انتقال وكالة كيا الى نيسان الجبر ( تم تأكيد الخبر)

متعبني الموهاف مثلك يا مايكرو
لكن تو كيا السعودية بادية 2006
ايش السبب يا جماعة الخير

كلام يوجع القلب .. |5|

كلش ولا الـMohave << ناويه :)

ماعندي ثقة في وكيل ماسك أكثر من وكالة ... راح تلقاه يسوق سيارات شركة أكثر من سيارات شركة ثانية ... بس لأنها تدخل عليه ربح أكثر (سواء ربح بيع السيارة نفسها او قطع غيار)
مثلاً ما اتوقع إنه يسوق (أو حتى يجيب) جيب كيا الجديد الموهافي (على الأقل مش الـV8) لأنه وقتها ممكن يأثر على مبيعات جيوب نيسان (الباترول/باثفايندر/اكس-تريل)

بالنسبة لصالات العرض فاظن الأفضل له يشتريها من كيا السعودية لأنها راح تكون اكثر جاهزية من انه يبني صالات جديدة

الأخبار متضاربة في بعض

منهم من قال بأن كيا السعودية ستستمر لحين تجهيز صالات العرض

ومنهم من مقال بأنه سيقوم بشراء / إستئجار صالات عرض


ومنهم من قال بأنه سيستأجر صالات عرض كيا السعودية


* تعرف في مثل هالأمور .. تنتشر أنواع الشائعات لأن كلها توقعات .! :)

إن شاء الله يسويها الــجبر ويستقبل الضيف القادم ( Mohave ) وينزله لنا بالمواصفات المطلوبه كـ الهدروليك والشاشة وغيرها .. ..
طيب هالحين هل راح يدخل سيارات كيا معاه في المعرض بجانب الألتيما والأرمادا أو يفتح له معرض جديد . . ؟!

يا شباب خبر مني معتمد انا مجرب الجبر الشرقيه وعارفهم زين مازين ..... اخوي عنده ماكسيما واخوياي ثلاثه غير اقاربي وكلهم يشتكون من غلاء قطع الاسعار طبعا هذا نيسان كيا مادري عن قطع غيارها وثاني شغله هو معاملتهم لزباين والحركات التعابنه الي يسونها من تاخير وعدم تصليح السياره على الضمان الين مايطفشونك وتقولهم صلحوها على حسابي ورويحوني .... خويي كانت عنده مشكله بسبب حادث ضربه الكفر الايسر الامامي في رصيف دوار وصلحها على حسابه عندهم طبعا ورجعت المشكله وكل مايرجعها لهم ماتضبط خامس مرره قالهم اعطيكم فلوس اذا تستدعي قطع غيار او ربط عندها راحو صلحوها مع انه هم عندهم ضمان 6 شهور على شغلهم اذا كانت المشكله تتعلق فيه .....
باختصار الي عنده كيا كلها صح صح عدل والله يعينه ويرحم حاله اذا اختربت سيارته على الضمان تحت رحمه الجبر التعبان ....


يمكنكم التاكد بطرح استفتاء عند قسم الياباني عن خدمه الصيانه لدى الجبر وتشوفون شلون الذم والسب فيهم وحسبي الله ونعم الوكيل

يعني يوم قررت اشتري اوبيروس غيروا الوكيل

خوفي انهم يرفعون الاسعار

^^^^^^^^^^


الجبر صيانتهم حلوه أخيرا عيالهم يمكن يغيرون سياراتهم
أعرف واحد من الجبر ثالث مكسيما معه قلتله كم مره خذا ازيرا قال وخر بس كوري
الحين يقولي وش رايك في الاوبيروس

هو نفسه الجبر

حيث أنه سيتم فتح فروع في الرياض وغيرها

خذ راحتك اخوي


الله يعطيك العافية

مشكوووووووووووور على الخبر المفاجئ
بس إنشاء الله يكون من صالحنا
الله يستر

اخوي Microsoft من وكيل كيا في الرياض :o


تـحـيـاتـي

saleh_ssj

* بعد إذنك أخوي أحمد عدلت الموضوع للتوضيح


تم تأكيد الخبر بأن وكالة كيا السعودية إنتقلت (أي تغيرت وليس وكيل جديد)

إلى وكيل نيسان في الشرقية ( الجبر ) وهذا موقع كيا الرسمي فرع السعودية




ياليت الشباب إلي عندهم خلفية عن تعامل الوكيل الجديد لكيا .. الجبر


يكتبون لنا كافة التفاصيل .. لعيون حبايبنا مستخدمي الكيا .. |1|

طيب الجبر ماسك الشرقية بس ..

يعني الجبر راح يكون ماسك كيا فالشرقية وكيا السعودية بتكون وكيل لكيا فالرياض فقط ؟!

وش هالخنبقة !!

لا واللي راح للوكاله بيشوف كم سياره مصدومه ومغبره عند قسم الصيانه
كنت مستغرب فيه سيارات لها وقت طويل وش السالفه مارضوا يستقبلونها ولا كيف
واضح أن عندهم مشاكل .

وأنا أقول وش جايهم على العروض هذي الأيام أثرهم ناوين من زمان :(
جيناهم نبي سورنتو للوالد قبل أسبوعين بدل ( القراند شروكي الرديء ومشاكله ) مالقينا الألوان اللي نبي وسعره خيالي ب 79 ألف كان أول ماجابوه ب 100 وشوي لا والأوبيروس فل الفل بعد ب 79 ألف .

وبعدين وش يبي الزاهد هذا ملاحقنا في كل وكاله أعوذ بالله أنا متأكد ماجا هذا القرار إلا بسبه فشل الزاهد شف كم وكاله معه ( فولفو - رينو - سانج يونج - كاتربيلار للتراكتورات - مساعدات مونرو - شريك في كيا ............... إلخ

على طاري فولفو واحد يكلمني عن زميله معه S80 يقول طلع ذاك اليوم في الصيف في عز الحر يبي يشغل السياره ماأشتغلت راح للشركه شايل السياره على صطحه قاله اللي أستقبل السياره جنسيته الأقرب لبناني (( مافيه أمل يسعود الزاهد أتوقع ماعجبه وضع كيا السعوديه فيها سعوديين )) المهم قال هي السيارا بدها توءف تحت ظل بدها عنايي خاصى مابتتحمل حرارى .

عندنا في هالقسم مشرف حرك و سنافي يشجع المشاركات توني أعرف أحط رابط لليوتيوب كنت حاط روابط عاديه له وأخونا ماقصر عدلها شاكرين ومقدرين مجهودك معنا حبيبنا Microsoft .

مشكور اخوي Microsoft على تأكيد الخبر والله يكتب اللي فيه الخير

genesis
ياليت يصير اكثر من وكيل ولكن اللي يظهرلنا الى الان ان الوكالة بتنتقل الى وكيل جديد وليس اضافي

أحب الكوري
يالله حيه منور الصفحة , لا ان شاء الله انها ماخربت تفائل بالخير اخوي

افا خربت بس ان شاء الله يكون أفضل والله لقاها اللي أخذها ب 88000 ريال