كيف تقنع الناس بأن KIA and Hyundai قد تطورت وأصبحت أفضل من ذي قبل . .؟!

الهوندا كل أنواعها (حتى الجيوب والفانات) دفع أمامي ومن أنجح السيارات|1|
الكورولا أعتقد من موديل 1986 وهي دفع أمامي ولاأحد يقول فيها شيء |2|
الكامري من جت 1993 إستخدمت جميع المديلات حتى 2007 ومن أحسن مايكون|13|
الفولفو من السيارات الفارهة أيضا دفع أمامي|6|
أخيرا وليس أخرا الهيونداي تكرف في الشوارع ماأحد إشتكى من قضية الدفع الأمامي:)
غير السوبارو والمكسيما والألتيما ................
سيارات الدفع الأمامي الفاشلة هي السيارات الأمريكية :mad: مثل توروس سابل ليسابر لومينا القديمة وجميع أنواع الفانات الأمريكية دفع أمامي.

السلام عليكم ؟؟؟؟؟؟؟ :cool:

انا ابي احد يقنعني عن سيارات الدفع الامامي لاني مو مقتنع فيها ابدااا :o :o

فكيف احط حياتي بين سيارات الدفع الامامي وانا ما اثق فيها ؟؟؟ واللي عنده رد يجاوبني به ارجوه..


وسلااااااااااااااااااااااااااااااااااااااااام|3| |3| |3| :)

والله قصة رائعة حلوة << فهمها قصة قصيرة .. :D

والله وفكك الله من الكورولا .. كورولا مرة وحدة ..!


أحلى كلمة ( إلين تختفي .. :D )


حياك الله معنى في منتدى السيارات له معنى << يسمع بالأمثال :D

:cool:

والله يا حبيبي الصراحه انا اشتريت سوناتا 2008 اتوماتيك سياحي طبعا اقساط............
اول كان الوالد مخيرني(الا قل غاصبني غصب كورولا وبس) اقوله يا حبيبي كورولا اوكيه بس اتوماتيك . المهم يوم رحت اسال عنها طلعت اول شي غاااااااااليه مقارنه بالسوناتا وقوة الاحصنه الظاهر 90 حصان (دباب موب سياره) .وانا سالت اللي عندهم كورولا اتوماتيك طبعا 1.3 (لان 1.8 اغلى واغلى ) والله قالوا لي والله يوم تكبس على البنص تحس ان مكينة السياره بحضنك لا وانا بنفسي راكب مع واحد خويي عنده كورولا اتوماتيك 1.3 والله السياره ما تجيب 160 وتراها وكاله بعد . يوم سالت عن السوسو قالوا 2.4 (شف الفرق بالقوه ) واكبر واحسن والله الحين احمد ربي اني اخذت سوناتا طبعا كانت المحاولات مع الوالد يوميا علشان اقنعه يقولي كوري ويتهرقل ومدري ايش(تخبر الشيبان) وان التويوتا اذا بعتها ما يطيح سعرها(هذي التصريفه الوحيده للتويوتا)عاد انا اقوله يا حبيبي انا طيب ما راح ابيعها ابي احلل السوناتا تحليل(لين تختفي خخخخخخ) .يولد والله انها تنافس الاكورد وانا قاعد اول اقارنها بالكورولا. واحد صديقي عنده اكورد 2006 جرب يسوق سيارتي يقول لي والله ماشاء الله امشي 180 ولا احس بشي والله يا حبيبي الاكورد الحين من وره اصطبات بايخه يعني احس ان هوندا راح تنكب(وناااااااااااسه) ..........
في عندي ملاحظه اخيره ادري مالها داعي بس احس اني لازم اقولها : زمااان كان التفحيط بالكامري وبس(العن ام الخشه) الحين شف وش السياره اللي يفحطون عليها سوسو وبس تتوقع ليييييش ؟؟؟
لا تقول لي لانها تتنقز(يمكن سرقتها بسهوله ) احسن من الكامري لا والله لانها تعطيك عزم وتبقى معك لاخر نطله ( يا كثر سوالفك ).........
الله يعطيكم العافيه على الموضوع الجميل ولولا الله ثم منتدى السيارات كان انا الحين تشوفني اسوق كورولا (اعوذ بالله) .........
على فكره انا من الناس اللي ما يحب احد يتعداه على الخط(بدا الهياط) والله يا حبيبي لحد الان ما تعداني الا رانج سبورت ولاوبعد ظليت وراه يعني قريب منه ........
وللاخ اللي تكلم عن الجوالات والله ذكرتني احس ان العالم بكل شي نفس التفكير يعني لازم تويوتا ونوكيا تقوله يا حبيبي ترا والله السوني اريكسون مواصفاته الحين رهيبببببببه ودقة التصوير احسن من النوكيا وسعره ارخص بمليون مره من النوكيا يقولك لا النوكيا اذا جيت تبي تبيعه سعره فيه والله في ناس تحس انه مبرمج على مقولة (اذا جيت تبيعه سعره فيه) والله لو تقوله تشتري لبن الصافي ولا المراعي يقول الصافي تقوله ليش يقول لانك اذا جيت تبي تبيعه سعره فيه (خخخخخخخخخخخ)
سوسو للابد ...................

