محتار الفزعة ألتيما 2008 أو أكورد 2008 لا هنتو

امس مريت فرع لوكالة هوندا وشفت الاكورد 2008

بصراحه من داخل بايخه جدا جدا مقارنة بالي قبلها الطبلون كانه معفوص ويوم قعدت على المقعد تحس الطبلون تحتك كذلك انارة الطبلون ماعجبتني الي قبل افضل .. افضل مافيها الشاشه الصغيره .الي بالنص


الالتيما من داخل روعه وانوارها برتقاليه تحسسك بالرياضيه وممتازة بالمواصفات


لكن من الخارج السيارتين كلهم توووووووووووب

الله يوفقك

حتى انا ناوي اشتريلي سياره ومحتار بين الاكورد والالتيما بصراحه كنت ناوي احط موضوع بين السيارتين لانه فعلا محتار ولقيت موضوعك وفرحت فيه
متااااااااااااابع بعنف
وان شاء الله ما يقصرون الاخوان ويعطونا ارائهم وانطباعاتهم عن هالسيارتين من ناحيه الوكيل والقطع والصيانه
لانه اذكر واحد من خوياي اخذله اكورد 2006 بصراحه عزم ورساوه مو طبيعيه
وباعها بأحد الصالات بعد اقل من سنه بسبب انه يقول قطع غيارها مبالغ فيها وغاليه
بس بنزول 2008 تغيرات كليه وفرق شاسع بين الموديلات اللي قبل
واستقريت على الاكورد والالتيما وخاصه بالمواصفات الجديده
ننتظر تجارب الاعضاء وخبرتهم وخصوصا انه مالي خلفيه بالياباني
وتقبلو مروري .

تدري وش الى انا جالس افكر فيه

ان التيما افضل من الانفنتي G35 بمراحل واضحه
وتشبه الانفنتي ببعض الاشياء
1_التيما فيها بلوتوث انفنتي مافيها
2_عدد الاحصنه تقدر تقول لصالح الانفنتي بس الالتيما ماهو بعيد هاذاك الزود


لو تجيب اكورد2007 والتيما2007
تتفوق الاكورد بالمواصفات والدلع
بس لو تجيب
اكورد 2008 والتيما2008
مافيه اي مقارنه بالمواصفات
التيما تتفوق والسبب مواصفات قليله بس مسكته
1_تفتح بصمه
2_تشغيل بصمه
3_نضام صوتي بوز<<<قويه بحق التيما
4_مكينه قويه
__________________________
هوندا اكورد
1_جوده
2_شكل جديد
هاذا الى قدرت اعبر عنه

واقول الالتيما فعلا نطت نطه قويييييه بحق نيسان
حتى منتدى محبي هوندا جاهم ميلان واضح على الالتيما
والحق حق ماينزعل منه

هلا وغلا اخوي

بصراحه مالومك تحتاار
فالسيارتين كلها جديده وشكلها جديييد


الهوندا داخليتها حلوه ولو انها تفتقد بعض المواصفات وسعرها غــاااااالي جدا


الالتيما شكلها رااائع داخليتها حلوه وتقنياااات رااائعه بصمه بلوتوث زينون على ما اعتقد في السته سرندر


انا ارشح الالتيما


والله يكتب لك الخير اخوي

ولاتنسى الاستخاره




تحياتي

صراحة

كوكورد

وكفى ووفى

صور ومعلومات

فمشكوووووووووووور جدا

____________

أخوي

الكشخة والرزة و الفخامة والقوة والمواصفات التقنية من قوة العزل و الثبات و كبر المساحة

وأفضل عند البيع

ولا تنسى الهيبة

أكووووووورد بدون منازع

جوووووووو هنادي


السرعة والمقاومات و المواصفات بلوتوث وبصمة ودلع وأفضل الأسعار سواء في الشراء

والصيانه

ألتيما

__________

لكن إذا إنت تبغى فل كامل 4 سلندر أكوورد

أنا أنصح

بالألتيما فل كامل 6 سلندر

لتقارب الأسعار

لكن إذا الإثنين 6 سلندر

فالأكووورد

والسلام عليكم

مايحتاج الجوده والاناقة والفخامة...............بالهوندا اكووووووررد

السيارتين تتمتعان بشكل جميل وتصميم عصري وجميعها مفضله لدي وان كنت

اميل الى اللتيما كراي شخصي


وموفق خير ان شاء الله

اخوى نصيحه خذ التيما لوتروح وتجرب السياره يكون افضل لك

انا جربت التيما 2008 6 سلندر فل كامل وان شاء الله قريب انزل موضوع عن التجربه

وسعرها حدود 96 الف

ألتيما ولا تشاور :)

