ما اخبر احد ركب داف لوك الا ابو الخل وصاجنا فيه
ولا العالم من زمن السبلة وهم بدون داف وماشيين زي العسل
سؤال وانت الحكم
الجيب الشاص
هل به داف لوك ؟
الاجابة هي لالالالالالالالالالالالالالالا
اجل يكون مايسوى لان مافيه داف لوك؟
يالحبيب، الشاص فيه دف لوك خلفي وأمامي بعد، في بعض موديلاته، وهذا الذي أعطاه الشهرة في الكفاءة الغير عادية. واللاند كروزر VXR إلى عام 97 كان يجي فيه خلفي وأمامي، ثم صار خلفي فقط لوارد دول الخليج، والأمامي ما زال متوفر في أسترالي واليابان.
السلام عليكم أخواني الكرام..
ألف شكر لكل من شارك بالموضوع, وبصراحة أثريتم الموضع بخبراتكم |1|
الحين سؤالي هو إذا السيارة اكسترا مافيها دفرنس لوك يعني تفرق كثير في البر؟ بمعنى إذا رحت أماكن بعيدة وصعبة التضاريس مثل رمال وجبال صخرية راح تطبق السيارة وتوريطة؟
وهل السيارات القديمة أيام زمان المشهود لها بالقوة والتحمل كانت تحتوي على دفرنس لوك؟؟:confused:
طيب في مجال أركب على السيارة دفرنس لوك بعد ما أشتريها عند ورشة أو جراج؟؟؟
سمحولي ياشباب على كثرة الأسئلة, لأنه ماعندي الخبرة الكافية للأسف.. وخبرتكم لاغنى لي عنها.
السيارات التي اشتهرت بقوة غير عادية كانت تجي بأقفال دفرنس منذ الأزل، منها المرسيدس فئة G منذ عام 77، أول سنة لتسويقها، وإلى اليوم وفيها أقفال دفرنس خلفية وأمامية. كذلك اللاند كروزر واللاند كروزر شاص، منذ الأزل. وكذلك جيب لادا الصغيرة الضعيفة، كانت تجي بهذه الخاصية منذ الأزل، من أول يوم لها.
ويمكن تركيبها بدون أي مشكلة، وهناك الكثير جداً ممن قام بتركيبها، وفيه إثنين في هذا المنتدى، أنا وواحد إسمه أبو زياد، مركب أمامي وخلفي على الرانجلر. ولو تشوف في أمريكا وأستراليا وأوروبا تجد الملايين يستخدمونها ويركبونها. وفيه شركات كثيرة تبيع أنواع مختلفة لسيارات مختلفة.
السلام عليكم
ردينا على سالفة الدف لوك يابو الخل مرة ثانية
كما افدت سابقاً ان هذه التقنية موجوة في فئة من الاكتسيرا والي يرغب فيها ممكن يطلبها من الوكيل
في رايي هذه التقنية تعتبر كمالية وقد اثبتت سيارات نيسان مثل الباترول والباث القديم عدم حاجتها لها
والسواق الشاطر يقدر يخرج من احرج المواقف بدون الحاجة الي تقنيات مثل هذي واعقتد ان الاخ البنشري اثبت ذلك في تجربة المدينه
ورغم ذلك حتى لو احتاجها بالامكان تركيبها كما فعلت انت
في الحقيقة يابو الخل الاحظ انتقادك لهذه السيارة بشكل خاص رغم عدم تجربتك لها وسيارات نيسان بكل عام وتمنى مايكون حالها مثل حال نظرتك للباجيرو في السابق واعتمادك على الارقام واصرارك على افضلية الاف جي رغم ذكر صاحب الموضوع عدم قناعته بها
وقد اثبتت السيارة جودتها وتفوقها بحصولها على جوائز عالمية لموديلاتها السابقة ذات المحرك الاضعف
وما اعقتد عندنا ناس راح تستخدمها بشكل كبير في الجبال مثل المغامرين الي في استراليا وامريكا
أنا بالعكس معجب بالإكستيرا، لكن النقطة إللي أبغى أوصلها أن وكيل نيسان ما يجيب المواصفات الجيدة منها، ليس مثل وكيل تويوتا. لكن الناس يشوفون تقييم المواقع الأمريكية لها، ويظنون أن إللي يجينا هو نفسه، وهو في الواقع ليس نفسه.
ولا أحد يستطيع أن ينكر أن السيارة التي تتوفر فيها هذه الخاصية أقدر على تجاوز الطرق الوعرة من السيارة الغير مجهزة بها.
