السلام عليكم ورحمة الله وبركاته
انا من فترة وانا اتابع منتداكم وماشاء الله فيه كل ماتحتاجه من معلومات
انا اب اسرة ولايخفى عليكم الحال لابد من سيارة عائلية للسفريات والرحلات نهاية الاسبوع لدي سيارة من نوع فورد اكسبديشن موديل 2004وكانت سابقتها لاندكروزر 2003 طبعاً اللاندكروزر مايعبه شئ الا الراحة فهو غير مهئ للسفر ونا كل خميس وجمعة اروح للاهل في القصيم وانا طبعا من سكان الرياض مايصلح للطرق السريعة بتاتا والا السيارة مايعيبها اي شئ بعتها بسعر ممتاز
وشريت اكسبديشن بعد ان استشر اكثر من شخص الفورد مرفه وفخم ومريح ولكن سنتين ثلاث وتبدأ المشاكل
التكييف تعبان جداً وهو جديد ممتاز لكن ماكمل السنه الاوالكمبروسر فيه مشاكل وهذة مشكلة حتى في الفكتوريا واتوقع فورد بشكل عام
داخلية السيارة غير عملية الطبلون فيه تشققات من الشمس صح الشمس عندنا قوية لكن المفروض يكون يتحمل احسن من كذا
يصرف بنزين بشراهة ياليته زي الفكتوريا حليلها انا من تجربه للفكتوريا ماتصرف كثير بالرغم انها 8 سلندر
انا ذكرت هذي الاشياء وماهمتني كثير المهم انا اطلع البر من فترة لفتره ومتعود على اللاندكروزر الفورد قوي اذا شغلت الدبل خذ موتر لكن الموضوع الي بشتكي لكم منه هو القير صح ان التطعيس يأثر عليه لكن ماهو لهذي الدرجه بعد ماطلعت البر فيها كم مره حسيت ان القير فيه تاخير بين التغيير من نمرة الى نمرة روحت لورشه في الصناعية القديمة وفيه ميكانيكي فلبيني قال عندك مشكله في القير لكن يمشيك فترة
مريت ترايستار المختصين بالقيرات وقالو لي كلام اخر وهو ان القير لازم يتوظب والا بيضرب عليه مع المعلومية انهم يعطوني ضمان عليه مدة سنة كاملة
س:هل اتوكل على الله واوظب القير في ترايستار او امشي فيه الحال حتى يوقف القير ووقتها يكون يستحق التوظيب
مع انه كذا والا كذاافكرابيع السيارة الي طفشتني لكن ماودي اغش فيها احد ولو بعته على حاله ببين للي بيشتريه العلة
وش رايكم اوظب القير والا اخليها على حالها والي عنده حل ثاني مانستغني عن ارائكم
والله يوفقنا واياكم
