تصنيف السيارات من حيث صرفية البنزين

وبانتظار المزيد من التجارب.

قمت بحساب صرفية البنزين للميتشوبيشي ماجنا على خط سفر، فكانت النتيجة كالتالي:
سعة البنزين المستهلك: 42.2 لتر
المسافة: 411.7
استهلاك الوقود: 42.2÷411.7×100 = 10.25 لتر/100 كلم. شيء رائع.

طبعاً، كان خزان الوقود تقريباً على النصف، لكن عبيت مباشرة بعد الوصول للحصول على معلومات أكثر دقة.

THIS IN RIYADH

مشكور أخوي.

نعيد الحسبة بالعربي:
سعة البنزين المستهلك: 45 لتر
المسافة: 300 كلم
45÷300×100 = 15 لتر/100 كلم.

هل هذه داخل المدينة أم في خط سفر؟ لو داخل المدينة، فهو ممتاز جداً.

prado2007 vx1
use about 45 l for 300km ,this mean 15 litter for 100 km
sory, my computer is english

أشكرك على المعلومات القيمة، وزيادة في الفوائد.
نعتبرها 420 كلم و41 ريال، يعني أنت تعبي 68.3 لتر، إذا في المدن الرئيسية وبنزين 95.

68.3÷420×100 = 16.3 لتر/100 كلم داخل المدينة
68.3÷503×100 = 13.6 لتر/100 كلم في الخطوط السريعة.

وننتظر المزيد

عندي الاف جي

72 لتر تقريبا من 39-41 ريال نوع البنزين 95

تمشي بوسط البلد 400 لحد 420 كيلو بالكثير وبعدها نزل الجالون خخخخخخخخ

على المسافات الطويله وبسرعه متوازنه 140 كليو بالساعه تاصل معك لحد 503 كيلو

كان معي سوناتا 2006 4 سلندر ناسي كم لتر او بكم اعبي بس تمشي لك وسط البلد مايقل عن 450

كيلو صرفها معقول جدا

اتمني الفوائده تعم

قمت بحساب استهلاك الميتسوبيشي ماجنا إللي عندي داخل المدينة، فكانت النتيجة كالتالي:

المسافة: 468.6
سعة الوقود المعبأ: 57.4
معدل الاستهلاك: 57.4÷468.6×100 = 12.2 لتر/100 كلم.

وحقيقة انبهرت، يعتبر استهلاك رائع جداً عند الأخذ بعين الاعتبار أنها 3.5 لتر ست سلندر.

13 لتر/ 100 كلم، ممتاز الحقيقة. وبالنسبة لخبرتي، في الخطوط الثمان سلندر أوفر من الست سلندر.

كان الأخ CRAZY-8100 وضع تجربته سابقاً هنا لسيارته، 5300 سي سي، 2000، وحسبنا استهلاكها داخل المدينة 21 لتر/100 كلم. فارق مهول بين داخل المدينة والخطوط السريعة.



طيب يا أخي الشاص مو قوي في القومة! معروف أن قوته في عزمه في البر، لكن قومة ما في راسه. أكيد ما رح يقوم على جمس ثمان سلندر 7 لتر، حتى لو كان موديل 91.

احم احم اسكت ابو أسد لا يسمعك الشايب <<< يموت بجمس 91 والله ماتصدق

والله قبل يشري الــ2001 بغى يشري موديل 91 واقف بالمعارض ماشي 50 ألف بس بس
حاده راعيه بـ50 ألف

بس عارضت العائله وبقوه ... يقولون اذا بتشري الــ91 أجل ليش تبيع الــ94

للمعلوميه الوالد الله يحفظه تاجر جموس .. هههههه
من يوم عرف السيارات وهو استخدام جموس خبره 30 عام بدايه بموديل 77 الى 80 الى 83 الى 85 وهو الي طول عنده ثم 94 وأخيراً وليس أخراً 2001



أبو أسد هل مكينة الــ91 الله يحفظه لك زي مكينة الــ94 ؟؟


** مره كنت واقف عند اشاره يوم فتحت سمعت صوت كفرات قوي ..صار جمس موديل 91 وشاص موديل 2002 الى 2004 يتقاومون والله العظيم قام الجمس عليه