وين راحت الاكسنت ؟ وين راحت السوناتا ؟وين راح الـh1 ؟

كلامك مجملا اخوي ارمادا غير مقنع ! والمشكله وصلت مع الهيونداي تقارن بالتشيري

اذا كنت تقول ان هيونداي لم تكسب ثقه الكثيرين الى الآن... فانت تقريبا غلطان...لان هالكلام كان قديم
ويكفيك انه اكثر شركة سيارات انتشار بالسعوديه بعد تويوتا هي هيونداي .. :) غطت على بعض الشركات اليابانيه مثل نيسان وهوندا وغيرها..

شوف وانا اخوك هونداي صحيح انها تطورت لكن الى حد ما ... لكن الى الان غير مقنعه بالنسبه للكثيرين


هونداي تملك سياره واحده صحيح كسبت ثقة الكثير بقوه واحده فقط الي هي الالنترا سياره الكل يمدح فيها
وتحافض على سعرها ورغبتها ..

اما الباقي ؟؟؟؟؟؟



وعموما من ناحية السمعه المثل يقول مافيش دخان من غير نار




يعني انا شخص لاجربت المورسيدس ولا الشيري الصينيه


لكن اعرف في قرارة نفسي ان المورسيدس ميه الميه والشيري ماعندك احد مع العلم اني ماجربت الثنتين هل معناها كلامي غلط .... خلنا واقعيين ....

الزمن يظهر الخافي والأيام الجاية تزيد من قناعات الناس .. لكن الأهم هو الأستمرار في التقدم وليس الرضا عن الوضع الراهن فقط ..

الكوري الآن سعرة مناسب وبكرة يناطح الياباني والاوروبي في الاسعار بعد مايثبت نفسة وتصبح قاعدة المعجبين كبيرة (الجودة , الأمان, التقنية العالية) .. لاتنسون بداية اللكزس Ls كانت بـ 120 ألف وكان تبرير تويوتا بأن السيارة تبدأ بالنزول للسوق بسعر منافس مقابل المواصفات العالية ولأقتطاع جزء من سوق الألماني اللي كان سعرة في بحر 200 ألف .. والآن لها مكانتها ومعجبيها في العالم وليس هنا فقط ..

المسألة استثمار طويل الأجل ..

