اللي يعرف عنوان مجموعة السلام يدلني عليه

عجيب على كذا بكم يبعيون شاشات اللمس والنافقيشن لليوكن والتاهو

لاوبعد ياخون انصح اللي يشتري سيارة منهم يشرط عليهم شرط ان اذا كتبو المبايعة يطلع السيارة من عندهم ويوديها لمعرض ثاني لأن تدرون وش يسووون

يشوفون سيارتك اللي شاريها منهم اذا عندهم سيارة فيها قطعه خربانة او متعطلة ونفس سيارتك هم عاد مجموعة حرامية وخصوصا الدوافير اللي بمعرضهم اللي في صالة الدمام اللي عند الشارع التجاري بـ91 يقومون ويفكون من السيارة اللي انت تبايعت معاهم عليها في الفترة اللي يطلعون لك فيها لوحة واستمارة يعني يوم طبعا بس اليوم ذا 24ساعة عندهم فنيني خلال فترة3ساعات يفك اي قطعة وياخذها من سيارتك ويركبلك القطعه الخربانة وانت عاد رح رقع بموترك لأن الموتر مظمون فقط مكينة وقير ودفرنس بس الدينمو والقطع الثانية والديكورات وووو الخ الخ مايشملها الظمان وعلى فكرة ورب محمد انا اشهد عليهم ان اذا شريت منهم سيارة ورحت تسوي لها فحص وطلع فيها مشاكل مثلا مساعدات فرامل مساحات تهريب زيت الخ الخ
هم يقولون لك نصلح لك الخراب قبل لاتشتري
طبعا كل القطع اللي يركبونها قطع من اردأ الانواع قطع تجارية وباقل سعر وتلفيق اي كلام وحتى صيانة اي كلام
المهم ياخون انصحكم نصيحة تاخذون حذركم منهم انا اخذت منهم درس وشفت منهم كذب وخداع ماعمري شفت مثله
وانصح كل واحد لايعطيهم عربون الا يتفق معاهم ان اخذ العربون وبدون شروط يعني مايشرطون عليك ان طالما السيارة مافيها اي عطل اجل ياتشتري يا ان العربون راح عليك وانننننننننننننننننتبوه
حرامية ومستعدين ياكلون حرام ولاعليهم منك
اذكر مرة عربنت لهم 500ريال وخذت السيارة بس سبحان الله قبل لااسوي فحص للسيارة مادري كيف حسيت بشي كرهني بالسيارة وماطقتها ولاطقت سياقتها وعلى طول ديورت ورجعت لهم وقلت لا خلاص بطلت مابي السيارة ولاارتحت لها
قالي خلاص الله يسهل عليك هات المفتاح قلت له هات الـ500 قالي لا خلاص لو السيارة فيها عيب رجعت لك العربون بس السيارة انت مافحصتها ولافيها عيب العربون راح عليك
والحمد لله المفتاح تو مابعد عطيتهم قلت له شوف كلمة ورد غطاها تبي تعطيني الـ500ريال ولا لا
قال لا قلت طيب ورحت على طول وفتحت سيارتهم وشغلتها وحطيتها بالدي وقلت اقسم لك باللي خلقني وخلقك لأدبك ياحرام ويانصاب ووريك كيف النصب وجاني يترجاني تعال خذ فلوسك وطلع الـ500ريال وقال افتح الباب وخذ فلوسك ورماها لي بالسيارة وقال خلاص خذ عربونك وفكنا المهم قلت له طيب وخر وحطيت رجلي وانا افرك بالسيارة وروح للحارة ووقف ربع ساعة المهم رجعت لقيتهم مختبسين وفيهم حالة وكل واحد قاعد يرمي المسؤلية للثاني ولما شافوني كانهم شايفين الجنة
وين رحت وووووو الخ الخ ولاكم باحترام الخ
المهم قلت انا بس حبيت اعطيك درس وترا انا مارحت بعيد لفيت وركنت السيارة وخليتك بس تعرف ان اللي يطمع بفلوس الناس ممكن يخسر كل فلوسه
ورتا ممكن يجيك غيري ويسوي معاك كذا وياخذ السيارة والله ماعاد تشوفها ان يشلحها
المشكلة ياجماعة الخير انهم لازالو على نفس النهج وكل مرة يتمشكلون ويتهاوشون مع الزباين
ولاحول ولاقوة الا بالله
تصدقون سبحان الله لما تشوف اشكالهم تقرأ في ملامحهم النذالة والخبث والغش ولا بعد المدير حقهم واحد تشوفه تقول وش هالملاك ولما تتكلم معه واحد ميييييييييييييييت وفوق ذا كله العن واسوء منهم في التعامل واتوقع انه هو اللي معلمهم النصب
هذا والله اعلم

انا صار معى موقف منهم عربنت لهم عن طريق واحد من اخوياي وانا فى الرياض المهم عربن لهم 150 ريال ثم اتصلت عليه علشان الفتحه اللى حجزها خويي ثم قلت له انا بجى بشف الفتحات وشغلكم بس على شرط ترى اذا ما اعجبنى اى شي بسحب العربون قال خلاص < نفسه فى خشمه وهو يكلمنى > ثم جاء بعد يوم ورحت لهم وشفت شغلهم اوكى بس ما اعجبنى المقاس حق الفتحه قلت له ابي مقاس اصغر لان المقاس هذا كبير على سيارتى قال لى مافيه الا هذا تبيه ولا كيفك قلت له وزد على الفوس بس ابي مقاس زى الوكاله قال لا تبيه هذا نركب لك غيره ما فيه قالت خلاص ابي اسحب العربون قال لى لا مافيه نظام الشركه مايسمح لنا قلت انا شارط عليه وهو وافق قال انا ماكلمتك ولا اعرفك وتناشبنا :mad: وكل واحد يحولنى على الثانى وفى الاخير عطونى اياه بس عقب العن والملاعن بس انصحك انك تاخذ حذرك ولا بعد ترى يلعبون علينا يقول ما عندنا الا كميه قليله علشان تحجز وانتبه لهذا وشكرا لكم

انتبه
بجد تراهم حرااااااااامية نصاااااااااااااااابين
انا صار لي معاهم موقف اموت مانساه
وخصوصا صاحب الشركة
واحد في الدمام في معرضهم اللي في الشارع التجاري
صار لي معهم شغلة بجد حرامية وكذابين ولايخافون الله في الناس وعندهم استعداد يحلفون لك يمين فاجرة مقابل خمسن ريال
واقسم لك صار لي معهم موقف سيء جدا جدا جدا
ولو تحب اقلك وش صار عطني رقم جوالك وانا اشرحلك كل اللي صار ويصير تاخذ منهم حذرك
تحياتي لك

فى شارع الملك سعود بس على فكره يا اخوى ترى لهم فرعين على نفس الشارع فيه فرع قبل اشاره تويوتا وبعدها الى قبل الاشاره خاص بتركيب الشاشات والتنجيد واللى بعد الاشاره خاص بالفتحات وتركيب الزينون بس على فكره تراهم غالين وتعاملهم لك عليه شوى :rolleyes:

السلام عليكم أخوي أنا أعرف محلهم بس في الشرقية في شارع تويوتا وعندهم فرعين في نفس الشارع

مشكور اخوي علي الرد لكن ماعندك فكره اذا لهم فرع في الرياض