استفسار عن الباجيرو

السلام عليكم

الجيبوب بشكل عام معرضة للانقلاب عند الالتفاف المفاجئ في السرعات العالية اكثر من السيارات السيدان بسبب ارتفاعها عن الارض وهذا شي طبيعي لاكن نسبة الخطورة تختلف من جيب الى اخر يعني في جبوب مثل البرادو تحس انه مرتفع زيادة عن اللازم ومافية عرض بعكس الكاين او اللاندروفر

Ken
يمكن كلامك صحيح... مثل ماقلت لك الإختبار كان لموديل 2001 و إنشاللة تلافو المشكلة

بس حبيت أعلم الأخ السائل بهالشغلة لأنة يفكر يشتري السيارة و ماحبيت اخبي عنة هالمعلومة حتى لو غنها كانت من الماضي و انشاللة إنحلت

أخي الكريم انت تتكلم عن موديل 2001

أنا عندي موديل 2005 وربع .. والحمدلله آخذ اللفات على سرعات عالية وما أحس السيارة بتنقلب :rolleyes:

يمكن التعليق تم تطويره .. ولا تنسى من 2001 إلى 2007 .. مدة لا يستهان بها وأكيد تم تطويره

تحياتي

Kenny

حبيبي.... فيه شغلة توني أعرفها و حبيت أخبرك إياها...

في بعض إختبارات الإنعطاف إلي تمت على الباجيرو (الصراحة الإختبار إلي شفتة لموديل 2001) كنت السيارة تنقلب بسرعة و هاذا سبب قلق عند المختبرين من سلامة السيارة

طبعا هم يتكلمون عن سرعات كبيرة عند الإنعطاف و ليس سرعة الإنعطاف العادية

الحقيقة مالقيت كلام كثير بس هاذا الرابط

طبعا السيارة اسمها monterp في امريكا

http://www.consumersunion.org/pdf/2001mit.pdf

حياك أخوي خالد

بالنسبة لى شخصيا انا أفضل انك تنتظر ل2008 تراة قريب بينزل ممكن بعد أسبوعين في الرياض

لان فية نظام ملاحة + DVD للفل أبشن

بالنسبة للدفلك الخلفي ما عندي خبر عنه لكن بعض الاخوان يقولون أنة بينزل في 2008



نصيحة أنتظر أسبوعين أو حتي شهر أحسن لك

بالنسبة للجودة لا تشيل هم جودة عالية ,,,, لاني أنا كنت محتار بين الباجيرو و البرادو ولكن في النهايه عزمت على الباجيرو 2008 ان شاء الله ,,,, ,,,,, ليش باجيرو ؟؟؟

أنا شخصيا كلمت ناس في السعودية و الامارات معاهم باجيرو و كلهم مدحو الباجيرو

حتى ان فية واحد من أعضاء المنتدي الكبار و المميزين كلمتة شخصيا معاة باجيرو يقول

انه مشاة الباجيرو حوالي 650 كيلو على سرعة 120 ( طبعا تانكي البنزين فل ) يعني ما يصرف بنزين.....


ان شاء الله أنا رايح أجرب الباجيرو 2008 بعد أسبوعين ,,, و رايح أقولك الايجابيات و السلبيات؟؟

لكن تواصل معنا في المنتدي ,,,,, أو راسلني على الخاص ,,,

تبى تقول وش الحماس هذا ؟؟؟ لان اعضاء المنتدي ما قصرو معى راسلتهم و ما قصرو معى بشي ابدا,,, و أحب أرد الجميل لمنتدانا الغالي ....

و عشان تتأكد شف الرابط التالي و لكن أقرء كل الردود ,,,


http://www.assayyarat.com/forums/showthread.php?t=112485

فية مواضيع كثيرة عن الباجيرو ,,, رح لخاصية البحث و تلقى اللى تبيه


تحياتي للجميع

ابو محمد

تسلم يا mnslamns

من ناحية ميزات في المدينة فهو مقبول .... يعني لا تعتقد ان سيارة دفع رباعي حقيقة مثل الباجيرو راح تكون كراحة السيدان على الطريق

انا بعطيك كم ميزة عالماشي..... هالميزات مالها دخل بقدراتها بالبر

وجود صف ثالث للركاب تقدر تصفطة و تحطة تحت الأرض إذا كنت تبي مساحة الشنطة تكون أكبر

مقاعد جلد مع التخشيب

ثلاجة (أحسها مرة مفيدة بالرحلات الطويلة ..... عشان البيبسي يبتل بارد ههه)

نضام صوتي ممتاز (rockford) أو إذا حبيت شاشة نافيجيشن في 2008

السيارة ماشالله تستحمل يعني إنشاللة طول عمر و هاذا شي مجرب

فية ميزة يتشارك فيها الباجيرو مع باقي الجيوب و هي إنك تحس إنك تسوق فوق الزحمة مو معاها بسبب إن السيارة مرتفعة و صدقني هالشي ممكن يخليك ماتبي تسوق إلا جيب بعد كذا

اشكر جميع الاخوة اصحاب الردود. و للاخ صالح معظم ماكتب عن الباجيرو سابقا في المنتدى يناقش قدراته في البر مع ذكر القليل غير الكافي عن مميزاته داخل المدينة.

على العموم الظاهر اني بانتظر لموديل 2008 مع النفقيشن اللي ماادري متى بينزل!!

شوف اخوي...

إذا 2008 فية نافيجيشن و قفل للدفرنس الخلفي فهو يستاهل من يستناه ..... السيارة مع هالصفتين راح تكون جبارة بكل معنى الكلمة

السلام عليكم
الاخوان ماقصرو وفي مواضيع كثيرة بخصوص الباجيرو ممكن ترجع لها عن طريق خاصية البحث

وسيارات متسوبيشي بشكل عام ذات جودة عالية وتقنية متطورة
وانصحك تاخذ موديل 2008 لانه تقريباً وصل الاسواق وفيه زيادة نظام قفل الدفرنش الخلفي

وانصحك بالاستخارة
بالتوفيق

الباجيرو متماسك الى اقصى درجة. عند واحد من اخوانى طراز 99 ولازال متماسك كأنه جديد.

لم اجرب الجديد ولكن بحسب الموديلات الى قبله فإنه مريح وعزله لا بأس به. طبعا هناك صوت هوا وهذا عادى بغالب الجيوب بسبب ارتفاعها وتصميمها.

بالنسبة للهربدة معلوماتي ان الباجيرو صعب يهربد و دليل ان موديلاته القديمة ما زالت تسير على الشارع
مشاكل الجير ما سمعت فيها من قبل
في المدينة الباجيرو من أفضل الجيوب الموجودة حاليا اما الراحة فما لي علم بالموديل الجديد لأنه تغير من الداخل أما العزل فكأغلبية الجيوب بسبب الأرتفاع يكون اضعف من السيدان