سلام عليكم
شباب انا اليوم جاي اناقش معكم مشاكل الاف جاي الموجوده لدى اصحابه لا المتناقله على السنة حساده :p
المهم :) طبعا قبل ما اتفلسف من عندي الموتر جربته 3 ايام في المدينه وسرعتي ما زادت عن 100 كيلو
اول مشكله
ظهرت لي كانت فتحت الباب الخلفي وانت ( السائق رابط الحزام ) انواع التخنيق
الحل
فك الحزام اول
المشكله الثانيه
صوت الجرس المزعج للي راكب جنب السائق وخصوصا اذا كان شنطه ثقيله شوي او طفل انواع الاستهبال مع الجرس
الحل
تعرف ان الطفل فك الحزام من غير ماتنتبه خله يربطه والشنطه حطها ورا
المشكله الثالثه
المرايات الجانبيه . . . الحفله طبعا لي تحفظ بسيط لكل المعترضين ترى قد كان معي فتره بي ام 740 موديل 98 ومرايته الجانبيه اخس من الاف جاي من ناحية الزاويا العمياء وبعد عندي ونيت الفورد الرينجر اخس بعد.
عموما هي تعطي احساس بأن الموتر طويل شوي
الحل
خل احد يوقف ورا في الزوايا ويعطيك الاحساس و الانطباع وين نهاية جيبك
الي جنبك يعني ماشي موازي لك لكن مهب طالع في المرايا الجانبيه
الحل
ركب الدويره البيضاويه موجوده في محلات الزينه رخيصه جدا وتعطيك الزاويه كامله ( حلي المميز كان امش ولا علي متى ما سمعت البواري اعرف انه فيه احد)
وانت داخل الخدمه ماتشوف الي جايين بسبب المرايا و التصميم الخارجي للبدي
الحل
احفظ الي جايين وسم بالله ودرعم <-- حل مؤقت
مشكلة الكفر الخلفي وانه مغطي عليك الوسط وخصوصا السيدان الي وراك وانت ماشي بالخط
الحل
روووووووعه وميزه قويه عشان ماتشيل هم الي وراك وتكشيحه والله ماتجيب خبره الروقان
مشكلة الكفر الخلفي وانه مغطي عليك الوسط وخصوصا السيدان الي وراك وانت تبي تركن الموتر
الحل
سم بالله وركز مع الحساسات
مشكلة الدهان و التقشير
الحل
ابدا ما اتوقعها من تويتا يمكن من مصنع كوري او صيني لكن تويتا وياباني بعد قويه ترى همممم انا اتوقع فيه عوامل اخرى بحثت في المنتديات الاجنبيه ولا شكوى
ضعف البدي وانه خفيف
الحل
انا توفى لي ولد عم وسواقه وزميله(رحمة الله عليهم) بحادث راكبين شبح وماشين عادي بتقاطع ودخل عليهم واجد طاير قاطع الاشاره سكران وعدم الدنيا ولو شفتوا الشبح كان قلتو اكسنت العبره في زاوية الاصتدام و طريقته قبل كل شي قضاء وقدر
اولا واخيرا تراه تويوتا وسعره راح يرتفع زود عن الحالي وهذي معلومات داخليه بسبب النجاح الخرافي في مبيعاته
شباب ياليت نتساعد هذي حلولي و المشاكل البسيطه الي طلعت معي الباقي همتكم فيه