طيب يا ابو الخل راح اعطيك تجربة ثانية علشان ترضيك:
السيارة جمس سوبربان 1500 موديل 2002 حجم الماكينة 5300 cc
تمت تعبئة السيارة عند محطة الحجاز على طريق الرياض - الطائف قبل ديراب
التكلفة 50 ريال و التانكي كان فاااااااااضي (المبة والعة) بنزين 91 (هو صرفيته ترى اكبر) يعني 110 لتر
المسافة على ذمّة اللوحات اللي على الخط (الطائف 870 كلم)
السرعة مابين 130-145
السيارة محملة
مكان التعبية الثانية كانت في الحوية بعد ما تتعدى القاعدة الجويه بحوالي 10 -15 كلم
المسافه كانت حول ال900 كلم التانكي كان على الE لكن اللمبة بعد ما ولعت
الآن راح نحسبها على 850 كلم تجنبا للمبالغة
كمية الوقود 110 لتر
المسافة 850
الصرفية= 12.94118 لتر/100كلم
طبعا اليوكن 2007 اخف وزن واكثر إنسيابية ويحتوي على نظام جديد لترشيد الوقود
(صدقني يالخل الوفي: لو تسوق الجموس الجديده راح تُعجب بعزمها الجبار وخفّة ممشاها و سلاسة قيادتها و روعتها على الخطوط و داخل المدن وهدوء مقصورتها اللتي قد تكاد تكون تامه وراح تتفاجأ كثيرا بان استهلاكها للوقود ينافس السيادين ال6 سريندل رغم ارتفاعها ومقاومتها الكبيرة للهواء)
صراحة اللي يبغى سيارة راح يحافظ عليها وتكون شبابية و قوية و يطلع فيها كشتات معقولة وتجمل إذا بغى يركب معه احد او اهله وللمدينه و الخطوط ماله إلا اليوكن او التاهو

شوف باعطيك تجربه من شخص يملك يوكون وهو اخي مشى عليه من الرياض الى الخبر بنصف التانكي ما يساوي تقريباً ب 35 ريال وهو اول ماطلع بنزين 91 ماكان مقتنع فيه انا اقنعته انه ما يأثر على السيارة وان اليوكون من السيارات الي تستخدم 91 والحين كانه بدا يسمع كلامي

تقريبا هذي تعبية الدوادمي :)

تعبية الرياض من 64 إلى 67 ريال ونفس الشيء 95 أوكتان مع أثنين كلينكس :D

وأنا بالعكس عندي أستهلاكه معقول جدا جدا جدا على حجم المحرك وعلى وزن السيارة الضخم ايضا وزنه قرابة 4 طن وخصوصا في الخط ما يصرف أطلاقا

بخصوص المشي 80 أنا كنت أتكلم أني داخل المدينة بعد الخط

يعني

أنا أستخدمت السيارة لما أروح للدوادمي تقريبا 310 كيلومتر(ماشي طبلونه!!! 160 وهذا طبلونه بس على فكرة يقدر ينزل تحت الطبلون وهو بدون فاصل) ثم بعدها صرت أمشي في وسط الدوادمي بسرعة لا تتجاوز 80 من صغرها وقرب الأشارات لم بعضها (ولو أني الحين مافي إلا زي أول نظام تدعيس طربان من القوة والصوت هههههه) وكل هذا خلاني أمشي 760 كيلو

بنسبة للمشي في الخط أقل صرفية يصرفها الجمس وحسبتها أنا أنك تمشي ما بين 120 إلى 130 فقط ولا تتعداها أبدا لأن في النظام الي عندي لما بس تزيد ولو 5 كيلومتر راح المكينة تفتح الصمام الثاني على السلندر (نظام الي عندي صمامين لكل سلندر الي يسمونه الناس نظام حلابات وهو فل أنجكشن) عاد أن فتح الصمام الثاني شوف العزم والقوة بس شوف الصرفية بعد :D وأن مشيت مثل ما قلت لك من 120 إلى 130 من الرياض للطائف بتنكي واحد فقط ويجلسني فترة بسيطة في نفس اليوم موجود بنزين مثل ما قلت لك بين الربع والـ E عاد أنت تخبر المسافة كم من الرياض للطائف :) ناهيك أن السيارة تكون محملة تماما من الأغراض والعفش والركاب تكون ممتلئة تماما وبالمكيف

وعاجبني أكثر فيه أنه تسارعه جبار جدا على هذا الوزن 8 ثواني من 0 إلى 100 وبعض الأحيان يفحط بالأول والثاني بعد مع أن القير تماتيك! أذكرو الله شباب ماشاء الله

حتى أثناء التحميل العزم ما يضعف بالشكل الي يخليه مثل بعض السيارات الجربتها مثل اللاند يطيح بقوة في العزم لا بالعكس ما يضعف إلا بشكل بسيط

أخوي CRAZY-8100 الموديل قديم ومو فورتيك الموديل 1991 كلاسيك أخر موديل من الكلاسيكي

بخصوص الصرفية الوالد جرب السيارة وانا كنت معه يقول اللاند VXR 2002 من الرياض للطائف قبل لا تدخل الطائف لازم تعبي يخلص البنزين وعلى سرعة 130 تقريبا و120 يقول أن الجمس أقل صرفية رغم ضخامة محركه

ونفس الشيء على السوبربان الي معي من الرياض للطائف يدخل وبقي فيه شوي يعني حق دوران تدور لك فندق ولا شقق ولا منتجع البستان ثم تنزل الأغراض وتجيب غداء ثم سيدة للمحطة هههههه