أعتقد أن الهوندا أغلى

لكن معروف أن قطع غيار هوندا جباااااااااااااااااااااار بمعنى الكلمه

يعني

الألتيما خذها لـ 4 إلى 5 سنوات بعدين قل عليها السلام

أما الأكورد لك وللزمن

أنا أتكلم من واقع [ تجربه ]

واصلا متى تحتاج لقطع الغيار ؟؟

أنا عندي أكورد لها تقريبا أكثر من 7 سنوات

ولله الحمد الخرابات ما تتعدي عدد أصابع اليد الوحده

وبعدين حبيت اقولك معلومه بسيطه وهي

77
7

-

- [SIZE=3]ضمان مفتوح إلى 100.000 كم بدلاً من 60.000 كم
- خفض أسعار قطع الغيار من فارق 78% مع تويوتا إلى فارق 7% فقط مع ( Camry )
- أجور الصيانة تم تحديد أسعار مخفضة جداً

كل هـذا لعـملاء هوندا ملاّك سيارات الـ 2008 فـقط

[/SIZE]

أنت تبي مقاومات ولا كشخه ؟

اذا مقاومات خذ لك ألتيما

إذا كشخه ورساوه خذ لك أكورد

والفل كامل نازل الحين

لكن الـ 6 سلندر هو اللي راح ينزل بعد شهرين

هذي مواصفات الأكورد

الفئة الثانية (الفل أبشن) بـ92.500 ريال

أنوار ضباب
مساكات الباب من النيكل
جنط مقاس 17شكل مختلف
إغلاق المرايا بضغطه زر
جلد
تخشيبة
مكيف إلكتروني
تحكم المكيف منفصل للسائق والراكب
مدخل 6 سيديات
المقاعد كهربائية
8 وضعيات للمقعد
6 ايرباق
تحتوي على مثبت سرعة وتحكم بالصوت من المقود
مشغل MP3
فتحة سقف


.................................

الاكورد سياره حلوه ولكني افضل الالتيما لانها تملك مواصفات تقنيه جباره وارخص من الاكورد


والله يوفقك في اختيارك

الالتيما افضل مواصفات وشكل قارن مواصفات الالتيما بالاكورد وشوف الفرق الهائل لصالح الالتيما
الاكورد شكلها عادي ماجت بشكل جديد الاكورد من قدام كانك شايف سوناتا لكن الالتيما تغير جذري بالكامل

أرى أفضلية الأكورد

كفاية شكلها جديد

والألتيما قديم مع تغيير الواجهه قليلا

أعتقد الأكور أفضل وأقوى وأوسع وأشكل

كل السيارتين حلوين
بس انا اشوف انو الالتيما جات بموصفات افضل من الأكورد وخاصة نظام التعشيق والنظام الصوتي BOSE والبصمة والبلوتوث وغيرها

والخيار لك تحياتي

طبعاً الهوندا قطعها غالية ..
ومواصفتها أقل من الألتيما ..

والألتيما الجير فيه نظام جديد ..
لازم تتأكد من عملية هذا النظام يعني يعيش معك أو لا ..

وأرشح الألتيما للشاب والأكورد للعائلة ..

أنا انصحك بالاتيما مواصفات حلوه وسعر منافس
وبنسبة للقير ارجع لهذا الموضوع وراح تعرف اكثر
http://www.assayyarat.com/forums/showthread.php?t=111228

امم شكرا لكم

لكن يقولون الألتيما قيرها فيه نظام جديد

وش قصته ووش عمله

أنتظر البقية على احر من الجمر

ووش أغلى قطع الغيار الهوندا او النيسان

والله السيارتين حلوه لكن أنا أميل أكثر للألتيما|1| وشكرا وبالتوفيق .... |3|