مثل ما قال فيكتور .. أصلاً ما يجيبها على يوديها .. :)

-----------------------------



<< نفس الفكرة .. :D

ههههههههههههههه

أعجبتني هالجمله:D

أصلا هو يجيب السيارات ساده

ويركبلها القطع من مصنعه هنا

عشان الجمارك تخف عليه:mad:

ابدعت اخوي بلا حدود بهذا التشبيه لاشلت يداك
فعلا هذا هو حال عبداللطيف جميل بالضبط

قلبي بلا حدود تسلم على التوظيح انا مشكلتي اني اقرا الردود بسرعة وفي نفس الوقت جديد في عالم المنتديات معليش تحملوني شوي

عيوني فكتور اذا صح كلامك ينتقال علية حرامي يسرق القطع الاصلية ويركب تجارية بس ابي اعرف وين يودي القطع الاصلية

يا سلام عليك .. تسلم يمينك .. |1|

من ردك الظاهر مافهمت كلامي او ماقريته زين
ياخي انا اقول لك غش وتقول ماتبي تشتري براحتك
عزيزي خلنا واقعيين شوي واترك عنك العاطفه ترى منت خسران شي
بعطيك مثال بسيط وان شاءالله تفهم الفكره

محل يبيع جوالات
لنفرض انه N95 وسعره 2000 ريال عند جميع المحلات
المحل هذا متعاقد مع نوكيا بأنهم يجيبون له الجوال بدون وجه وبدون ذاكره وبدون شاحن وبدون سماعه
ويطلع استيراده بالنسبه له ارخص من المحلات الثانيه لأنه مكنسل شغلات منه
ويروح صاحب المحل الموقر يجيب لك شاحن تجاري ووجه تجاري وسماعه تجاريه وذاكره من نوع ابو رفسه ويحطها بالكرتون
ويبيعه لك بسعر 2000 ريال نفس المحلات الثانيه طبعاً بدون مايقول لك ان اغلب الاشياء تجاريه ومن عنده وبايعه لك بسعر الاصلي لا ويمكن اغلي بشوي

هذا يُسمى غش


نجي الحين للإستغلال طبعاً المحلات الثانيه تبيع سوني اركسون واخرى سامسونج ... الخ بس هو تقريباً محتكر النوكيا


المحل يقول لك لازم تشتري مع الجوال سماعه بلوتوث وتدفع قيمتها وبعد من نوع ابو رفسه

وبدون السماعه مافيه جوال

بس هالمحل بالصيانه مايقصر معك

يخرب عندك الشاحن يجيبلك احلى شاحن تجاري بداله

بس تقول له الجوال يعلق او يهنق بيزعجك بكلمة هذا شي عادي وترى انت شاري نوكيا !! وانت تقول في نفسك اي والله صدق نوكيا معروفه وماتصير تدقق

هذا من اسباب حب الناس لهذا المحل


هذي هي بإختصار شركة عبداللطيف جميل

^^^^^^^

ياخوي عادي

هذا يسمونه استطراد:D

<<< يسمع بالإستطراد:D

ياشباب عنوان الموضوع (كيف تقنع الناس بأن KIA and Hyundai قد تطورت وأصبحت أفضل من ذي قبل . .؟!):confused: .
ولكن ساقنا الأخرون عن الموضوع من محبي تويوتا (كعادتنا كعرب, والدليل ماتفعله بنا إسرائيل وأمريكا) وقلبناها تويوتا :mad: .
لاأعني أن محبي تويوتا مثل إسرائيل وأمريكا |5| (حاشا لله), بل أنا من أكثر محبي تويوتا وخاصة الكامري والبرادو |1| ولا أفضل أي سيارة عليهما من فئتهما, ولكن قهرني أبو جميل بالأسعار والتجهيزات:mad: .
فلو خيرت بين الكامري والسوناتا لأشتريت السوناتا ووفرت مالايقل عن 15000 ريال |6| .
الرجاء من المشرف حذف أي شيء عن تويوتا (سواءا مدحا أوقدحا).
نريد أن نركز على الموضوع ونزداد ثقافة عن تجارب الشباب عن السيارات الكورية.

ماقصرو الشباب وبينو لك غش أبو جميل