السلام عليكم

أبو أسد ماقلت لنا موديل موترك ... طبيعي هو تحت الـ2000 لأن الــ2000 حجم الــ2500
تجي سعة المكينه 6000 ولكن أعتقد من الــ96 جات مكينه بتقنية فورتيك
هل موترك فورتيك ؟؟

** كان عندي قبل سنه او اكثر جمس موديل 94 مكينه 454 صرفيته معقوله جداً جداً على حجم المكينه الكبير والعزم الهائل عندما تبدأ بالتحرك لابد يفز وهذه تزيد من صرفية البنزين

{{ للمعلوميه كان كبليتر مطور وليس بخاخ }}

*** في احدى السفرات سافرنا عائلتان وكانت السيارتين جمسنا الـ94 والأخرى لاند GX موديل 2001
وكان العفش فوق الجمس لعدم وجود شبك على الاند وهذي تزيد من مقاومته للهواء

والاند كروزر تانكيين ... عندما نقف لتعبية بنزين يكون الجمس تحت الربع والاند التانكي الثاني على النصف أو أقل


في احدى السفرات وصلني 650 على سرعه مابين الـ130 الى 150 ولكن قريب من الـE

تعبيه 70 ريال، يعني 116.6 لتر. هل هذه قيمة التعبئة في الرياض أم في الدوادمي؟ لأنه خارج المدن الرئيسية سعر اللتر 62 هللة وليس 60 هللة.

116.6 لتر ÷ 585 كلم × 100 = 19.94 لتر/100 كلم، وهو اتسهلاك عالي، لكن يعتبر معقول عند الأخذ بعين الاعتبار حجم المحرك الكبير وتقنيته القديمة.

أما في الخطوط تمشي 80 كلم/س هذه ليس من العدل حسابها. أنا بحول هذه السرعة مشيت من أبها إلى الباحة، تقريباً 350 كلم، ولما وصلت الباحة كان باقي تقريباً نصف خزان الوقود. طبيعي لما السيارة تمشي مسافة طويلة منتظمة بسرعة منخفضة يكون الاستهلاك قليل جداً. وأنا أعتبر 760 كلم قليل بهذه السرعة.

شكل الخل الوفي يبي شوي معلومات عن صرفية الجموس :D

طيب سجل عندك موتري سوبربان 454
ومعلومات مختصرة عن السيارة والمحرك, سوبربان قطع 2500 دفرنس واحد ناقل حركة تماتيك المكينة 8 سلندر بشكل V طراز 454 سعته 7.4 لتر ووزن السيارة الأجمالي 3901 كيلوجرام

أعبيه فل المعتاد تقريبا في 70 ريال (نوع 95 أوكتان ولا قد ولا راح أعبي 91) وعادة تقل وقد تزيد بريال ولا ريالين (على فكرة هذي التعبئة على الربع عمري ما أخليه على E)

على فكرة من معلومات الي أخذتها من المواقع خزان سيارتي يصل إلى 151 لتر (40 جالون) وهو تنكي واحد وليس أثنين منفصلة

عموما

متوسط يمشيني تقريبا 585 كيلو وهذا أن وصل على الربع وأعتقد أن خليته لين يفضى يجيب 600 بالراحة وهذا المتوسط عبارة عن (تدعيس + أستخدام كبير جدا وسط المدينة + المشي بالدائري + تشغيل المكيف بشكل دائم)

طبعا أكثر صرفية واجهتني أنه مشاني بالكثير حول 540 كيلومتر أ نك كل وقتي تكريش في البنزين

أما بنسبة للخط

فقد رحت لأحد القرى البعيدة عن الرياض وجلست فيها كم يوم ما أمشي إلا بسرعة 80 كيلومتر وصلني 760 كيلومتر والتنكي على الربع

وقد جربت السيارة من الرياض إلى الطائف وتقدر تدخل الطائف بخزان واحد بدون تعبئة مرة أخرى وأقد فيها شوي لكن التنكي يكون أقل من الربع وحول E

عاد قولو ماشاء الله :)

أخوكم أبــــــــــوأســـــــــد|3|

هلا والله أبو الخل نسيت أعايدك

كل عام وانت بخير ... وعساكم من عواده

سيارتي يالغالي سوبربان 5300 وليس 8100

ولكني أعشق 8100 وان شاء الله تعالى راح أقتني واحد بأذن الله

البواجي أكيد لها دخل في صرفية البنزين. سيارتك 5300 ولا 8100 مثل إسمك؟

السلام عليكم

أبو الخل انا حطيت هنا تجربه قديمه عن سوبربان 1500 5300 فورتيك

ولكن للأسف راحت المشاركه مع أغلاق المنتدى !!!


ولكن انتظر تجربتي ان شاء الله راح أفلل الموتر وعندي مشوار بكره ان شاء الله تقريباً 100 كيلو

وراح أصفر الكيلوات وأحسب الى نهاية البنزين

وأنزلها هنا ان شاء الله

{{ موتري يبي بوجي او سلك بوجي }} مدري اذا لها دخل بصرفية البنزين