القيمة الي معك يعني عسى تشتري جيب ديهاتسو تيريوس وياله يكفيك القيمة بعد أو جيب ربع حق سوزوكي جراند فيتارا قير عادي بقيمتك عسى تحصل جيب صاحي 4 سلندر زين أن وصلت سعته 2 لتر!!!! أن كنت تتكلم عن جديد

السلام عليكم

الاخوان ماقصرو وكلان الخل الوفي صحيح
وقد قمت بسؤال احد المسؤلين في الوكالة عن السيارة قبل فترة وقالي مشكلة تنسيب والكفرات نغيرها جديدة للزبون اول مايشتري السيارة بسبب فترة الوقوف الطويلة في الشمس

ما انصحك فيها وبقوة

المبلغ قليل ولازم تزيدة شوي لو تكمل باقي المبلغ اقصاد

عندك النتافيا من متسوبيشي سعرة مقارب و6 اسطوانات وعزمة مقبول

ولا تنسى الاستخارة
بالتوفيق

ابو الخل حسب معلوماتي ان الديهاتسو يحوي على دبل ثقيل وقفل دفرنش ان لم اكن مخطئ

الصراحة، الروديو يعتبر تعبان بسبب قدمه، ويقال أنه مخزن، يعني الجلد كلها ناشفة.

لكن، بالميزانية إللي عندك، أقول خذه بدون تردد. محرك قوي، سيارة قوية عزم جيد خلوص ممتاز، وجود دبل ثقيل، ويكفي أنه إيسوزو، شركة يابانية عريقة.
السوزوكي قراند فيتارا بالميزانية إللي معك ما تجيب إلا أربع سلندر ضعيف جداً. والدايهاتسو ... كورولا عالية ... ضعيفة إلى أبعد الحدود، ولا فيها دبل ثقيل ليعوض عن الضعف الشديد.

شوري عليك تزيد المبلغ شوي وتأخذ فورتشنر 4 سلندر (دبل) قير عادي لا تقرب التماتيك

وأنا معك المستعمل مأخوذ خيره

الله يوفقك ويرزقك اللي في بالك

سلام

http://cgi.ebay.com/ebaymotors/1997-Toyota-Land-Cruiser-SHOWROOM-DIFF-LOCK-4YR-WARRNTY_W0QQitemZ120213058558QQcmdZViewItem?hash=item120213058558#lg
هذا الرابط عليه فكسار من امريكا قيمته مع الشحن خمسين الف تقريبا ان شالله يعجبك