مهم جدا : عندي مشكله في ( جلنط السياره ) ارجو المساعده؟؟؟

[مسامح]

بسم الله الرحمن الرحيم

مشكلتي انه اذا نزلة الجلنط ومشيت بالسياره اللمبه الخاصه بالجلنط ما تطفي وتستمر مولعه طول الطريق فما السبب في رايكم و الحل ؟

المشكله الثانيه : انه زيت الفرامل ناقص وانا متردد ازيده اي نوع من زيوت الفرامل او انه هناك انواع محدده للسيارات ، السياره (( كامري)).

ارجو الاجابه بأسرع وقت ممكن من الاخوه الاعضاء و المشرفين . وشكرا لكم ....

[الفني]

مشكلتي انه اذا نزلة الجلنط ومشيت بالسياره اللمبه الخاصه بالجلنط ما تطفي وتستمر مولعه طول الطريق فما السبب في رايكم و الحل ؟ (( ممكن توضح ...))؟؟؟

بالنسبة لنوع زيت الفرامل فإستخدم أي نوع يحمل علامة DOT3 على جانب العلبة ..
ويفضل نوع شركة معروفة .. كاسترول مثلا ..

[مسامح]

يعني اذا شغلت السياراه وحطيت القير في الاول ونزلت ( الجلنط) ( البريك اليدوي) والله زي ما تبون سموه ، طبعا اذا نزلت الجلنط هناك علامه في الطبلون تنطفىء وهي بهذا الشكل تقريبا (!) وهي تنطفيء اذا كانت السياره سليمه لاكن المشكله انها تستمر مضائه والسياره تتحرك وانا متأكد اني نزلت ( الجلنط ، او البريك اليدوي) . فما السبب و الحل . اضن ما يحتاج اكثر من كذا توضيح الا اذا كان الاخوان من الكوكب الي جمبنا عاد هذا شي ثاني .
وشكرا لتجاوبك يا الفني وارجو الاجابه على هذا الشق من السؤال الي عجزت حضرتك تفهمه . وشكرررررررررررا

[الفني]

والله العتب على النظ أخي الحبيب ...

تصدق أني قرأت ( الجلنط ) على أنه ( جنط )... وقلت في نفسي ..
أيش فيه الأخ ... أيش دخل الجنط في نور الطبلون ....:طق::طق:
لكن يبدو الطق المفروض انا آخذه...
على كل حال هذه اللمبة تولع بسببين :
الأول : أن المبة تولع إذا كان الجلنط مرفوع .
الثاني : لو نقص الزيت في علبة الزيت .
ففي علبة الزيت يوجد حساس موصول بالطبلون .. فلو نقص الزيت يتم وصل الدائرة وتولع اللمبة الحمراء لإخبارك أن الأمر مهم ويجب معالجته ..

يفضل زيادة الزيت الناقص بزيت ملائم .. والأهم فحص (( لم تم التهريب والنقص أصلا ))

[مسامح]

اخوي الفني يعطيك العافيه والله ، والحمد لله انك قدرت تفهم السؤال ، يا شيخ والله انك صرقعت فيني تقول ما فهمت . على العموم والله انك ما قصرت والله يخليك ذخر للمنتدى . وانا ما طرحت هذا السؤال الا علشان اذا رحت لأحد الورش الخاصه بالسيارات ما يقعدون يتفلسفون علي زياده عن اللزوم ويحطون اشياء ما هي موجوده وقلت خلني اخذ فكره مبدئيه من شباب المنتدى . وشكرا اااااااااااااااااااااااااااااااااااااااااااا. ولك مني اجمل تحيه .
انت يا الفني :تمام::تمام::تمام:

[الفني]

طيب خبرنا ونورنا لما تحل المشكلة أيس رايح يكون السبب ...

والأهم ... كم حيسلخووووووووووووووووو ك .........

[مسامح]

انا رحت لأكثر من ورشه وقالو ان السبب في ان اللمبه الخاصه (( بالجلنط)) ما تطفي هي خلل في حساس زيت الفرامل . وقالو تحتاج إلى تغيير حساس زيت الفرامل . وطبعا قلت اوكيه بأروح للوكاله و اشتري حساس زيت الفرامل هذا ، والي يزيد الطين بله وبرم راسي زياده انه وكيل تويوتا يقول ما اعرف قطعه بهذا الاسم ، والموظفين الاخرين يقولون دورنا هذي القطعه وما حصلناها .

السؤال المهم في هذا الموضوع :
هل يوجد شيء بإسم ( حساس زيت الفرامل ) او انه اصحاب الورش ما عندهم سالفه . افيدونا .
بشكل عام يقولون انه يمكنك استخدام سيارتك دون مشاكل حتى تحصل هذه القطعه . وعبيت زيت الفرامل لأنه كان ناقص احتياطا. وسلامتكم
الي عنده خلفيه كذلك عن سعر هذه القطعه المشئومه يعلمنا :ماأدري:
للمعلوميه السياره موديل 2001. والله يستر من تواليها

[الفني]

أرجع أذكرك .. نقص الزيت واللمبة تولع هو أمر مهم ويجب النظر فيه بجدية ...
نقص الزيت يعني هناك تهريب في مكان ما..لأن زيت الفرامل لا يتبخر ..
على كل حال إذا إفترضنا أن كل شيء جيد ولا يوجد مشكل ولا تهريب .. فنعم ممكن حساس الزيت هو السبب .. ( أي أنه خربان ).
حساس الزيت هو حساس موجود في داخل علبة الفرامل .. ولا أظن أنه يمكنك شراءه لوحده ( يعني يجي مع العلبة ) وهو حساس ( مثل عوامة البنزين ) لما ينزل مستوى الزيت يولع النور للتنبيه ...
نعم ليس منه خطر ويمكنك قيادة السيارة كما هي .. ولكن

ولكن ماذا لو حصل عندك تهريب زيت فعلا .. كيف ستعرف إذا كان النور أصلا مضيء ...
لو كنت مكانك ... فإنني لا أتردد في إصلاح المشكة .. فهي مسألة حياة أو موت .

في حفظ الله .